Biblia Todo Logo
Bìoball air-loidhne

- Sanasan -




Jerimaya 9:12 - Ạḍinya Iigbia

12 Kụ mị apuru mọ, “Ọmoogh-we, eeghe kụ iḍighi kụ ade phọ mẹgharaghar bọ eten ẹdala phọ, dị tụtu oye ráten ghan mun bọ? Ạnhian kụ ạsu ologhi dị katue alegheri ịphen phọ? Ạnhian kụ ẹdi nạ mạḅeni ghan ịphen phọ, pịdi ọdi ạḅeni bụnon awe?”

Faic an caibideil Dèan lethbhreac




Jerimaya 9:12
22 Iomraidhean Croise  

Ọdi aḍighi ịdi ade ẹnuum eten ẹyaghaghaany ade rꞌaboph bịn loor esi ẹkaraph eḍighinom ịyaar ạbuphe ọrol bọ sịphe phọ.


Eḍighi ni ịdi bụlo ọsu ologhi kọotughian rạraar phọ ịphen! Bịdi ọotughian ni ịlo ẹphomoghian Ọmoogh-we phọ rémuneen ghan bọ!


Rꞌoniin ọnyo anyina kạnaghan ni ịphen phọ ḍụghum? Emiigh kꞌạnyiidipho kụ ẹghiom ghisigh, nyina kemighe ni loor ẹnaghan ḍụghum?


Awe dị Ọmoogh-we phọ ụ́pamanam omuza sịen ade phọ; bịdi odi ghan dọl ịkaraph, ọḅile ọsighe ịikpo phọ ạbidi roḍighinom ịlo ẹḅeeraan. Loor ịdi Ọmoogh-we phọ maronyon, ade phọ edimom ọto ḅịle kẹn ạroogho phọ mạnuughi.


Ọmoogh-we Ẹnaan Oomo Ịikpo phọ ạḅeni weye phọ aJeruselem, “Kéler rụru ịpe ariil phọ rọkaaph bọ; bịdi riikeleghi ni inyina. Bịdi rịḅeni ghan inyina rạraar ịitu-ologhi ạbidi kị́di mị mạḅem.


Mụghumo bịdi ulegheri ni ịitughian phọ ạmi, ọbo bịdi mụkaaph ni dom mọ ạmi ọḅeni weye phọ ạmi, ḅịle kẹn muḍighi ni ịdi bịdi mụbile ḍịkaraph ạdol phọ ạbidi odi bọ ḅịle kẹn rꞌọwile yogh ịkaraph phọ bịdi roḍighi bọ.


Oyil dị ạmalha mạlha ạkpe ni ọḅem mọ ọno ạmalha ni bịn, kụ ọlo oyil dị ạnaghan dom ạmi ạkpe ni ogbeelom adom mọ ạḍiphe phọ agey. Eeghia ạsuo kụ ọdi ọsighe ikpu kụ ọtomaam ịbiakpa?


Mị ạḅem mọ, “Ịnaghanan Ọmoogh-we phọ, nyina ạnmariir phọ, ẹḅile ẹphamanam ikpo ọnhu phọ ọdi. Ịtughemi nmạnyaan phọ anyina ịlo rọto ghan ọto, ḅịle kẹn rꞌạrighiri phọ anyina ịlo ọmoor ghan ạḍuor amaḍi.


Pọ kụ amem dị nạ kalegheri mọ egey ẹmhu ịrol li esi ạtorobo ịyaar dị mị aḍighi.” Ọmoogh-we dị ạmoogh oomo ịikpo kụ mạḅem.


Ạbulo ọmoogh ologhi ọnaghanan ịpe ọge bọ sịen, kụ bịdi ọnaghanam ḍụghum. Areten Ọmoogh-we phọ eeleeny ni, kụ awe aruukuan rọdaphan ghan kụ kọrol, abuḍighinom ịkaraph okpetaan ghan romeel loor esi dị bịdi okel reten phọ ọdi.


Nyina kele ni bin ẹkia phọ anyina, kụ ọkoony kisiph ghan ni inyina. Nyina keeseeny ghan ni rụmugh ẹnuum ade phọ, kụ nmụny nyina kẹ́moogh loor esi dị nyina mẹḍua loor ạmi ọdaph ịnon ạrumugh.”


Ikururu yogh, nyina abuḅephom iizo phọ; Imoghi yogh, nyina ạbuphe ropogh ghan bọ ireeny avain phọ, loor esi dị ịizupha ịbiakpa rꞌabali phọ — ii, oomo phọ ịizupha phọ mophiemi.


Ọmoogh-we phọ ạḅem mọ, “Mị maphiemi ikpom areelhe; mị maagulemi rạmha phọ ạbidi kụ iikpe aruutu eedanien phọ ạbidi meegulaan. Rạmha phọ awe mosumughu; areten ogbo ẹmha phọ mepokoro — rꞌoye ósugha.


“Mem dị nyina ẹmiin ḅạphanya amuphe, ịpe ạDaniel oyil phọ ạghaaph bọ, dị odi sịphe Ạdol Iigbia phọ (ọlo rạbal ạmaar ạnaghan!),


Bịdi ọwile ọmiin ịpe eḍighi bọ kụ bịdi omeel bọ; bịdi ụ́naghan ịpe emite bọ.


Iboh kꞌẸnaan edianaan ni tọrobo oye lọ rạbal ikpo ọnhu ịmiin phọ ịphen kamitiom, rꞌạbuphe rọnaghanan bọ, rꞌạbuphe rọdaph bọ oroma ạḍinya phọ ạḍien, ịdi eḍighi bọ esugha ẹnum bịn oomo ạraraar phọ ịphen kemiteghu ni.


Lean sinn:

Sanasan


Sanasan