Jerimaya 8:4 - Ạḍinya Iigbia

⁴ Ọmoogh-we phọ ụḅeni ịmi ọḅeni awe phọ ọdi mọ, “Mem lọ oye ameel ude, ọdi rạ́ḅile ghan kaḅetenu ḍụghum? Eḍighi ịyaar dị oye aphe eten, ọdi ráaghiraan ghan kaḅula ḍụghum?

Jerimaya 8:4 Iomraidhean Croise

1 Ạbudaam 8:38

tọrobo ịiḅereghi rꞌạtorobo ịlom dị oye ạaḅereghi kụ ạlom, mụghumo oomo awe phọ ạna Ịzirel dị tọrobo oye kalegheri ni sịphe ologhi phọ ọdi ịpe rọliom bọ nyọdi, rꞌạghelhe phọ kụ ạlhel rạghaagh ọdi asumeriom Otu phọ ọphon;

Asidogh 24:16

Tọrobo ọnhu amem lọ oye aruukuan ameel, ọdi kạḅile ni aḅetenu. Kụ igbogh ịiḅaghami keguulemi ni oḍighinom ịkaraph.

Azaya 44:22

Mị magbuurogh ịkaraph anyina ạsighe mụdi ọotu. Iḅula esi ạmi; mị kụ ọpo rịphel ghan bọ inyina.”

Azaya 55:7

Ạbukaraph awe ọwile ẹkaraph eḍighinom ịyaar phọ ạbidi, onmeeghi ịitughian phọ ạbidi. Bịdi okiton osoman Ọmoogh-we Ẹnaan phọ ayira; ọdi ạmoogh igbiririph kụ raagborion ghan ọsar ọwilenaan.

Jerimaya 23:14

Kụ ọlo mị mạmiin kẹn ni riil phọ ạbuphe aJeruselem dị oḍighi ịdi eeph epu sịen; bịdi role ghan ẹmha kọḅile ọgbaaghi ọkpe; bịdi rọloghonaan ghan ḍịghaagh weye mọ oḍighi yogh ịkaraph, bịn oye ólho mun dị ịkaraph ráḍighi. Esi ạmi bịdi obeeph aani ịdipho awe ạSodom rꞌaGomora.

Jerimaya 3:1

Ọmoogh-we phọ ạḅem mọ, “Eḍighi ịyaar dị oye aseere ạnir ọdi kụ ạnir phọ ạwile oye phọ ạghi ạal ọnon oye, oye phọ kátue mun ạsighe ạnir phọ ọpo aḅulemi. Ịphen phọ kẹepu ni de phọ ẹmadan. Kụ ọlo, Ịzirel, nạ mạmoogh ịbadi ạruga, kụ nyịidipho nạ rạwa ghan oḅula esi ạmi!

Jerimaya 3:22

Itigheel, oomo phọ anyina phọ mẹḍua bọ ḍịghaagh Ọmoogh-we phọ; ọdi kiikonom ni inyina ạḅile iḍighi inyina weye oḍuom ologhi. Ịḅem mọ, “Ii, yoor rotu ni esi Ọmoogh-we phọ, loor esi dị ọdi kụ Ẹnaan phọ ayoor.

Jerimaya 36:3

Iini mem dị awe phọ aJuda ọnaghan ịlo oomo ophiemi phọ mị ạnya bọ oḍighi ạbidi, bịdi kọbileghi ni ịkaraph areten phọ ạbidi kụ mị kạsar ạbilenaan ẹkaraph eḍighinom mọ ạbidi rꞌạsipioghom mọ ạbidi.”

Jerimaya 4:1

Ọmoogh-we phọ ạḅem mọ, “Weye Ịzirel, eḍighi ịyaar dị nyina rẹwa ni okiton, pọ ikiton eru esi ạmi. Eḍighi ịyaar dị nyina emeeraam kụ eroḅologhi ịkaaghineen aruru phọ mị rạ́wa ghan bọ ọmiin phọ bịn kụ ẹrolan rꞌạmi,

Izikiel 18:23

Nyina rẹetughian ghan mọ mị ạmoogh ni ọḅaal ologhi ophiemi ọkaraph oye?” Ọmoogh-we dị ạmoogh oomo ịikpo apuru. “Eeye, mị rạwa ghụn mọ ọdi akiton pịdi ọdi ạtol.

Hosia 14:1

Weye Ịzirel, iḅula esi Ọmoogh-we Ẹnaan phọ anyina. Ịkaraph anyina meḍighi ịdi nyina mekpetaan emeel.

Hosia 6:1

Awe phọ ọḅem mọ, “Itu oḅula kꞌỌmoogh-we phọ! Ọdi muḍighi ni iyira ịdi ị́nighe; kụ ọdi kaseere ni ologhi ookonom ayira; ọdi mudoghoḍi iyira rẹlem, kụ ọdi kạkoroghiom ni riisi phọ ukpe. Kị́duon?

Hosia 7:10

Ophoophe aloor phọ awe phọ Ịzirel mabi bịdi ạkiom ghisigh. Ghạlamo ịdipho ạraraar memiteghu bọ ni, bịdi kőḅula esi ạmi Ẹnaan phọ ạbidi Ọmoogh-we phọ.

Ẹmos 5:2

Esina Ịzirel mameel, Kátue mun aḅetenu! Ọdi ameel li bịn ọgunom sịphe ade phọ, Kụ oye ólho oḅeton ọdi.

Maika 7:8

Ạbumulogh-ḍien ayoor ụ́moogh ẹmhu ọtuan kụ ọnmoghoghoom ayoor. Yoor momeel, kụ kọḅile ni oḅetenu. Yoor odi esi ufiri nyịidipho, kụ Ọmoogh-we phọ kụngo ni iyoor ḍịḅaal.