Jerimaya 9:10 - Ạḍinya Iigbia

¹⁰ Mị ụḅem mọ, “Mị kamoghinaan ruugum mọ, ḅịle kẹn rꞌạroogho phọ, loor esi dị bịdi mẹnuughi ḅịle kẹn oye ráten ghan mun ẹpe phọ. Rọ́naghan ghan mun ẹḍogh ịnam; ịnun rꞌilhom ịnam mesumughu.”

Jerimaya 9:10 Iomraidhean Croise

Azaya 41:15

Nyina kẹkigh ni ịdipho okpooghi ọponyonom ịbiakpa rꞌimoom ịsiosio iḍugh dị ọkanagh. Nyina kẹponyon ruugum epiemi; kụ ạraaḅaraph phọ eetughuḍian eten ophugh.

Azaya 49:19

“Eelhe phọ ạna uugulemi ni kụ otene ọkpagha — kụ nyịidipho kekom ẹpughan dị kẹ́manam dị bụphe rotigheel bọ kotugh. Kụ bụphe oogulemi bọ nyịna ọman kọsighe ni ọkele loor ạna.

Jerimaya 12:10

Ịbadi ạbudaam iiruen areelhe moogulemi ozo amiim avain phọ ạmi; bịdi mọozeghi iizo phọ ạmi, bịdi mokiton ịma phọ ade phọ ạmi otene ẹdala.

Jerimaya 12:11

Bịdi mọsighe otene ọkpagha; ade phọ edi ni oopho bịn risigh ạmi. Oomo phọ ade phọ meḍighi ophugh, bịn kụ oye óphogh.

Jerimaya 12:4

Ade phọ kẹkaraghar ịduon phọ kꞌạpur-aḍio, ḅịle kẹn ạroogho phọ kạnuughi ịduon phọ kꞌạpur-aḍio? Ịnam mọ rꞌịnun phọ remuughu loor esi ẹkaraph eḍighinom ịyaar awe phọ ayira, weye dị rọḅem ghan mọ, ‘Ẹnaan rẹ́miin ghan ịphen yoor roḍighi bọ.’”

Jerimaya 14:6

Ịnam adool dị edi ghan elegheḍum ẹmeera ạnyu ạraaḅaraph kụ repooghu úseere-ạsighe ịdipho ạsino; ariḍien phọ ạbidi ị́miin mun eten agey loor esi dị bịdi ị́moogh eḍien.

Jerimaya 2:15

Bịdi rogbophoghu ghan kophoghom nyọdi ịdipho ạnam-dịka; bịdi motene de phọ ọdi de ophugh, ḅịle ạramha phọ meegulaan, oomo awe phọ mosumughu.

Jerimaya 2:6

Bịdi ịmi ụ́sighe mun ụ́manami ịyaar ghạlamo ịduon mị kụ ạtagharan bọ ni bịdi ḍịghaagh Ijipt ạḅile aḍiemiom bịdi ẹpe ẹdala phọ: ade ophugh, ade dị ẹgharaghar ẹḅile eḍighi ooto rꞌosooromineen, ekpisi dị oye kőrugh ghan ḅịle oye kꞌekulha kạ́ki.

Jerimaya 23:10

Awe dị Ọmoogh-we phọ ụ́pamanam omuza sịen ade phọ; bịdi odi ghan dọl ịkaraph, ọḅile ọsighe ịikpo phọ ạbidi roḍighinom ịlo ẹḅeeraan. Loor ịdi Ọmoogh-we phọ maronyon, ade phọ edimom ọto ḅịle kẹn ạroogho phọ mạnuughi.

Jerimaya 50:3

“Eniin eelhe mẹḍua ẹpe ephunom mọ retu ozuom ạBabilon kụ ketene ẹmha phọ de ịisaar. Awe rꞌịnam kekiil ẹḍua, kụ rꞌoye sịphe kạ́tol.”

Jerimaya 7:29

“Ịmoogh ọto, weye aJeruselem; ịsama yogh sịlaal anyina eroḅologhi. Ịmoor ḍụor amaḍi sịphe ạnyu ạraaḅaraph mọ, loor esi dị mị Ọmoogh-we phọ rạkagh ni ologhi kụ mạḅile akel weye phọ ạmi.

Jerimaya 8:18

Kótue ookonom ọto phọ ạmi; Mephin esi ekpom ạmi.

Ịkunuma 1:16

“Ịdipho kụ iḍighi bọ kụ izin eekpereghiom bọ riḍien ạmi. Rꞌoye ịmi ụ́udereghi; rꞌoye oḅio ạmi ọ́kparami. Ạbumulogh-ḍien phọ mọkpar upu ịmi; awe ạmi ụ́moogh mun ịyaar lọ esugha.

Ịkunuma 2:11

Ariḍien ạmi meminenom loor emoghi; uwaloor ạmi akururu. Aloor ạmi medugh rꞌẹ́ḅaal ologhi ọmiin ghan awe phọ ạmi dị ropiemi. Ịbam ạnmuny rꞌạnmuny asipugh rọkanyu komeleghu reten ẹmha phọ.

Ịkunuma 5:18

loor esi dị Eegum ạZayon enamian kụ rꞌịyaar ílho, kụ asuogh eḍum reewalion atopha phọ.

Izikiel 14:15

“Ịdipho oḍighom ịyaar kụ mị arom ilhom ịnam ọze awe phọ, aḍighi ịdi ade phọ keḍighi iboom eegu dị rꞌoye kátue atelhe ạḅeeny nyọdi,

Izikiel 27:2

“Oye dị kamugh ni, mọor ḍụor omoghinaan aTaya,

Izikiel 29:11

Oye rꞌẹnam dị katelhe ạḅeeny ólho. Esi inyadi ạsia rꞌịyaar kẹ́tol mun sịphe.

Izikiel 33:28

Mị katene eelhe phọ de dị ịyaar ílho, kụ ịikpo phọ bịdi roobagaam ghan bọ kekunughian. Ạraaḅaraph phọ Ịzirel kebeeph iboom dị rꞌoye kátelhe ạ́ḅeeny.

Izikiel 6:6

Oomo ạramha phọ Ịzirel kopiemi ni, ọbo oomo arenmeny phọ ạbidi rꞌịkaaghineen ạrumugh phọ ạbidi ọgbe eḍighi ịpherepe, renmeny ịnsens phọ ạbidi oḅomoghi, ḅịle tọrobo ịyaar dị bịdi oḍighi kepe ni.

Hosia 4:3

Kụ iḍighi kụ ade phọ kẹkaraghar, ḅịle tọrobo ịyaar lọ edi sịphe kemugh ni. Oomo ịnam rꞌịnun ghạlamo rꞌina kemuughu ni.”

Joel 1:13

Ịkpologhian rụsuoma ọto kụ emoghi, nyina ariil ạrikia phọ, bụphe okumu ghan bọ sịphe enmeny phọ! Iḍigh Otu Ịiḅereghi phọ kụ emoghi oomo aḍughul phọ! Ịbiakpa rꞌamiim ílho mun ọngo Ẹnaan phọ anyina.

Joel 1:19

Mị amoghiom nyịna, Ọmoogh-we, ịdi eḍighi bọ ạroogho phọ rꞌireeny phọ mẹgharaghar, mụdi ạnian kụ ilhe.

Ẹmos 5:1

Ịnaghanan, weye Ịzirel, ḍụor amaḍi phọ mị rịmooraan ghan bọ inyina:

Ẹmos 5:16

Loor ịphen phọ, Ọmoogh-we Egbogh Ẹnaan Oomo Ịikpo phọ ạḅem mọ, “Ịnun rꞌemoghi ọto kẹtol li reten ẹmha phọ. Ghạlamo abuḅephom iizo bịn kọmagh aani ni ọtoonaan ạbudi momuughu, kụ ọḅaram bụdi kọkpe ikpoki kụ ọtoonaan.

Maika 2:4

Mem dị retu, awe kọsighe ọghaaph anyina kụ oḍighinom ịyaar dị reḍeenaan igbogh ịiḅaghami, kụ bịdi kọmoor ḍụor phọ ạḍien dị keḍeenaan ologhi dị eeph esi ịdi nyina mẹmiin: “Yoor mophe ọmuneen! Ọmoogh-we phọ mạsighe de ayoor kụ ạngo bụphe usiphi bọ iyoor ọḍuanam.”

Maika 3:12

Esi ịduon phọ, loor ẹmhu phọ anyina, Zạyon koḅeph ịdipho ozo, Jeruselem keten egu asighiigh kụ eegbolom Otu Ịiḅereghi phọ keten ẹekpua.