Jerimaya 8:1 - Ạḍinya Iigbia

¹ “Mem mọ ạmuphe phọ kọsighiogh ni ịḅarara ạbudaam-ẹmha phọ rꞌạbuo ịtooghi phọ aJuda, rꞌịḅarara ariil ạrikia phọ rꞌariil phọ rꞌịlo ạbueri phọ awe phọ orugh bọ Jeruselem omiteghom sịphe iiḍi phọ ạbidi.

Jerimaya 8:1 Iomraidhean Croise

1 Ạbudaam 13:2

Kụ oyil phọ ạlooghi ikpo ọnhu Ọmoogh-we phọ asueniom enmeny phọ kụ ạḅem ghan mọ, “Enmeny ạrikia, enmeny ạrikia, Ọmoogh-we phọ ạḅem ịduon mọ ‘Kọmar ri mọony sịphe ọto kꞌaDevid; ḍien ọdi kokol mọ aJosaya. Ọdi kạsighe bụphe rọpinyon ghan bọ rịkia aruru ẹpe arenmeny phọ ạḅam ẹmhu ạna ạpighironom ẹkia. Kọsighe ịḅarara awe oguom nịan ọḅam ẹmhu ạna.’”

2 Ạbudaam 23:16

Kụ aJosaya akiton aphogh ọman kụ ạmiin riiḍi phọ edi bọ sịphe esi phọ, kụ arom ọghi ọsighe ịḅarara phọ sịphe iiḍi phọ, ạsighe aguom nịan sịphe ạnyu enmeny ạrikia phọ ạphueghi, ạdaph ikpo ọnhu ịpe Ọmoogh-we phọ ạghaaph bọ, ịpe oyil phọ Ẹnaan agbeel bọ.

2 Ạbudaam 23:20

Kụ ọdi ạze oomo ariil ạrikia aruru ạnyu arenmeny phọ bịdi mooseeny ghan bọ, ạḅile ạphophoghi ịḅarara awe ạnyu ạtorobo enmeny, kụ aḅula ẹpe Jeruselem.

2 Ạbudaam 9:37

Mọ iphulupul ọdi kẹwalala ni ịdipho ạriir ịnam, ịdi oye kátue ạlogh elegh.’”

Ạsuor 53:5

Kụ ọlo keḍighi ni ḍiigu esi ạbidi, ịdi kẹ̋rol ghan esi ạbidi kꞌekulha, loor esi dị Ẹnaan kẹewalami ịḅarara ạbumulogh-ḍien awe phọ ọdi. Ẹnaan meghel bịdi, kụ iḍighi kụ Ịzirel kọkpar ri opu bịdi bịn kpel kpel kpel.

Jerimaya 14:16

Awe phọ bịdi mọḅeni bọ rạraar phọ ịphen phọ komugh aani kẹn ni eniin phọ eten phọ. Ruzu phọ ạbidi kotebeneghi roḅodo aJeruselem, kụ oye kạ́tol oḍiighi ạbidi. Ịphen phọ kemitenaan oomo phọ ạbidi — ẹḅaram nmạriir rꞌạnmuny rꞌạnmanyaan ạbidi. Mị kaḍighi ni ịdi ịkaraph phọ ạbidi kẹkpe bịdi.”

Izikiel 37:1

Mị uloghoma ni ịikpo esomanan Ọmoogh-we phọ, kụ uwaloor ọdi ụsighe ịmi kụ asumeeny loor eḍiiny esi dị ade phọ eekpereghiom ịgharaghar ịḅarara.

Izikiel 6:4

Renmeny ạrikia phọ kokirion ni ozuemi ude kụ renmeny ịnsens phọ oḅomoghi. Oomo awe phọ odi bọ sịphe kọze ni sịphe esomanan ịkaaghineen ạrumugh phọ ạbidi.

Izikiel 6:5

Mị kạawalami ni iḍim awe phọ Ịzirel; mị kạawalami ni ịḅarara phọ ạbidi akitonom renmeny phọ.

Ẹmos 2:1

Ọmoogh-we phọ ạḅem mọ, “Awe ạMoab mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi ụgilaam ni ịḅarara phọ ọdaam mọ Idom loor esi dị bịdi ụlogh ịḅarara phọ nịan kụ eemor eten ọoru.