Jerimaya 8:3 - Ạḍinya Iigbia

³ Ḅịle kẹn awe ẹkaraph eelhe phọ ẹphen phọ lọ osugha sịphe ạramha phọ ịpe mị aagulemi bọ kọmoogh ḍịḅeeraan omugh aani kpạripe rꞌọrol ọghiom aghisigh. Mị Ẹnaan Oomo Ịikpo, Ọmoogh-we phọ kụ mạḅem.”

Jerimaya 8:3 Iomraidhean Croise

1 Ạbudaam 19:4

Ilaija arelhe ẹmhu aḍio ẹpe ẹdala phọ, ạghi ạrol ude uḅa azin eeberia, mọ kpạripe ọno amugh kụ ạḅem mọ, “Oye dị ụmoogh ịmi, mẹnighe ni. Nyịidipho sịghe ghuḍum mọ ạmi. Mị kụ ụ́nighe úpu bụrude phọ ạmi.”

Jerimaya 23:3

Mị kaakpomoghi weye phọ ạmi osugha bọ ọḍuaghu ẹpe areelhe phọ mị ạwalalami bọ bịdi, kụ mị ạsighe bịdi aḅulemi ẹpe ẹmha phọ ạbidi. Bịdi kọmoogh ni ịbadi ạnmuny ọḅile oḍiza we.

Jerimaya 23:8

Kpạripe ghụn bịdi kughol ghan ịmi kụ okunya ịdipho Ẹnaan phọ ẹpe edi ghan bọ bịn ọpo ạsighe bọ weye phọ Ịzirel amitiom ẹpe ade ephunom mọ, ḅịle kẹn rꞌẹpe oomo ịpheri phọ areelhe phọ ịpe mị ạwalalami bọ bịdi. Kụ bịdi ogbi orugh ịsien ade phọ ạbidi.”

Jerimaya 29:14

Ii, mị ạḅem, nyina kịmiin ni ịmi, kụ mị kịsighe inyina aḅulemi ẹpe ade phọ anyina. Mị kiikpomoghi inyina tọrobo eelhe, rꞌạtorobo ekpisi lọ mị ịwalalami inyina, kụ mị iḅulemi inyina sịphe ade phọ nyina ẹrol bọ kụ mị ịsighe bọ inyina ạghimom iiruen arikpisi phọ. Mị Ọmoogh-we phọ kụ mạḅem.’

Jerimaya 29:28

Kikima nyọdi loor esi dị ọdi ạḅeni we phọ ẹpe Bạbilonia mọ bịdi kọtol li dọl ikoli ẹpe phọ ebia kụ ẹkpianaan bịdi ọloghoḍi aruutu, orugh, oḅeph iizo kụ olhe ẹlo bịdi oḅeph.”

Jerimaya 40:12

Kụ bịdi ọwile yogh riisi phọ bịdi ọwalala bọ ọghi kụ origheleghu Juda. Bịdi oru ọteeny Gedalaya sịphe Mizpa, kụ ịsiphe kụ ẹdi bịdi ooko iimuma rꞌamiim dị ạmanam.

Jerimaya 44:2

Ọmoogh-we Egbogh Ẹnaan phọ Ịzirel ạḅem mọ, “Nyina rꞌaloor mẹmiin ni ịpe mị aphiemi bọ Jeruselem rꞌoomo ịpheri phọ ạramha phọ aJuda. Kꞌạnyiidipho bịdi eegulaan ni kụ rꞌoniin oye ólho ẹpe

Jerimaya 44:6

Ịpe kụ iḍighi kụ mị aakuom bọ ọghagh ologhi ạmi rꞌophin ologhi ạmi rạmha phọ aJuda rꞌẹpe aroḅodo phọ aJeruselem, kụ mị ạsu bịdi nịan. Bịdi eegulaan kụ ebeeph ọmiin, ịdipho edi bọ kꞌarodon.

Jerimaya 6:9

Ẹnaan Oomo Ịikpo Ọmoogh-we phọ ụḅeni ịmi mọ, “Koḅeer Ịzirel ịdipho ozo iimuma avain lọ mọku ọmadan. Kụ iḍighi kụ pẹl tọrotoro oye lọ nạ katue ạpel sịen amem mọ edi bọ.”

Dạniel 9:7

Nạ, Ọmoogh-we, raḍighi ghan ịdi ẹnighe oomo amem, kụ yoor romuton ghan eephoogh siloor ayoor. Ịphen phọ kụ edianaan oomo phọ ayoor ạbuphe odi ghan bọ Juda rꞌẹpe Jeruselem rꞌoomo awe phọ Ịzirel bụphe nạ ạwalalami bọ ạghiom rạmha lọ etuman ḅịle rꞌịlo ẹkelan, loor esi dị bịdi nyịna úmeeraam.

Lịvitikos 26:33

Kụ mị ịwalalami inyina aleenye oomo areelhe, kụ mị ạsighe elhool ẹgham iphoroghom inyina, kụ ade phọ anyina eguul, kụ ạramha phọ anyina epe.

Ẹmos 3:1

Weye Ịzirel, ịnaghanan ikpo ọnhu phọ Ọmoogh-we phọ mạḅem bọ ịkpulughiom inyina, oomo eelhe phọ ọdi ạphel bọ atene esi ịminimiin Ijipt:

Jona 4:3

Nyịidipho, Ọmoogh-we, bịle mị umugh. Kịnighenaan ịmi omugh rꞌọrol eye.”

Maika 2:3

Kụ iḍighi kụ Ọmoogh-we ạḅem mọ, “Mị rạatughian ghan ọsighe ịiḅaghami oruom anyina, kụ nyina kétue ekpetenaan. Nyina kẹmoogh ni ịiḅaghami, kụ nyina kételhiom rꞌobaga.

Dutoronomi 30:1

“Nyịidipho mị mịsu inyina ooḅi ọghor rꞌọkaraph ọghor ophin. Mem lọ nyina ẹteeny reelhe phọ ịpe Ọmoogh-we Ẹnaan phọ anyina kiphorogh bọ inyina kụ oomo ạraraar phọ ịphen isoroghuom inyina, ịitughian ghan sịphe iloghi phọ anyina.

Dutoronomi 30:4

Ghạlamo rꞌạbuphe ophorogh bọ ọwalami ọsighe ọghi eekuna aḅirini phọ, pọ Ọmoogh-we Ẹnaan phọ anyina kạki ni ẹpe phọ aakpomoghi bịdi ạsighe aḅulemi.

Ogonanami Phọ 6:16

Kụ bịdi ọmagh ghan rạaḅaraph rꞌasighiigh phọ ọḅeni mọ, “Imeleghuom iyoor ạaghi, ọbo ọpo ạrolom bọ ạgada phọ kụmiin ghan bọ iyoor, ḅịle ạghelhe Ọony Oyool-ọga phọ kụteeny ghan bọ iyoor.

Ogonanami Phọ 9:6

Sịphe oogh ụnwanyu phọ awe phọ ạbuen kọwa ghan ḍuugh kụ kọ́miin. Kọwa ghan omugh kụ aḍuugh kekiil li ẹkelan bịdi.