Jerimaya 8:12 - Ạḍinya Iigbia

¹² Weye ạmi, umugholoor isiph ni inyina loor esi ạraraar isa phọ ịphen phọ nyina eḍighi yogh bọ ḍụghum? Eeye, umugholoor inyina ísiph rꞌẹnum; nyina ílegheri rolegheri ịlo okiriri. Kụ iḍighi kụ nyina kemeel li ịdipho ạbueri phọ momeel bọ; mem dị mị ịliom inyina, ẹpe kụ keḍighi eekuna anyina. Mị Ọmoogh-we phọ kụ ụḅem.”

Jerimaya 8:12 Iomraidhean Croise

Emiighom 19:34

Kụ rẹḅaal ḍịeri phọ aḍio kụ okumoor ọnyani phọ ạḅeni umarani phọ ọdi mọ, “Mị ụrolan ni rꞌoye phọ ḍughul; rodon yira kọḅile ọngo nyọdi miim, ọbo nạ ạrolan aani nyọdi esi, ọbo tọrobo ọnyo ayira ạmoogh mọony dị ọde phọ ayira kụ amitiom.”

Ạsuor 52:1

Eeghe kụ nạ raabagaam ghan bọ ịkaraph phọ ạna, oye aḍigbogh ạdol. Ẹphomoghian phọ Ẹnaan edi ghan ni kꞌagee-pọ.

Ạsuor 52:7

“Mịin, phọn oye dị ụ́kpasi oomo eekpereghian aloor esi Ẹnaan, kụ ạkpasi ghụn esi eboom ẹelha ọdi ạḅile ạkparamian loor ọdi sịpioghom.”

Azaya 24:2

Tọrobo oye kazuan ni eniin phọ elhor phọ — riil ạrikia phọ rꞌawe phọ, rẹbene rꞌạburude otu, bụo ogho rꞌạbuo aal, buteneghiom ịimugh rꞌạbuboole, rạalha rꞌarukulom.

Azaya 3:9

Ịkaraph ịitughian ạbidi kọḅam rụmhu ạbidi. Bịdi ọpioghom obalelhe ịdipho awe ạSodom oḍighi ghan bọ. Moruule bịdi, kụ bịdi mọsighe ịphen phọ ọḅama rụmhu ạbidi.

Jerimaya 10:15

Bịdi ị́moogh ịyaar oḍighinom kụ ẹkpe ni ọḅitonaan; koogulemi ni bịdi mem lọ Ọmoogh-we phọ aru ọkpilighi ạbidi.

Jerimaya 14:15

Mị Ọmoogh-we phọ rạḅeni ghan nyịna ịpe mị kaḍighi bọ riil phọ ạbuphe mị útom bọ kụ rọkaaph ghan bọ esi aḍien phọ ạmi kọḅem mọ ẹgham rꞌịgbakuro kẹ́tol sịen ade phọ ạḍien — mị kạze bịdi esi ẹgham rꞌịgbakuro.

Jerimaya 23:12

Areten phọ ạbidi kẹkorom ni ẹḅile ebil; mị kaḍighi ịdi bịdi kokpetaan omeel. Mị kaagulemi bịdi; amem ọliom ạbidi retu ni. Mị, Ọmoogh-we phọ, kụ mạḅem.

Jerimaya 3:3

Ẹpe kụ ịyaar phọ ọlophia phọ ụ́loph mun bọ, oyiririph aghozogh kẹn bịn óru. Nạ ạkar ghụn ạkigh ọnyo akunakuna; umugholoor nyịna rásiph ghan.

Jerimaya 44:10

Kụ kꞌaḍio phọ ạḍiphe kꞌarodon nyina ke̋soromi siloor anyina. Nyina ịmi eghuan kị̋lhogh ḅịle ẹ́daph ẹrolom oomo iilogh phọ mị ạloghoḍi bọ ịngo inyina rꞌạburude ạburude anyina.

Jerimaya 6:15

Umugholoor asiph ni bịdi loor esi ạraraar isa phọ bịdi oḍighi yogh bọ ḍụghum? Eeye, umugholoor ósiph bịdi rꞌẹnum; bịdi úlegheri rolegheri ịlo okiriri. Kụ iḍighi kụ bịdi komeel li ịdipho ạbueri phọ momeel bọ; mem dị mị ạliom bịdi, ẹpe kụ keḍighi eekuna ạbidi. Mị Ọmoogh-we phọ kụ ụḅem.”

Jerimaya 6:21

Kụ iḍighi kụ mị kaḍighi ịdi awe phọ ạbuen kokpeghaan omeleghu. Ạburude rꞌạnmuny phọ ạbidi komuughu ni, ịduon kẹn kụ ịdi ạrighiri rꞌamatuman komuughu.”

Izikiel 23:18

Ọdi ạyegheron loor ọdi kụ ameera tọrobo oye alegheri mọ ọdi oliom ẹmha. Mị ạghagham rꞌọdi ịdipho mị mạrolom bọ umarani phọ ọdi.

Hosia 5:9

Aḍio ạmalhiom retu ni, kụ Ịzirel kepe ni. We phọ Ịzirel, ịphen phọ kẹkar ri emite!

Zẹfanaya 3:5

Kụ ọlo Ọmoogh-we phọ odi ni sịphe ẹmha phọ; ọdi raḍighi ghan ni ịlo ẹnighe, kị́lo eeph. Tọrobo ạḍiroor ọdi rạ́piom ghan, ọdi rạngo ghan iiḅi ịiruen weye ọdi. Kụ ghạlamo rꞌịduon phọ, awe ạsipioghom lọ odi roḍighi ni ịkaraph phọ kụ umugholoor ósiph.

Dutoronomi 32:35

Ạghelhe ạkuo ọdi, oḅulemian ọlo ọdi mem lọ owol ạbidi ạghorom, loor esi dị amem ạḍikaraph ạdol ạbidi mạabeeph, odi ẹda ạḍighaagh.

Bụo aFilipai 3:19

Eekuna phọ ạbidi kẹtol ooni ạnian ịdi eḍighi bọ ịkaraph ạruuphua kụ ẹmugh ạbidi. Bịdi robagaam ghan rạraar umugholoor. Ịitughian phọ ạbidi ịlo ạraraar ịsien aḅirini phọ bịn.