Jerimaya 8:2 - Ạḍinya Iigbia

² Kpạripe rꞌookpomoghi oḍi, ịḅarara phọ ạbidi kẹtol ạnyu ade phọ ẹngo ẹnuum de phọ. Kọotarion esi lọ erumuḍio phọ kesoorom rꞌụnwanyu phọ rꞌạraanaan phọ kụ ịdi ịpe awe phọ ạbuen phọ ọphomoghian ghan bọ ọḅile okumu, ọḅile kẹn ọoḅereghi ghan ọḅile ọghi ghan ḍipuru.

Jerimaya 8:2 Iomraidhean Croise

2 Ạbudaam 17:16

Kụ bịdi ọwile oomo iilogh Ọmoogh-we Ẹnaan phọ ạbidi. Ọḅologh ịyal igbudu ịbam ilephiri ạsinam, ọsighe oḍighi ẹmugh ạbidi, ọḅol igbudu ọoḅereghi ghan um-ạke Asera rꞌoomo ọdo kịrokiro ạraanaan ọḅile ooseeny Baal.

2 Ạbudaam 21:3

Ọdi ạḅile aselemi riisi ooseeny aruru phọ ịpe ạHezekaya ọde phọ ọdi maphiemi bọ, adoghoḍinaan Baal renmeny ạrikia, ạḅologh igbudu um-ạke Asera ịdipho Ehab ọdaam mọ Ịzirel ạḅologh bọ kụ ạaḅereghi ghan oomo ọdo kịrokiro ạraanaan, aaseeny ghan bịdi.

2 Ạbudaam 21:5

Kụ ọdi adoghoḍinaan renmeny ạrikia oomo ọdo kịrokiro ạraanaan, sịphe ịyal phọ aroghoony phọ ịsiphe Otu Ịiḅereghi phọ.

2 Ạbudaam 23:5

Kụ ọdi aḍighi ịdi ariil ạrikia ạbuo aruru phọ ọwile, bụphe ạbudaam mọ aJuda oseere bọ mọ ọsuughi ghan ịnsens ạnyu aroogbolom mọ edi bọ ẹpe oomo ạramha phọ aJuda rꞌoomo ịpe eko bọ Jeruselem ekitonom. Aḍighi kẹn ịdi bụphe rọsuughinaan ghan bọ ịnsens Baal rꞌerumuḍio rꞌụnwanyu rꞌạraanaan rꞌoomo ịpe edi bọ kꞌạke phọ ọwile, úḍighi mun riil.

Ạsuor 53:5

Kụ ọlo keḍighi ni ḍiigu esi ạbidi, ịdi kẹ̋rol ghan esi ạbidi kꞌekulha, loor esi dị Ẹnaan kẹewalami ịḅarara ạbumulogh-ḍien awe phọ ọdi. Ẹnaan meghel bịdi, kụ iḍighi kụ Ịzirel kọkpar ri opu bịdi bịn kpel kpel kpel.

Ạsuor 83:10

Nạ ụkpar apu bịdi ẹpe En Dor, kụ aḍizu ạbidi ẹḅoroghu sịphe ade phọ.

Ạsuor 83:11

Ḍighi buḍiemiom mọ ạbidi ịdipho nạ aḍighi bọ Oreb rꞌaZeeb; binighiom oomo awe phọ ạbidi ọdaaghi bọ ịdipho nạ aḍighi bọ Zeba rꞌaZalmuna,

Ọtughemia Phọ 6:3

Iini sịen oye ạmoogh oniin okuron ạnmuny kụ ạtol ạkpo, tọrobo ịlo ạsia phọ ọdi ẹdoony, eḍighi ịyaar dị ọdi ụ́moogh bin ọḅaal ologhi mụo ọdi, kụ amaḍi ọdi ụ́nighe, pọ mị ạḅem mọ ọbam ọony dị ọmar oseere kụ mamugh kụ ạnighe apu oye phọ.

Jerimaya 14:16

Awe phọ bịdi mọḅeni bọ rạraar phọ ịphen phọ komugh aani kẹn ni eniin phọ eten phọ. Ruzu phọ ạbidi kotebeneghi roḅodo aJeruselem, kụ oye kạ́tol oḍiighi ạbidi. Ịphen phọ kemitenaan oomo phọ ạbidi — ẹḅaram nmạriir rꞌạnmuny rꞌạnmanyaan ạbidi. Mị kaḍighi ni ịdi ịkaraph phọ ạbidi kẹkpe bịdi.”

Jerimaya 16:11

Kụ agbi nụun ọḅeni ạbidi ịpe Ọmoogh-we phọ mạḅem bọ mọ, ‘Ạburude ạburude phọ anyina ụwile ịmi kụ ọoḅereghi ghan ọḅile okumu ịnon ạrumugh. Bịdi ụḅitonaan ịmi ḅịle kẹn ụ́naghanan ịtughemi phọ ạmi.

Jerimaya 16:4

Ịkaraph ạreezegh kụ kẹze bịdi, ḅịle kẹn oye kámoghi bịdi mụghumo oḍiighi ạbidi. Aḍizu phọ ạbidi kẹmina yogh ịdipho egu ẹenir sịphe ade phọ. Bịdi komuughu erugh ẹgham mụghumo esi ọkoony, kụ aḍizu ạbidi eḍighi eḍien ịnun rꞌilhom ịnam.

Jerimaya 16:6

Ạraalha phọ rꞌarukulom mọ komuughu ni sịen ade phọ ạḍien, kụ ọlo oye kámoghi bịdi mụghumo oḍiighi ạbidi. Oye kạ́logha ẹlem loor ọdi mụghumo oghula ẹmhu ọdi esi oḍeenaan ọto.

Jerimaya 19:13

Aruutu phọ aJeruselem, aruutu ạbudaam-ẹmha phọ aJuda, ḅịle kẹn rꞌoomo aruutu dị mọrol ghan ẹpe ạnyu otu phọ ọsu ịnsens ọngo rạanaan phọ ḅịle kẹn rꞌesi lọ mọrol ghan omoor miim ọngo ịnon ạrumugh — oomo ariisi phọ ịpe phọ meḍigh ẹenir ịdipho aTofet.”

Jerimaya 22:19

Kokughuḍi nyọdi ịdipho ẹnam adool, kụ ọkogh nyọdi otoph omitiom rụnhu-aḍibuo phọ aJeruselem.”

Jerimaya 25:33

Ḍio phọ ạḍiphe aḍizu awe phọ Ọmoogh-we phọ kạze bọ kẹsaraan eniin eekuna ade phọ kụ ẹki esi ẹpheri phọ. Oye kạ́tuan bịdi ákururu, ḅịle kẹn kọ́sighe bịdi ọ́ki oḍiighi. Bịdi kọmina yogh sịphe ade phọ kụ oḍighi ịdipho arugu ẹenir dị keḍume yogh ịizupha.

Jerimaya 31:40

Oomo eḍiiny phọ, esi phọ roḍiighi ghan bọ iḍim mọ kụ ọḅile rotoph ghan atopha, rꞌarere phọ edi bọ risigh okol ạmuum ạKidron kụ ẹghi esi Ọnhu-aḍibuo Ịnam-Ạsu ạga emitenom erumuḍio phọ — oomo phọ ịdi keḍighi esi ạdol iigbia ạmi. Ẹmha phọ amem kẹ́tol mun dị koogulemi.”

Jerimaya 36:30

Kụ nyịidipho mị Ọmoogh-we phọ rạḅeni nyịna, Jehoyakim ọdaam, mọ ẹemara ẹemara ạna kạ́da ọmar phọ aDevid. Nạ amugh nyịna kotebeeny erugh esi dị ogogo kạgur ootaany kụ ooto asoorom ḍughul.

Jerimaya 9:20

Mị ạḅem mọ, “Ịnaghanan Ọmoogh-we phọ, nyina ạnmariir phọ, ẹḅile ẹphamanam ikpo ọnhu phọ ọdi. Ịtughemi nmạnyaan phọ anyina ịlo rọto ghan ọto, ḅịle kẹn rꞌạrighiri phọ anyina ịlo ọmoor ghan ạḍuor amaḍi.

Jerimaya 9:21

Aḍuugh mẹḍua rughuugh ookuugh ayoor etu eḍigh rigiga ọdaam mọ ayoor; aḍuugh mẹze ịbam ạnmuny phọ ẹpe aroḅodo phọ ḅịle kẹn rꞌugheel ạnmuny phọ ẹpe asiḍighi phọ.

Jerimaya 9:22

Aruzu awe dị momuughu ẹsaraan ni oomo phọ ariisi phọ ịdipho arugu ẹenir lọ koḅephom eḍien, ịdipho ịbiakpa lọ ogbo bịn kụ ọwile dị oye ookpomoghi úlho. Ịphen kụ ịdi Ọmoogh-we phọ ụḅeni ịmi mọ kạaph.”

Izikiel 29:5

Mị karoph nyịna rꞌoomo ina phọ ạḅam ạnyu ade ịisaar phọ. Aḍizu phọ ạna kẹtol sịphe ude phọ kụ kóḍi. Mị kạngo ịnun rꞌịnam mọ eḍighi eḍien ạbidi.

Izikiel 39:5

Bịdi komeel omugh obalelhe. Mị Ọmoogh-we dị ạmoogh oomo ịikpo kụ mạḅem.

Izikiel 6:5

Mị kạawalami ni iḍim awe phọ Ịzirel; mị kạawalami ni ịḅarara phọ ạbidi akitonom renmeny phọ.

Izikiel 8:16

Kụ ọdi ụsighe ịmi ạghi ogiga ologhi Otu Ịiḅereghi phọ. Sịphe etuman bọ eḍighom Ạdol Iigbia phọ, ịbaay enmeny phọ rꞌeten orelhe phọ, ụrol ḍita dị ịghiom ni ịyaldi rꞌoogh awe. Bịdi mọgumom rạman ạbidi sịphe Ạdol Iigbia phọ kụ rokpuḍian kosoorom ọghiom ẹpe erumuḍio phọ remite ghan bọ, rooseeny ghan erumuḍio phọ remite bọ.

Zẹfanaya 1:17

Ọmoogh-we phọ ạḅem mọ, “Mị katuomaan ịiḅaghami phọ ịphen ẹrol dị tọrobo oye aakula ịdipho oye ikpom ariḍien. Oomo phọ ạbidi moḍighi ịkaraph esi ạmi, kụ nyịidipho ịḅaal ạbidi kekil mụdi ạmuum kụ aḍizu ạbidi ẹtol ạnyu ade ẹḅor.”

Zẹfanaya 1:5

Mị kapiemi tọrobo oye lọ ạsiiny ạnyu otu kụ ạaḅereghi erumuḍio phọ, mꞌụnwanyu phọ rꞌạraanaan phọ. Mị kạḅaram apiemi bụphe moghunya bọ mọ bụno kuuseeny ghan ịmi, kụ ọḅile bọ oghiran ịyo rꞌeru aMilkom.

Iiḍighi 7:42

Kụ Ẹnaan eghel bịdi ẹḅogh ẹngo ooseeny ghan oomo ạraraar phọ edi bọ kꞌạke, ịdipho ọge bọ pạ ạḍinya ariil phọ Ẹnaan mọ, “‘Weye Ịzirel, tọ nyina ịze ghan ịnam ẹpe ẹdala phọ esi inyadi ạsia kụ egbiom ghan mọ nyina rẹpighironom ghan rịkia kịngo ịmi?

Dutoronomi 17:3

Eru mạar dị ọdi ạghi raaseeny ghan ịnon ạrumugh kụ rạaḅereghi ghan bịdi: mꞌerumuḍio mꞌụnwanyu mꞌoomo ịpe edi bọ ẹpe okuaḍio phọ, ịpe mị ụ́ḅem bọ,

Dutoronomi 4:19

Ọbo nyina kẹnmanaghian ghan bọ epogh ẹpe ạnyu ạke bịn nyina rẹmiin erumuḍio phọ mꞌụnwanyu phọ mꞌạraanaan phọ rꞌaḍita ạraraar phọ edi bọ ẹpe kꞌạke, bịn rinyuughi inyina ọghi ọoḅereghi ghan okumu ạbidi. Ịphen phọ Ọmoogh-we Ẹnaan phọ anyina madiemi bọ oomo ịnon areelhe phọ edi bọ sịen aḅirini phọ mọ ọoḅereghi,