Jerimaya 8:5 - Ạḍinya Iigbia

⁵ Eeghia kụ iḍighi bọ kụ nyina awe phọ ạmi ẹḍua bọ esi ạmi bịn réḅula mun bọ? Nyina ekuraam ịkaaghineen aruru phọ anyina bịn ímeera mun íḅula esi ạmi.

Jerimaya 8:5 Iomraidhean Croise

Asidogh 4:13

Oomo amem tụutughian ghan ịlo nạ mạtuugha. Olegheri-ịyaar kụ aghuḍum mọ ạna — mạar ạpham.

Azaya 1:20

Kụ eḍighi ịyaar dị nyina ịgbagharan ịmi, pọ nyina meḍigh edoghola aḍuugh. Mị Ọmoogh-we phọ mạḅem.”

Azaya 30:10

Bịdi rọḅeni ghan riil phọ Ẹnaan mọ oḅoorian. Bịdi rọḅem ghan mọ, “Iyoor kị́ḅeni ịlo eḍighi elhiom. Ịḅeni ghan iyoor ịpe yoor rọwa bọ ọnaghan phọ. Ịbile yoor ọphamanam dọl iikeleghian phọ ayoor.

Azaya 44:20

Eḍeenaan ologhi ịdi kọtomaam oye lọ rạlaay ghan ọoru. Ịitughian élegheri-ịyaar phọ ọdi mebi nyọdi ịdi ịlo ọphel ílho. Ọdi kátue ameera mọ ẹkaaneen ịyaar phọ ọno ạpham bọ ḍịghaagh kẹ́mugh ni bịn.

Jerimaya 14:7

Awe phọ ạmi romoghi ghan kuphoghom ịmi, ‘Ghạlamo ịduon ịkaraph phọ ayoor eeleghaan bọ, ụlhoghonaan iyoor ḍịghaagh, Ọmoogh-we, ịdipho nạ maguanaan bọ ni Yoor mọḅitonaan ni nyịna ịbadi amem; yoor moḍighi ịkaraph esi ạna.

Jerimaya 2:32

Esina ọnyani katue ni abula ịkuta iḅo phọ ọdi ḍụghum, ọbo kẹn ọnyani dị ophin katue ni abula ạsuoma apinien phọ ọdi ḍụghum? Kụ ọlo awe phọ ạmi muwula ịmi siḍughul-otu dị kótue mun ogbi.

Jerimaya 3:5

Ịyaar kẹ́kagh ghan ologhi ạna oomo amem; nạ ịmi kụ́ghagham kꞌagee-pọ.’ Ịzirel, ịpe kụ ịdi nạ ạḅem bọ, kụ ạri nạ uḍighi ni oomo ịkaraph phọ ịpe nạ arue bọ.”

Jerimaya 5:27

Ịdipho ọtayaam ịtaya ramuzeḍi ghan bọ ịnun okporoma ọdi, ịduon kụ ịdi bịdi mowum rạraar awe omuzeḍi ruutu ạbidi. Ẹpe kụ ịyaar phọ bịdi mọmoogh bọ ịikpo phọ rꞌikpoki phọ,

Jerimaya 5:3

Ọkaraghi agey Ọmoogh-we phọ rạwa ghan weye dị ọphamanam omeeraam mọ ọdi. Ọdi ịgur inyina, kụ ọlo nyina ị́naghanan; ọdi iigbighiḍi inyina, kụ nyina ímeera kẹn ni ị́naghan. Nyina ịḅaar ẹmhu kụ ímeera íkiton esi ịkaraph phọ anyina.

Jerimaya 5:6

Ẹphen kụ ịyaar phọ ạnam-dịka kẹḍua bọ ni ẹpe ẹekpua phọ etu ẹze bịdi; ilhom ịnam kẹḍua ni ẹpe ẹdala phọ etu ẹpanyi bịdi kụ ariitiir eḅinighu ghan ekitonom rạmha phọ ạbidi. Eḍighi ịyaar dị awe phọ ạbuphe omite erugh, ịnam mọ kẹpanyi ni bịdi loor esi dị ịkaraph phọ ạbidi eḍiza ni mọ ẹphughan ḅịle amem etum mem bịdi mọḍua esi Ẹnaan.

Jerimaya 6:17

Kụ Ọmoogh-we phọ ạmaaghi bukoriom kụ ạḅeni mọ olher ghan aḅeri ọnaghan mem lọ ọkuodu phọ rạḅa ọpur awe rụru. Kụ ọlo bịdi ọḅem mọ, “Yoor kóler aḅeri ọnaghan.”

Jerimaya 6:19

Nạ ade phọ, nạghan! Esi ọliom ạbidi loor oomo phọ ịphen bịdi roḍighi bọ, mị kaagulemi bịdi, loor esi dị bịdi moghel ịtughemi phọ ạmi ḅịle kẹn ikpo ọnhu phọ ạmi bịdi ụ́naghanan.

Dạniel 9:11

Oomo Ịzirel mọka iilogh phọ ḅịle kẹn úmeera ụnaghan ịpe nạ ạḅem bọ. Yoor ụpioman ni nyịna, kụ iḍighi kụ nạ uruomaan iyoor itonyonaan phọ ịpe ọge bọ sịphe Ologh phọ aMozis, otelhedom mọ ạna.

Hosia 11:5

“Bịdi úmeera úḅula esi ạmi. Kụ iḍighi kụ bịdi koḅula ni ẹpe Ijipt, kụ Asiria kụ kọda bịdi.

Hosia 11:7

Bịdi ọlogh ẹmhu ọḍua esi ạmi kụ úmeera uḅula. Bịdi komoghi omitiom loor ạdol ạrebene phọ bịdi kọtol bọ, kụ rꞌoye kạ́tagharan bịdi.

Hosia 13:2

Bịdi odi nịiniin roḍighi ịkaraph reten ọlhem ạmama kụ ooseeny — ịkaaghineen ạraraar asilva dị ologhi oye kụ agbiighi kụ ạraghaagh oye eḍighi. Kụ bịdi ọto ọḅem mọ, “Iḍighi rạraar aghuḍum ẹngo bịdi.” Ika kụ ịdi awe kọkpun ịkaaghineen ạraraar phọ ịpe — ịkaaghineen ạraraar dị ẹghigh ilephiri ạsinam!

Hosia 4:16

Awe phọ Ịzirel ọḅaar ẹmhu ịdipho ẹnam adool. Ika kụ ẹdi mị kạngo bịdi eḍien ịdipho iyool-ịga dị edi loor ạroogho?

Zẹkaraya 7:11

“Kụ ọlo awe phọ ạmi ụ́ḅaar ri ẹmhu iboom kụ úmeera ụ́naghanan. Bịdi ụkparami ni iloghi

Elegh ạJon 5:40

Kụ nyina ímeera itu ịteeny ịmi ịlo ọmoogh aghuḍum.

1 Bụo ạTesalonika 5:21

Ịiḅeghion ghan oomo ạraraar ephogh, ẹphamanam ịpe ẹnighe bọ,

Bụo aHibru 12:25

Igona ni loor, íkel ghan ọnaghanan ọpo rạkaaph ghan bọ. Bụphe ọḅitonaan bọ nyọpo ạrol bọ sịen ade phọ ạghaaph dom mọ Ẹnaan, ụ́ḍua wororoph. Ika nụun kụ ẹdi yira kokpetenaan bọ ghẹlhe, eḍighi ịyaar lọ yira ọḅitonaan nyọpo odi bọ kꞌạke kụ rạkaaph?

Ogonanami Phọ 2:25

Kụ ịmaar ri ẹpham ẹkparami ịlo nyina ẹmoogh tụtu mị aru.