Jerimaya 8:10 - Ạḍinya Iigbia

¹⁰ Kụ iḍighi kụ mị kạsighe iizo phọ ạbidi ạngo bumoom awe, ạḅile ạsighe nmạriir phọ ạbidi ạngo bụnon awe. Tọrotoro oye, mꞌogbogh mꞌọbam, rabianan ghan ọmoogh ikpoki ịkaraph areten. Ghạlamo ariil phọ ḅịle rꞌariil ạrikia phọ kẹn bịn roogbegheḍiom ni weye.

Jerimaya 8:10 Iomraidhean Croise

Job 31:10

pọ ạnir phọ ọphon ạmi ạsa eḍien ọnon oye, ạḅile ạmina ẹmina ọnon oye!

Azaya 28:7

Ghạlamo ariil uḍien rꞌariil ạrikia phọ, bịn amiim maghiigh iboom dị rọbelebele. Bịdi mọphughol muboom ạmuya rꞌạmugbagara amiim, kụ mokpetaan ịgbaragbara. Ịpughol mẹsighe riil uḍien phọ dị ịlo ọnaghan mun ọghaaph ịmiin phọ Ẹnaan rẹkiom ghan bọ ílho, kụ ariil ạrikia phọ amiim maghiigh, dị ịlo oogbo ịiruen asighiton lọ ọghiom bịdi ílho.

Azaya 57:17

Mị ụmooghom bịdi ọghagh ologhi loor ạsipioghom rꞌekpooko ạbidi kụ mị ạlhiom ạḅile aghinom bịdi. Kụ bịdi ụḅaar ri ẹmhu orelhe ghan reten ịlo ạbidi.

Jerimaya 14:14

Kụ ọlo Ọmoogh-we phọ ạphagharanaan mọ, “Ariil phọ rọgba ghan ọkpe esi aḍien phọ ạmi; mị bịdi útom, mị kẹn ụ́to ịyaar ụ́ḅeni bịdi ḅịle kẹn rꞌeniin ekpo ọnhu mị ụ́ḅeni bịdi. Ịmiin phọ bịdi rọmiin ghan bọ koghol ị́ḍua esi ạmi kụ eru; ịmiin phọ ạbidi eḍighi ịitu-ologhi dị ị́moogh ịyaar oḍighinom.

Jerimaya 14:18

Mem lọ mị ạghi ẹpe iizo phọ, mị rạmiin ghan iḍim dị ọze ẹpe ẹgham mọ; mem lọ mị ạghi aḍigh rạmha phọ, mị rạmiin ghan ni weye dị ọkoony rạze. Ariil rꞌariil ạrikia phọ oḍighi ni oḍighi phọ ạbidi kụ ọlo bịdi úlegheri ịpe bịdi roḍighi bọ.”

Jerimaya 17:11

Oye dị ạmoogh ikpoki reten iigbegheḍiom ạkigh ẹnun dị eḅom reghelhe dị ọdi kụ údoghoḍi. Amem dị aghuḍum mạkaraghi rạdugh esi ẹdi kụ ikpoki phọ ọdi epe, eekuna phọ ọdi kaḍighi uwelologhi.

Jerimaya 22:17

Kụ ọlo nạ rạwa ghan ịpe okuru phọ ạna bịn; oye dị ụ́piom nạ rakiigh ni, ạḅile kẹn ạsighe ẹekpara ekpeḍien rạkpilighiom weye phọ ạna. Ọmoogh-we phọ kụ mạḅem.

Jerimaya 32:32

loor oomo ịkaraph phọ ịpe awe aJuda rꞌaJeruselem ḅịle rꞌạbudaam mọ rꞌariil ạrikia phọ rꞌariil phọ ạbidi moḍighi yogh bọ.

Jerimaya 38:22

“Mị ụmiin dị oomo ạnmariir phọ ọwile bọ sịphe ogiga ọdaam mọ aJuda dị rotelhiom kọghiomaan bụo iiḍighi ọdaam-ẹmha phọ ạBabilon. Nạghan ịdi bịdi ọḅem ghan mem mọ bịdi rọḍua bọ: “‘Ọkar igey ạrighiri ọdaam mọ kụ uukeleghi nyọdi, ịtooghi ạbidi kụ ipu ịlo ọdi. Kụ nyịidipho aruwol ọdi meḅi ologhi ọposo phọ, ạrighiri phọ ọdi mọwile nyọdi.’”

Jerimaya 42:1

Kụ aJohanan ọony aKaria ḅịle rꞌAzaraya ọony aHosaya rꞌoomo ạbueri phọ abuḍiemiom ẹgham mọ rꞌạbukirokiro awe uru ni

Jerimaya 5:31

ariil Ẹnaan phọ rọgba ghan ọkpe bịn; ariil ạrikia phọ rọdaph ghan ịlo ariil phọ ọto, kụ awe phọ ạmi ụ́ḅem ịyaar. Kụ bịdi koḍighi bọ ika mem dị oomo phọ ịdi kesi bọ eekuna phọ?”

Ịkunuma 4:13

Kụ imite ni loor esi dị ariil ẹmha phọ ụpioghom kụ ariil ạrikia oḍighi ịdi aḍuugh ẹteeny we dị ịyaar ụ́piom.

Izikiel 33:31

Esi ịduon phọ ịbadi awe ookpomoghan ọnaghan ịlo nạ kạkaaph, kụ ọlo bịdi róḍighi ịlo nạ ạḅeni bịdi oḍighi. Ikpo ọnhu ẹphomoghian edi ịidoronhu ạbidi, kụ ọlo bịdi omeeraam dị bịdi bịn kụ kole ẹper.

Ẹmos 5:11

Nyina mẹkpiloghom rukulom mọ kụ emiighi ikpo ịizupha phọ ạbidi. Pọ kụ ịyaar phọ nyina kétugh ịma aruutu asighiigh phọ nyina ẹlhogh bọ, ḅịle kẹn, kẹ́pughol rimiim mọ nyina ẹmoogh bọ iizo ịma avain phọ anyina.

Maika 2:4

Mem dị retu, awe kọsighe ọghaaph anyina kụ oḍighinom ịyaar dị reḍeenaan igbogh ịiḅaghami, kụ bịdi kọmoor ḍụor phọ ạḍien dị keḍeenaan ologhi dị eeph esi ịdi nyina mẹmiin: “Yoor mophe ọmuneen! Ọmoogh-we phọ mạsighe de ayoor kụ ạngo bụphe usiphi bọ iyoor ọḍuanam.”

Maika 3:11

Bụphe ọda bọ ẹmha phọ role ghan oti ọman; ariil ạrikia phọ ọgba ologh phọ omitiom, pọ kọkpe ikpoki bịdi; ariil phọ kụ ọghaaph ịlo bịdi ọmiin, pọ kọboor ikpoki — kụ oomo phọ ạbidi ọḅem mọ Ọmoogh-we phọ odianaan rꞌạbidi. “Ịyaar lọ ị́nighe iyoor kị́teeny,” bịdi ọḅem, “Ọmoogh-we phọ odianaan rꞌayoor.”

Maika 3:5

Ariil dị oguanaan ọngo ẹepho weye lọ ọkpe bịdi ikpoki mookeleghi aweye ạmi kụ ọngo oḅio-kakaph mọ ẹgham retu bụdi bịdi ịyaar ụ́kpe. Riil phọ ạbuen Ọmoogh-we phọ ạḅeni mọ,

Hạbakuk 1:6

Mị rạsighe ghan weye ạBabilon mọ oru ọda, weye igbagbaar phọ ạbuphe rópooghian ghan bọ. Bịdi morelhe romite rꞌịnyaam oleeny aḅirini phọ ọkpar opu ịnon arere.

Zẹfanaya 1:13

Ẹelha ạbidi kobum ni ọsighiogh kụ ruutu ạbidi kolereghi ni. Bịdi kọ́tol iloghi aruutu phọ bịdi rodoghoḍi bọ ḅịle kọ́pughol miim mọ ạḍua bọ sịphe ireeny avain phọ bịdi rọzuphogh bọ.”

Tạitos 1:11

Ẹkpe ni omirighan lọ bịdi kosoph oḍigh ọghaaph phọ ạbidi okpere, ịdi eḍighi bọ tọrobo ọto kꞌawe dị ịtughemi ọkpe phọ eḍigh, redughe yogh ghan ni omeeraam oomo ạbulo odi sịphe otu phọ. Umugholoor odi ni dị bịdi ọtuan ikpoki kụ rọtughemi ghan ịphen phọ.

Tạitos 1:7

Loor esi dị ọdi kụ rapogh bọ bụo iiḍighi phọ Ẹnaan, opoghom ạbuo ạsiosi phọ kụ́moogh ḍịpioman. Kúḍighi oye iituma rꞌekpom rꞌigbagbaar rꞌekpooko ikpoki, ḅịle rꞌọoko miim.