Jerimaya 8:6 - Ạḍinya Iigbia

⁶ Mị ulher ri rụru agey, kụ ọlo nyina ị́kaaph igey. Rꞌoniin ọnyo anyina ókiriri loor esi ịkaraph phọ anyina; rꞌoniin ọnyo anyina ópuru mọ ‘Iḍighen kụ ẹdi mị ạpioman bọ?’ Tọrotoro oye rạki ghan eten phọ ẹpe ọdi bịn, ịdipho ạsu dị rọkimom ẹgham.

Jerimaya 8:6 Iomraidhean Croise

Job 10:2

Kásoph ịiruen úphume ịmi. Ụḅeni ịmi. Eeghe kụ ologh phọ mị asoor bọ?

Job 34:31

Job, nạ maruphughian ni ịkaraph phọ ạna ạḅeni Ẹnaan ḍụghum, ạḅile aguanaan mọ nạ káḍighi mun ịkaraph?

Job 34:32

Nạ mapuru ni Ẹnaan mọ ọdi aḍeenaan nyịna ịkaraph ạna, ḅịle kẹn nạ mameeraam ni ọwile oḍighi ịkaraph?

Ạsuor 14:2

Ọmoogh-we phọ ạtol ẹpe kꞌạke kụ rapogh ghan we sịen ade phọ, ọmiin mụghumo bụlo ọnaghan ḍụghum odi ni dị rọwa olhegheri Ẹnaan.

Azaya 30:18

Kụ ghạlamo ịduon phọ ni bịn Ọmoogh-we phọ rakori ni ọnma anyina ighirigiir. Ọdi ạnya ni ọsenyaan anyina ịdi eḍighi bọ ọdi raḍighi ghan ịpe esel bọ oomo amem. Ọḅaal ologhi odianaan bụphe ọkpasi bọ ologhi ạbidi esi Ọmoogh-we phọ.

Azaya 57:17

Mị ụmooghom bịdi ọghagh ologhi loor ạsipioghom rꞌekpooko ạbidi kụ mị ạlhiom ạḅile aghinom bịdi. Kụ bịdi ụḅaar ri ẹmhu orelhe ghan reten ịlo ạbidi.

Azaya 59:16

Iḍigh ni ḍiigu esi ọdi ọmiin mọ oye ólho ọphel ạbuphe mọkpiloghom bọ. Loor ịduon phọ ọdi kạsighe ni ịikpo ọdi kụ ạtagharanam bịdi kụ ạmooghom ọkpar opu.

Jerimaya 23:25

Mị alegheri ni ịpe ariil phọ ạbuen phọ mọghaaph bọ, bụen oghol bọ ḍien phọ ạmi rọgbaaghi ọkpe phọ, kụ rọḅem ghan bọ mọ mị kụ ụngo ni bụno dom mọ ạmi reten ạmalha-aḍughul.

Jerimaya 3:5

Ịyaar kẹ́kagh ghan ologhi ạna oomo amem; nạ ịmi kụ́ghagham kꞌagee-pọ.’ Ịzirel, ịpe kụ ịdi nạ ạḅem bọ, kụ ạri nạ uḍighi ni oomo ịkaraph phọ ịpe nạ arue bọ.”

Jerimaya 5:1

Weye aJeruselem, ikiil oomo phọ areten phọ anyina! Ipogh ekitonom! Ẹmiin rꞌaloor anyina! Ịwa oomo phọ asiḍighi phọ! Nyina ketue ni ẹmiin oniin oye lọ raḍighi ghan ịlo ẹnighe kụ ạḅile ạphamanam omeeraam Ẹnaan phọ ḍụghum? Eḍighi ịyaar dị nyina ẹmiin, pọ Ọmoogh-we phọ kạbilenaan ni Jeruselem.

Izikiel 18:28

Ọdi aloghoma ịpe ọdi raḍighi bọ kụ ạbile oḍighi ịkaraph, esi ịduon phọ ọdi agey ni kámugh, kụ ọlo kạtol li ạkiom ghisigh.

Izikiel 22:30

Mị ụwa oye ọlo kạḅiir iikpe, ọlo kạmeera sịphe ariisi phọ ịpe iikpe phọ memeel bọ kụ abianaan de phọ mem dị ọghagh ologhi rạnya ịlo ophiemi ọdi, kụ mị ụ́miin rꞌoniin.

Dạniel 9:11

Oomo Ịzirel mọka iilogh phọ ḅịle kẹn úmeera ụnaghan ịpe nạ ạḅem bọ. Yoor ụpioman ni nyịna, kụ iḍighi kụ nạ uruomaan iyoor itonyonaan phọ ịpe ọge bọ sịphe Ologh phọ aMozis, otelhedom mọ ạna.

Maika 7:2

Rꞌoniin ogey oye ósugha sịphe ade phọ, rꞌoniin ólho dị ameelom Ẹnaan. Tọrobo oye odi ragon ghan eepoogh oghiigh oye. Tọrobo oye rạwa ni ọgur umor ọdi bịn olher.

Zẹfanaya 3:7

Mị ugbi mọ mem mọ ọpo phọ awe phọ ạmi kụlogh ni ịmi eegu kụ omeeraam mem lọ mị aalemi ọpioman ạbidi, ḅịle mọ bịdi kóbula ịtughemi lọ mị ạtughemi. Kụ íbia bịn bịdi mọḅile ọtol ịdipho ọrol bọ kꞌemiighom mọ.

Hagai 1:5

Nyina rẹ́miin ghan ịphen rimitenaan bọ inyina ḍụghum?

Hagai 1:7

Nyina rẹ́miin ghan ịpe eḍighi bọ kụ ịphen remite bọ ḍụghum?

Malakai 3:16

Kụ awe phọ ạbuphe rooseeny bọ Ọmoogh-we phọ, oniin agbi ọḅaanaan oniin, kụ Ọmoogh-we phọ alher rụru kụ ạnaghan ịpe bịdi ọghaaph ghan bọ. Sịphe arisigh phọ ọdi, ụge ni ọlogh ḍịnya siḍien oomo phọ ạbuphe ooseeny ghan bọ Ọmoogh-we phọ, ọḅile bọ kẹn ọlogh nyọdi eegu.

2 Pita 3:9

Ọmoogh-we phọ ráabinya ghan oḍighi ịlo dị aguanaan, ịdipho buniin anyina rẹetughian ghan bọ. Ọdi rạminoghom ghan ghụn ịkaraph phọ anyina, ịdi eḍighi bọ ọdi ọ́wa ophiemi rꞌoniin oye, ọdi rạwa ghan ghụn mọ oomo phọ awe phọ okiton esi ịkaraph phọ ạbidi.

Ogonanami Phọ 9:20

Bụphe osugha bọ kụ imananaany phọ ịphen phọ ị́teeny bọ sịen aḅirini phọ ụ́bile ịpe bịdi ọkaaghi bọ. Bịdi ụphamanam ni ooseeny ghan aruru rꞌạnmuny aghuḍuul dị ọkaaghiom gol rꞌasilva rꞌenaba rꞌẹna rꞌoreeny, rạraar dị eten rẹ́miin, ḍụghum rẹ́naghan, erelhe rételhe.