Jerimaya 9:4 - Ạḍinya Iigbia

⁴ Ẹkpe ni dị tọrotoro oye kagona loor esi ọyaghiri ọdi, ḅịle kẹn oye umor ọdi óḍuom mun ologhi, loor esi dị tọrotoro umor aḍighi oye areekeleghian ịdipho ạJekob, ḅịle kẹn tọrobo oye rạgbaanaan ni ịkaraph rịghiri ọdi.

Jerimaya 9:4 Iomraidhean Croise

Emiighom 32:28

Kụ oye phọ ạḅeni nyọdi mọ, “Kọ́magh ghan mun nyịna mọ ạJekob; ḍien ạna kokol mọ Ịzirel, ịdi eḍighi bọ nạ mạgba ịnugh rꞌẸnaan ḅịle rꞌawe kụ ạkpar apu bịdi.”

Ạsuor 101:5

Mị kátelhian oye lọ aaghologh ịkaraph bụnon awe. Oye lọ aphoophe loor kụ raabaga káḍighi ọyaghiri ạmi.

Ạsuor 15:3

Ọpo rạ́kalaghian ghan bọ ịkalaghian, ráḍighi ghan bọ matuman ọdi ịkaraph, ráatuuny ghan bọ we.

Asidogh 10:18

Oye dị ạaghi mụlogh-ḍien pọ ọgbaam ọkpe. Tọrobo oye lọ aleenye ịkalaghian pọ uwelologhi.

Asidogh 25:18

Ọgbaanaan oye ịyaar lọ oye phọ úḍighi epin ịdipho isiko, ẹḅam, ḅịle mꞌẹkpina lọ ọkpol.

Asidogh 4:16

Awe ạsipioghom kọ́naani tụtu bịdi oḍighi ịyaar dị ị́nighe. Bịdi ọmina bịn kọ́naani emuton dị bịdi moḍighi oye ịyaar dị ị́nighe.

Asidogh 4:17

Ẹkaraph eḍighinom ịyaar rꞌogburugburu eḍighi eḍien rꞌamiim esi ạbidi.

Asidogh 6:16

Oḍual ạraraar edi bọ dị Ọmoogh-we phọ aghel kụ kạ́sighe ni: ophoophe aloor, anem ọgba ọkpe, ạraghaagh dị kẹze we dị ịyaar ụ́piom, ologhi dị rạatughian ịkaraph, aruwol dị reegborion oḍighi ịkaraph, oye-ọgbaanaan dị ạgba ọkpe atum ọkpe, ḅịle rꞌoye dị kaḍighi ịdi ạrighiri kọḅaaghi.

Azaya 59:13

Yoor mọḅaar ẹmhu esi ạna, oghel nyịna, kụ úmeera ọdaph ạna. Yoor mọkpiloghom bụnon kụ ọḍua loor ạna. Ịitughian ayoor ị́nighe; ikpo ọnhu ayoor ọkpe.

Azaya 9:16

Bụphe oḍiemiom bọ we phọ ạbuen morelhiom bịdi ẹkaraph eten bịn úlegheri mun ịlo oḍighi kụ ọgbaragbarami bịdi ọmadan.

Jerimaya 12:6

Ghạlamo abumor phọ ạna, bụo asiya phọ ạna, bịn mookeleghi nyịna; bịdi mọghi oḍighan ozuom ạna ẹgham. Káḍuom bịdi ologhi, ghạlamo ịduon bịdi rọkaaph bọ ni ịlo ạrighiri phọ.”

Jerimaya 6:28

Oomo ạbidi oḍighi ịgbagara awe oḅom ẹmhu, ọgbagara ịdipho enaba mꞌokuron. Oomo ạbidi ịḅoria awe, awe ẹphiiny rꞌịkalaghian.

Jerimaya 9:8

Asinem mọ ạbidi ẹkigh ịkpina aḍuugh-aḍuugh; bịdi rọgba ghan ọkpe oomo amem. Tọrotoro oye rạkaaph ghan ịma ikpo ọnhu kụ kạḅeni matuman phọ ọdi, kụ ạri ịduon phọ ạkaraghi kụ rạkpaminaan ghan nyọdi ḍiphil.

Izikiel 22:9

Buniin awe anyina rọgba ghan ọkpe ịlo ạbueri phọ ọbo ọmiin mọ ọze bịdi. Buniin ạbidi role ghan rịkia dị ọngo ịkaaghineen ạrumugh. Buniin oomo amem rọperemi ghan rụuphua ạbidi.

Lịvitikos 19:16

Kẹ́tol dọl ụḅemo. Úgbororian ghan asophoghom ghuḍum amatuman ạna. Mị kụ Ọmoogh-we phọ.

Malakai 2:10

Oomo phọ ayira ụ́moogh oniin ọde ḍụghum? Eniin Ẹnaan kụ ịlhem bọ oomo phọ ayira ḍụghum? Kụ eeghe kụ iḍighi kụ yira oniin rabi ghan bọ nyoniin, ḅịle kẹn eeghe kụ iḍighi kụ yira ọḅitonaan bọ ịyo phọ Ẹnaan eghiran bọ bụrude ạburude phọ ayira?

Matiu 10:17

Igona loor. Awe kirorori ni inyina osoorom erugh kꞌikumoor awe kụ ịgurogh inyina rubughotu phọ ạbidi.

Matiu 10:21

“Umor katorori ni umor ạlogh esi aḍuugh; ọde kạtuugh ni ịdipho aḍighi aani mọony ọdi; ạnmuny phọ kọmoogh ni oḅom ẹmhu ọḅogh bụphe ọmar bọ bịdi ọlogh esi aḍuugh.

Elegh aLuk 21:16

Ạburude rꞌaburunhiin anyina, rꞌabumor anyina rꞌasiya anyina rꞌạrighiri anyina kụ kirorori ni inyina, ọlogh buniin esi aḍuugh.

1 Bụo ạTesalonika 4:6

Oye kúten ghan ọman uugbegheḍiom ọnyo asiya ọdi. Ọlo aḍighi ịphen phọ pọ mạphue erugh otu, ạḅile aliom ipeel. Yoor mịḅeni ghan ni inyina ịphen phọ. Yoor ụkuami ni ịphur inyina rụru mọ Ọmoogh-we phọ kạliom ni bụlo oḍighi yogh ọdo ịkaraph phọ ịphen.