Jerimaya 9:3 - Ạḍinya Iigbia

³ Bịdi ookolobian ọgba ọkpe oomo amem; iipheeny kụ iḍia ẹmha phọ kpạripe rꞌigey. Ọmoogh-we phọ ạḅem mọ, “Awe phọ ạmi roḍighi ghan ịkaraph bịn kotum ịkaraph, ḅịle kẹn ịmi elegh ụ́logh ịdipho Ẹnaan phọ ạbidi.”

Jerimaya 9:3 Iomraidhean Croise

Emiighom 39:16

Ạnir phọ ạpham ạsuoma phọ ọdi tụtu ọde-otu phọ arigheel,

Asidogh 12:5

Awe dị iguegue ekia kọmaar ọpham nyịna; ạbukaraph awe kọwa ghan ookeleghi ạna.

Azaya 1:3

Ạsinam elegheri ni nyọpo ạmoogh bọ bịdi, kụ ịnam adool elegheri ni ekpisi dị uwotu ạbidi rạngo ghan bịdi eḍien. Kụ ịpe awe phọ ạmi Ịzirel útue ulegheri. Bịdi ụ́naghanan rꞌẹnum.”

Azaya 3:5

Oniin kạgbiphoghom ghan nyoniin. Ugheel ạnmuny rꞌarisina kọ́logh eegu ikumoor awe ạbidi, kụ ighiil awe kókueni bugey ạbulo opu bịdi.

Azaya 6:5

Kụ mị ạḅem mọ, “Oḍuom ologhi ịmi úlhoonaan. Ịmi moruule ịdi eḍighi bọ tọrobo ekpo ọnhu dị ẹḍua ịidoronhu ạmi emite eḍighi ịkaraph, kụ mị atughan rꞌawe dị tọrobo ekpo ọnhu ạbidi eḍighi ịkaraph. Ghạlamo ịduon phọ ni bịn mị mạsighe ni riḍien ạmi ạmiinom Ọdaam mọ, Ọmoogh-we oomo ịikpo phọ!”

Azaya 9:18

Ịkaraph dị awe phọ moḍighi reemor ghan ịdipho ạnian dị repiemi ghan ruuḍum iitoor rꞌiiḅurom. Reemor ghan ịdipho ọnuza dị rale ẹekpua kụ rẹdumughu rookpoogh ạmughi.

Jerimaya 12:6

Ghạlamo abumor phọ ạna, bụo asiya phọ ạna, bịn mookeleghi nyịna; bịdi mọghi oḍighan ozuom ạna ẹgham. Káḍuom bịdi ologhi, ghạlamo ịduon bịdi rọkaaph bọ ni ịlo ạrighiri phọ.”

Jerimaya 22:16

Ọdi ạghaaph ghan ni ḍighiton uwekulom egey ẹghaaphom, kụ oomo ạraraar ịnighenaan ni nyọdi. Ịpe kụ olegheri Ọmoogh-we phọ.

Jerimaya 31:34

Rꞌoniin ọnyo ạbidi kụ kạ́tughemi bụeri phọ mọ olegheri Ọmoogh-we phọ, ịdi eḍighi bọ oomo phọ ạbidi kulegheri ni ịmi, emiigh kꞌọbam kụ ẹteeny kꞌogbogh. Mị kạsar ịkaraph ạbidi ạbile kụ mị kạ́atughian mun sịpioghom mọ ạbidi. Mị Ọmoogh-we phọ kụ mạḅem.”

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 5:4

Kụ mị ạatughian mọ, “Bụen phọ arukulom mọ ḅịle rꞌạbuphe ịyaar úlegheri bọ. Bịdi roḅo ghan ịlo arolologhi; bịdi úlegheri ịpe Ẹnaan phọ ạbidi rạwa bọ, ịpe Ọmoogh-we phọ rạwa bọ mọ bịdi oḍighi ghan phọ.

Jerimaya 5:5

Mị kạki ạteeny bụo ọtooghi phọ kụ ạḅaanaan bịdi. Ọkaraghi agey bịdi olegheri ni ịpe Ẹnaan phọ ạbidi rạwa bọ, ịpe Ọmoogh-we phọ rạwa bọ mọ bịdi oḍighi ghan phọ.” Kụ ọlo oomo phọ ạbidi moghel ịto Ọmoogh-we phọ ḅịle kẹn úmeera ụ́naghanan nyọdi.

Jerimaya 6:28

Oomo ạbidi oḍighi ịgbagara awe oḅom ẹmhu, ọgbagara ịdipho enaba mꞌokuron. Oomo ạbidi ịḅoria awe, awe ẹphiiny rꞌịkalaghian.

Jerimaya 7:26

Kụ ọlo rꞌoniin oye ọ́naghanan. Kpạripe ghụn, nyina ịḅile ghụn bịn kụ ẹḅaar ẹmhu epu bụrude ạburude phọ anyina.

Jerimaya 9:5

Oomo phọ ạbidi rookeleghi ghan ni rịghiri ạbidi, ḅịle kẹn oye rạ́gba ghan mun igey phọ; Bịdi mọtughemi sinem mọ ạbidi ọgba ghan ọkpe ḅịle kẹn bịdi kótue ọbile ịkaraph. Bịdi roḍighi ghan iniin ịkaraph bịn kotum ịnon, ḅịle kẹn iniin areekeleghian retum ghan ịnon bịn. Ọmoogh-we phọ ạḅem mọ awe phọ ọno moghel nyịno.

Jerimaya 9:8

Asinem mọ ạbidi ẹkigh ịkpina aḍuugh-aḍuugh; bịdi rọgba ghan ọkpe oomo amem. Tọrotoro oye rạkaaph ghan ịma ikpo ọnhu kụ kạḅeni matuman phọ ọdi, kụ ạri ịduon phọ ạkaraghi kụ rạkpaminaan ghan nyọdi ḍiphil.

Izikiel 8:13

Pọ kụ amem dị Ọmoogh-we phọ ụḅeni ịmi mọ, “Nạ kạmiin ịdi bịdi koḍighi ghạlamo ạraraar ophin ologhi dị epu ịpe.”

Dạniel 11:27

Ịyal phọ ạbudaam mọ kozuan ni olian eḍien kụ ọlo igbiighi ạbidi keḍighi ịkaraph kụ oniin kạgbaam ghan ni nyoniin ọkpe. Bịdi kọ́moogh ịpe bịdi rọwa bọ ịdi eḍighi bọ amem ịpe phọ kẹ̋teeny.

Lịvitikos 19:11

“Kémiighi ghan, kéegbegheḍiom ghan oye, kẹ́gbaam ghan ọkpe oye.

Elegh ạMak 8:38

Oye lọ ughiilom ịmi umugholoor, sịen ọkaraph oghiil phọ ọphon Ẹnaan úlegheri bọ, pọ Ọony phọ Oye kạḅile ni akiilom aani nyọdi umugholoor, mem dị ọdi kạpam rụukpaany phọ Ẹnaan kụ atu rꞌigbogh Ọde phọ ọdi.”

Elegh ạJon 17:3

Kụen kụ aghuḍum kꞌagee-pọ phọ mọ bịdi olegheri nyịna egina ọkaraghi Ẹnaan phọ, ḅịle rꞌạJizos Kraist phọ nạ kụ arom bọ.

Iiḍighi 24:9

Kụ ạbuo aJu phọ uḍighan aani ni ọgba iilogh phọ ọḅamaghi ẹmhu ọdi, kụ ọḅem mọ ạsiagba phọ ạTatulos ạgba bọ igey ni.

Bụo aRom 1:16

Mị ooḅi ọghaaph phọ rákiilom umugholoor. Ẹnaan rẹtuan ghan ịikpo ooḅi ọghaaph phọ kụ kẹphel oomo ạbuphe omeeraam bọ, emiigh kꞌạbuo aJu phọ kụ ẹteeny ruuruen phọ.

Bụo aRom 1:28

Ịdipho bịdi mogbiighi bọ mọ bụno kólegheri mun Ẹnaan, ọdi maghel bịdi ạḅogh ạngo ịkaraph ịitughian bịn bịdi mọḅile roḍighi yogh ghan rạraar dị ị́kpe.

Bụo aRom 3:13

Ọghaaph ạbidi rapur ghan ịdipho oḍi oye dị úukpereghi; anem ạbidi regheleghele ghan ịlo iigbegheḍiom bịn, ikpo ọnhu phọ ạbidi ịlo aḍuugh-aḍuugh, ịdipho ịka ẹkaraph-ịyaar;

1 Bụo ạKorint 15:34

Isereghian ẹwile ịkaraph areten phọ anyina. Ịphen phọ mị rạkaaph osiphiom anyina umugholoor. Ịbadi anyina Ẹnaan ílegheri.

Bụo aFilipai 1:28

Kékiilaan bụmulogh-ḍien phọ anyina. Ịmoogh ghan ạkpo ologhi oomo amem. Ịduon kụ eḍeenaan kꞌẸnaan olegheriom mọ bịdi kope ni kụ nyina ẹkpar epu.

2 Timoti 3:13

kụ ọlo abuḍighinom ịkaraph rꞌawe iigbegheḍiom kọloghori ghan ni bịn ọkiom ghisigh ookeleghi ghan bụnon, ọḅile ookeleghian loor ạbidi.

Ạḍinya dị aJud ạge 1:3

Iiḅi asiya, ịrol ghan ni ologhi ạmi ọge anyina ịlo ạpeleeny phọ yira ọḅophoghan bọ ọmoogh, kụ mịkpaariom bọ ịmi nyịidipho ọge ọkparamiom iloghi phọ anyina lọ nyina kẹmerenyan ebianaan igey phọ ịpe Ẹnaan ẹngo bọ we phọ ọdi mem bịn ḅeer ẹmadan mọ omeeraam ghan phọ.

Ogonanami Phọ 12:11

Ịḅaal Ọony Oyool-ọga phọ ḅịle rꞌigey phọ bịdi ogbeelom bọ kụ iḍighi bọ dị bụo asiya phọ ayira ọkpar opu nyọdi. Bịdi umeeraam ni omugh, ụ́maghami ịyaar ghuḍum mọ ạbidi.

Bụo Ịiruen 14:17

Kụ ạnir phọ ọdi ạrol emoghi oomo oḍual phọ aḍughul-otu ẹyaal phọ loor aḍidogh phọ. Kụ mạaḅaghami Sạmsin iboom, kụ ḍịphe emuneniom bọ oḍual aḍughul-otu phọ, kụ ọdi ạgba ẹmhu aḍidogh phọ ạḅeni ạnir phọ. Kụ ạnir phọ ạḅeni we ẹmha phọ ọdi ẹmhu aḍidogh phọ.

Bụo Ịiruen 2:10

Oomo oghiil phọ ọpo umugh ni; kụ oghiil dị atum sịphe uwula ni Ọmoogh-we phọ rꞌiiḍighi phọ ịpe ọdi aḍighi bọ ạngo Ịzirel.

1 Sạmuel 2:12

Ạnmuny phọ Ilai uḍighi bụkaraph awe; Bịdi úpogh Ọmoogh-we phọ ọ́maghami ịyaar,