Jerimaya 9:2 - Ạḍinya Iigbia

² Mụghumo mị ụmoogh ni esi ọrol ẹpe ẹdala phọ, ekpisi dị mị kạkelan weye phọ ạmi. Oomo phọ ạbidi úmeeraam mun Ẹnaan, oḍighi egu areepheeny.

Jerimaya 9:2 Iomraidhean Croise

Azaya 59:3

Ologh ọkpe rꞌạḍigam rꞌọko enu isiph inyina.

Jerimaya 12:1

“Ọmoogh-we, eḍighi ịyaar dị mị ạgba ḍighiton phọ ạmi rꞌạna, nạ kạmoogh ni akeel. Kụ ghạlamo ịduon phọ ni mị rạwa ni opuru ạna ịlo ạraraar dị egbolomaam iiḅi ịiruen. Eeghe kụ iḍighi kụ edughom edianaan ghan bọ bụkaraph awe? Eeghe kụ iḍighi kụ ạraraar rẹnighenaan ghan bọ reepheeny?

Jerimaya 12:6

Ghạlamo abumor phọ ạna, bụo asiya phọ ạna, bịn mookeleghi nyịna; bịdi mọghi oḍighan ozuom ạna ẹgham. Káḍuom bịdi ologhi, ghạlamo ịduon bịdi rọkaaph bọ ni ịlo ạrighiri phọ.”

Jerimaya 13:22

Eḍighi ịyaar lọ nạ apuru ịpe eḍighi bọ kụ oomo phọ ịphen phọ memitenaan bọ nyịna — ịpe eḍighi bọ kụ mọphanyi bọ ukpe phọ ạna bịn obiighi nyịna — ịtuan esi igbogh ịkaraph phọ ạna.

Jerimaya 23:10

Awe dị Ọmoogh-we phọ ụ́pamanam omuza sịen ade phọ; bịdi odi ghan dọl ịkaraph, ọḅile ọsighe ịikpo phọ ạbidi roḍighinom ịlo ẹḅeeraan. Loor ịdi Ọmoogh-we phọ maronyon, ade phọ edimom ọto ḅịle kẹn ạroogho phọ mạnuughi.

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 5:1

Weye aJeruselem, ikiil oomo phọ areten phọ anyina! Ipogh ekitonom! Ẹmiin rꞌaloor anyina! Ịwa oomo phọ asiḍighi phọ! Nyina ketue ni ẹmiin oniin oye lọ raḍighi ghan ịlo ẹnighe kụ ạḅile ạphamanam omeeraam Ẹnaan phọ ḍụghum? Eḍighi ịyaar dị nyina ẹmiin, pọ Ọmoogh-we phọ kạbilenaan ni Jeruselem.

Jerimaya 5:11

Awe phọ Ịzirel rꞌaJuda mubi ịmi. Mị Ọmoogh-we phọ kụ ụḅem.”

Jerimaya 5:2

Ghạlamo ịduon nyina ẹḅem bọ ni mọ nyina rẹeḅereghi ghan ni Ọmoogh-we phọ, nyina rẹḅem aani ghan ni bịn.

Hosia 4:2

Bịdi roguanaan ghan ruguan dị réḍighi ghan ekol; bịdi rọgba ghan ọkpe, ọko enu, rꞌimi, ọḅile olhe ẹmha. Ạsipioghom eepaany kụ rꞌọze aweye.

Hosia 5:7

Bịdi moghel Ọmoogh-we phọ; ạnmuny ạbidi kạ́buo ọdi. Loor ẹmhu ịphen phọ, nyịidipho kọnuun ni opiemi bịdi.

Hosia 6:7

“Kụ bịdi roḍigh eelhe phọ Ạdam, bịn bịdi ọopu ịyo phọ mị rꞌạbidi oghiran bọ.

Hosia 7:4

Bịdi oḍighi we iḅoroghom ẹmhu rꞌegbaghara. Ạmulogh-ḍien ạbidi rada ghan ịdipho ạnian dị edi ologhi ọvin dị ọpophoghiom mọ úgir tụtu ẹteeny mem dị kodoghoḍi rọḅol phọ.

Maika 6:12

Awe ikpoki anyina rọkpiloghom ghan bụphe ị́nighenom bọ, kụ oomo anyina awe ọkpe.

Zẹfanaya 3:4

Ariil phọ ụ́logha siloor eegu kụ ọpomoghian iigbegheḍiom; ariil ạrikia phọ rọopu ghan ịyaar lọ eḍighi ẹlo iigbia, kụ okiton ologh phọ Ẹnaan otene ịlo ạsuo ạbidi.

Malakai 2:11

Awe phọ aJuda úuko ịpe bịdi oguanaan bọ Ẹnaan kụ ọḅile oḍighi ịikia ẹpe Jeruselem ḅịle rꞌoomo eelhe phọ. Bịdi mọopu Otu phọ Ọmoogh-we phọ ạphomoghian bọ. Alephiri ạnmuny mophinogh nmạriir dị rọoḅereghi ghan iiruen ạrumugh.

Malakai 2:14

Nyina epuru ịpe eḍighi bọ kụ ọdi ụ́sighe mun bọ. Ịyaar phọ eḍighi bọ ịduon, ọdi alegheri ni mọ nyina íiko oguanaan phọ ọpo nạ ạngo bọ ạnir phọ ọpo nạ aphin bọ mem mọ ọpo ugheel phọ ạna. Ạnir phọ aḍighi ghan ni ọḅarama ạna, bịn kụ nạ óoko oguan phọ ạna esi ọdi, ghạlamo ịduon nạ aguanaan bọ ni risigh Ẹnaan mọ nạ kạmaar ri ạpam ạnir phọ, mọ nạ kábi nyọdi.

Jems 4:4

Nyina ẹkigh ạnir ilom dị rale ghan ẹmha. Nyina ílegheri mọ ọyooyo aḅirini phọ, pọ ạmulogh-ḍien Ẹnaan. Tọrobo ọlo rạwa oḍighi ọyaghiri aḅirini phọ, pọ maḍighi mụlogh-ḍien Ẹnaan.

Bụo Ịiruen 2:10

Oomo oghiil phọ ọpo umugh ni; kụ oghiil dị atum sịphe uwula ni Ọmoogh-we phọ rꞌiiḍighi phọ ịpe ọdi aḍighi bọ ạngo Ịzirel.