Jerimaya 8:16 - Ạḍinya Iigbia

¹⁶ Ẹpomoghian phọ ayira mosi ghụn ni ẹpe ẹmha phọ ạDan; yira rọnaghan ni ḍiphooghu ạrusu phọ ạbidi. Aruugu rasiph ni oomo phọ ade phọ mem dị ạrusu phọ ạbidi ẹḅeela. Ẹpomoghian phọ ayira moru oogulemi ade phọ ayira rꞌoomo phọ ạraraar phọ edi bọ sịen ade phọ, ẹmha phọ ayira rꞌoomo phọ awe phọ ọdi.”

Jerimaya 8:16 Iomraidhean Croise

Job 39:20

Nạ kụ uḍighi bọ ịpe bịdi ropeleghu ghan bọ ịdipho igurubia kọḅile ọghughian ịdi awe kokiilaan ḍụghum?

Ạsuor 24:1

Ade phọ rꞌoomo ạraraar phọ edi bọ ịlo Ọmoogh-we phọ; aḅirini phọ rꞌoomo awe phọ orugh bọ sịphe phọ ạbuo ọdi,

Jerimaya 10:25

Kiton ghẹlhe phọ ạna asomori reelhe phọ ạbuphe nyịna rọ́oḅereghi bọ ḅịle kẹn rꞌesi awe phọ ạbuphe ọḅitonaan bọ nyịna. Bịdi mọze weye phọ ạna; bịdi muugulemi iyoor ọmadan ọḅile opiemi eelhe phọ.

Jerimaya 3:24

Kụ ọlo ịiḅereghi aBaal, ẹmugh umugholoor, meḍighi ịdi ạrutu-ịga, rꞌạnmuny rꞌạnmanyaan ayoor mephe — tọrotoro ịyaar dị ạburude ạburude ayoor mokumuan ghan ọmoogh geedi phọ.

Jerimaya 30:16

Kụ nyịidipho kọtaalom ni ịgbalapuur oomo ạbulo ịraalom inyina ịgbalapuur, ḅịle kosiphi ni oomo ẹpomoghian phọ anyina ọḍuanam, Kọkpiloghom ni oomo ạbulo ịkpiloghom inyina, kụ oomo ạbulo ọsighiogh rạraar anyina ẹkaraph ẹsighenom kọsighiogh ni rạraar ạbidi eniin phọ ẹsighenom mọ.

Jerimaya 30:5

“Mị ụnaghan ni emoghi aḍiigu, emoghi oghiilaan, kẹ́lo ẹepho.

Jerimaya 4:24

Mị uphogh ni ruugum mọ — bịdi repiigha yogh ni, ḅịle ạraaḅaraph phọ rẹpiphighaan kẹghi risigh rꞌọman.

Jerimaya 4:7

Ịdipho ạnam-dịka rạḍua ghan bọ esi ịbooghian ọdi kamite, kụ ẹdi oye dị kaagulemi reelhe phọ maḅetenu. Ọdi ratu ni oogulemi aJuda; Igbogh ạramha phọ aJuda keegulaan ni, kụ oye kátugh mun sịphe phọ.

Jerimaya 47:3

Bịdi kọnaghan ḍịaḅa ạrada ịnam eghiil, rꞌẹḍogh ookaraghan arughuugh-ude rꞌaḍiboom ạḍiaḅa idighila arughuugh phọ. Ạburude kókiton ọman ophogh ạnmuny ạbidi; ạraghaagh ạbidi kẹḅoonian ni.

Jerimaya 5:17

Bịdi koogulemi ni ịizupha phọ rꞌariiḍien phọ anyina; bịdi kọze ni nmụny rꞌạnmanyaan phọ anyina. Bịdi kọze ni oomo ịnam mọ anyina ọḅile olereghi ireeny amiim avain rꞌaruman phọ anyina. Igbogh ạramha phọ anyina ọmaar bọ oghoony yogh, awe ẹgham mọ ạbidi koogulemi ni.

Jerimaya 50:42

Bịdi mọsighiogh sịkumugh rꞌarolhool ẹgham ạbidi; bịdi obeeph kụ ụ́moogh kẹn ọnma ighirigiir. Bịdi rokur ghan mụdi ogbogh ọphiiny, mem dị bịdi rokiilom rụsu phọ ạbidi. Bịdi ọnya eenan elephiri rꞌạBabilonia.

Jerimaya 51:29

Ade phọ ekperenom kụ ephiigha loor esi dị Ọmoogh-we phọ raḍighi igbiighi phọ ọdi kamitiom otene ạBabilon de ịisaar, esi dị oye útugh.

Jerimaya 6:23

Bịdi mọsighiogh ni sịkumugh rꞌarolhool ẹgham ạbidi; bịdi oḍighi ni ịgbagara awe dị ụ́moogh ọnma ighirigiir. Mem dị bịdi oḍiku ạsu kụ rotu, oghur phọ ạkigh oologh otu-ḅualhe. Bịdi mookolobian ozuom ẹgham Jeruselem.”

Nẹhum 3:2

Ịnaghan ḍịgur ịguroghom, ḍịkarakara ạḍiaḅa ariigida, opeleghu ạrusu, otirighaan arughuugh ẹgham!

Hạbakuk 3:10

Mem dị ạraaḅaraph phọ ẹmiin nyịna, bịdi eekpereghan; ạmuum ạḍua okuaḍio phọ ameleghu. Ạrumuum mọ edi bọ ologhi ade phọ imoogha ni, kụ oologh ạbidi aphooph ạghi ạnyu.

1 Bụo ạKorint 10:26

ịdi eḍighi bọ ạḍinya iigbia phọ ẹḅem mọ, “Ọmoogh-we phọ kụ ạmoogh de phọ rꞌoomo ạraraar phọ.”

1 Bụo ạKorint 10:28

Kụ eḍighi ịyaar dị oye arophaan ọnhu mọ, “Ẹphen eḍien dị ọphighironom ẹkia ọngo ruru,” pọ ịtuan nyọdi ẹsighe ologhi ẹwilenom eḍien phọ.

Bụo Ịiruen 18:29

Kụ bịdi onme ḍien ẹmha phọ aLais kụ ọḅile oghol mọ ạDan, ọdaph ḍien ạDan ọony phọ ạJekob ọde ọde phọ ạbidi.

Bụo Ịiruen 20:1

Oomo awe phọ Ịzirel ụnaghanan ni ḍịmagh phọ, emiigh kꞌẹpe Dạn ẹghi esiemi ẹpe Beersheba, ọḅaram rꞌạbuo ade ạGiliad. Kụ ḍita phọ ạbidi ookpomoghan egina esi dịadi oniin oye risigh Ọmoogh-we phọ ẹpe Mizpa.

Bụo Ịiruen 5:22

Aruwol ịnam-ạsu phọ ewunughian loor opeleghu phọ ịnam-ạsu phọ epeleghu bọ rẹki rꞌịikpo.