Jerimaya 9:1 - Ạḍinya Iigbia

¹ Mụghumo aghuḍia ạmuum kụ odi ẹmhu ạmi, ḅịle kẹn ariḍien phọ ạmi eḍighi ḍikol izin, pịdi mị atue amoghi ḍughul rꞌootaany loor esi awe phọ ạmi mọze bọ.

Jerimaya 9:1 Iomraidhean Croise

Ạsuor 119:136

Izin ạmi rekil ghan ịdipho ạmuum ọphiiny, loor esi dị awe úuko mun ologh phọ ạna.

Ạsuor 42:3

Ootaany rꞌaḍughul mị amoghi kụ izin bịn kụ eḍien ạmi; oomo amem ạbumulogh-ḍien ạmi upuru ghan ịmi, “Ẹnaan phọ ạna edi ẹghen?”

Ạsuor 55:7

Mị mụpeeph ni ạḍua ạwa esi orugh ẹpe ẹdala phọ.

Azaya 16:9

Nyịidipho mị ramoghinaan iizo avain phọ aSibma, ịdipho mị amoghinaan bọ ịpe aJazer. Izin ạmi rẹkar ri ịlo aHesbon rꞌEliale, ịdi eḍighi bọ iimuma ọku ílho dị kẹngo we phọ ọḅaal ologhi.

Azaya 22:4

Nyịidipho ụwile ịmi bịn ụkaraghi umoghinaan oomo awe phọ ạmi momuughu bọ. Kẹ́wa ọodereghi ạmi.

Jerimaya 13:17

Eḍighi ịyaar dị nyina ị́naghanan, mị kamoghi ni esi ịbooghian loor esi ophoophe aloor phọ anyina. Mị kamoghi ni agey, kụ izin ạmi ekil, loor esi dị mọsighe weye Ọmoogh-we phọ rọkimom oḍighi ạrebene.

Jerimaya 14:17

Ọmoogh-we phọ ạto ụḅeni ịmi ọghaaph ọḅeni awe phọ ịlo ọto phọ ạmi mọ: “Eḍighi ni ịdi izin kekil ghan riḍien ạmi ḍughul rꞌootaany, eḍighi ni ịdi mị kásophe emoghi loor esi dị awe phọ ạmi moḍighima eboom ịyaar kụ rẹeḅaghami ni iboom.

Jerimaya 3:10

Kụ mem dị oomo ịphen phọ meten, aJuda umarani phọ Ịzirel ologhi róḍuom ghan bọ akue bịn mọ ọno marigheel ḍịghaagh ạmi; ọdi órighelom rꞌeekuna ologhi ọdi. Mị Ọmoogh-we phọ kụ ụḅem.”

Jerimaya 4:19

Eephina phọ! Mị útue mun ụ́kparam eephina phọ! Oḅio ạmi rakaph ni agey, mị kátue aḅoorian. Mị mạnaghan rụkuodu phọ ḅịle rꞌịlooghi ẹgham.

Jerimaya 5:7

Ọmoogh-we phọ apuru mọ, “Eeghe kụ iḍighi kụ mị kạbilenaan bọ ịkaraph awe phọ ạmi? Bịdi mụwile ịmi ọki ọoḅereghi rụmugh dị ị́moogh ịyaar oḍighinom. Mị ụngo ni weye phọ ạmi eḍien dị ẹpher bịdi, kụ bịdi ọḅile ghụn olhe ghan ẹmha ọsighe mem mọ ạbidi ọtolan ghan rꞌạbuo oliom ẹmha.

Jerimaya 6:26

Ọmoogh-we phọ ạḅeni weye phọ ọdi mọ, “Ịkpologhian ạsuoma ọto kụ eekila esi ọoru. Imoghi igey izin ịdipho oye lọ ogina ọony ọdi amugh loor esi dị ọpo ratu bọ oogulemi anyina kizuom ni inyina ekperenom.

Jerimaya 8:18

Kótue ookonom ọto phọ ạmi; Mephin esi ekpom ạmi.

Jerimaya 9:18

Awe phọ ọḅem mọ, “Ịḅeni bịdi mọ oogborion ụmooronaan iyoor ḍụor amaḍi, tụtu izin emuza riḍien ayoor, ḅịle kẹn iidum ariḍien phọ ayoor ẹḅor loor esi emoghi phọ.”

Ịkunuma 2:11

Ariḍien ạmi meminenom loor emoghi; uwaloor ạmi akururu. Aloor ạmi medugh rꞌẹ́ḅaal ologhi ọmiin ghan awe phọ ạmi dị ropiemi. Ịbam ạnmuny rꞌạnmuny asipugh rọkanyu komeleghu reten ẹmha phọ.

Izikiel 22:12

Buniin awe anyina rọko ghan enu dị kọkpe bịdi ikpoki. Buniin rọlogh ghan ọḅar ạnyu ọmugh dị bịdi motene bụnon ạbuo Ịzirel ạbidi kụ ọmoogh ẹelha esi ạsuo ạbidi. Bịdi muwula ịmi.” Ọmoogh-we dị ạmoogh oomo ịikpo kụ mạḅem.

Hosia 7:4

Bịdi oḍighi we iḅoroghom ẹmhu rꞌegbaghara. Ạmulogh-ḍien ạbidi rada ghan ịdipho ạnian dị edi ologhi ọvin dị ọpophoghiom mọ úgir tụtu ẹteeny mem dị kodoghoḍi rọḅol phọ.