Jerimaya 8:7 - Ạḍinya Iigbia

⁷ Ghạlamo ọgbaghaghaany bịn alegheri ni mem dị mẹkpe origheel; arukurughozo rꞌạsimugeem ḅịle kẹn rꞌạsimutia bịn elegheri ni mem lọ mẹkpe ọḍua ekpisi ọghi ẹnon esi. Kụ ọlo awe phọ ạmi úlegheri iilogh phọ mị rapoghom bọ bịdi.

Jerimaya 8:7 Iomraidhean Croise

Ạḍuor Ạsuor 2:12

ẹpe ịbam ạramha phọ ạsifalaway meenmenan. Nyịidipho amem ọmoor ạsuor; rọnaghan sụor arukuru-ghọzo ẹpe eḍum mọ.

Azaya 1:3

Ạsinam elegheri ni nyọpo ạmoogh bọ bịdi, kụ ịnam adool elegheri ni ekpisi dị uwotu ạbidi rạngo ghan bịdi eḍien. Kụ ịpe awe phọ ạmi Ịzirel útue ulegheri. Bịdi ụ́naghanan rꞌẹnum.”

Azaya 27:11

Ịla ireeny phọ mẹgharaghar kụ eḅonyonu, kụ ạnmariir ọso eḍighi ịpe ạnian. Loor esi dị awe phọ ịyaar kőlhegheri bọ, Ẹnaan Ọlemia phọ ạbidi kạ́nma bịdi ighirigiir ḅịle kạ́seenyaan bịdi.

Azaya 5:12

Esi ạrayaal anyina, nyina ẹmoogh rẹne, rꞌịyekele ạrakama, rꞌaruuḍue — rꞌamiim. Kụ nyina ị́naghanan ịpe Ọmoogh-we phọ raḍighi bọ,

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 5:6

Ẹphen kụ ịyaar phọ ạnam-dịka kẹḍua bọ ni ẹpe ẹekpua phọ etu ẹze bịdi; ilhom ịnam kẹḍua ni ẹpe ẹdala phọ etu ẹpanyi bịdi kụ ariitiir eḅinighu ghan ekitonom rạmha phọ ạbidi. Eḍighi ịyaar dị awe phọ ạbuphe omite erugh, ịnam mọ kẹpanyi ni bịdi loor esi dị ịkaraph phọ ạbidi eḍiza ni mọ ẹphughan ḅịle amem etum mem bịdi mọḍua esi Ẹnaan.

Hạbakuk 1:4

Ologh phọ adugh kụ ọ́moogh ịyaar oḍighinom, kụ iiḅi ịiruen ílho mun. Ịkaraph awe ọkpiloghom opiemi weye aruukuan, kụ ịduon phọ motukelemi ịiruen.

Zẹkaraya 5:9

Mị uphogh ni ạnyu kụ mị ạmiin ịyal ạnmariir dị ọpheeph rotu ẹphen mị odi bọ rꞌaraphaaph dị ẹmoogh ịikpo ịdipho araphaaph ọgbaghaghaany. Bịdi ọsighe egunum mọ bịn ọpheephom ọḍua.