Jerimaya 7:9 - Ạḍinya Iigbia

⁹ Nyina remiighi ghan, kẹze weye, kele ẹmha, keghunya kụ egbi ọgba ọkpe, kẹphinyon rịkia ẹngo Baal, kẹḅile ẹeḅereghi rụmugh dị nyina ke̋lhegheri ghan.

Jerimaya 7:9 Iomraidhean Croise

1 Ạbudaam 18:21

Kụ Ilaija ạghi ạteeny we phọ Ịzirel, kụ ạḅeni bịdi mọ, “Kꞌạpur amem kụ ẹdi iloghi phọ anyina kẹbile bọ oyeela phọ? Eru mạar dị Ọmoogh-we phọ kụ aru Ẹnaan, pọ ịdaph nyọdi; kụ eru Baal, pọ ịdaph nyọdi.” Kụ awe phọ nyọdi ụ́pagharanaan.

Ẹḍua 20:3

“Emuton ịmi ẹnon ẹmugh kạ́aḅereghi.

Azaya 1:13

Aruunmo phọ anyina oopho ni bịn. Eḍu ịnsens phọ nyina rẹsu ghan mẹphue ologhi ạmi. Ạrayaal omoom ụnwanyu rꞌariiḍio ophooghian rꞌarookpomoghan iigbia phọ anyina ikia ni ịmi iboom; ịkaraph phọ anyina mẹepu oomo phọ ịdi.

Azaya 58:2

Bịdi ruuseeny ghan ịmi oomo aḍio, kụ rọḅem ghan mọ ạbuno rọwa ghan olegheri areten phọ ạmi kụ ọnaghanan iilogh phọ ạmi. Bịdi rọḅem ghan mọ bụno rọwa ghan ịlo mị kạngo bụno igey iilogh kụ mọ ẹḅeeraan bụno ooseeny ghan ạmi.”

Jerimaya 1:16

Mị kạliom ni weye phọ ạmi loor esi dị bịdi moḍighi ịkaraph; bịdi mụḅitonaan ịmi kụ rọpinyon ghan rịkia kọngo ruru, ọḅile ọkaaghi nmụny aghuḍuul kụ rọoḅereghi ghan.

Jerimaya 11:13

Awe phọ aJuda ọmoogh rụmugh dị eḍiza ịdipho igbogh ạramha phọ ạbidi eḍiza bọ, ḅịle kẹn awe phọ aJeruselem mọkanagh renmeny omuzeḍi ịdipho aroḅodo phọ emuza bọ ẹmha phọ, renmeny dị kọpinyon ghan rịkia ọngo ọḅoria phọ aBaal.

Jerimaya 11:17

“Mị Ẹnaan Oomo Ịikpo Ọmoogh-we phọ kụ ụzuph Ịzirel rꞌaJuda; kụ nyịidipho mị rạpaar ghan ophiemi ạbidi. Bịdi kụ ụwa ni ịphen phọ loor esi dị bịdi moḍighi ịkaraph; bịdi moḍighi ịdi repin ologhi ạmi esi ọphinyon ạrikia ọngo aBaal.”

Jerimaya 13:10

Ạbukaraph awe phọ ạbuen phọ úmeera ụ́naghanan ịmi. Bịdi odimom ni ọḅaar ẹmhu phọ ạbidi ḅịle kẹn rọoḅereghi, ọḅile okumu ịnon ạrumugh. Kụ iḍighi kụ bịdi kọtol ịduon asinika phọ ịphen phọ ị́moogh mun bọ ịyaar oḍighinom mọ.

Jerimaya 18:15

Kụ iḍighi ika nụun kụ awe phọ ạmi muwula bọ ịmi; bịdi mọsu ịnsens ọngo ruru. Bịdi mokpeteghaan sịphe eten phọ ẹpe bịdi mụki bọ, bịdi rọ́daph mun igbaany areten phọ; bịdi rotelhe ghan reten dị ụ́sam.

Jerimaya 19:4

Mị kaḍighi ni ịphen phọ loor esi dị awe phọ mụḅitonaan ịmi ọḅile ọopu esi phọ ọtol sịen kụ rọpinyon ghan rịkia kọngo ịnon ạrumugh — rụmugh dị bịdi rꞌạburude ạburude ạbidi rꞌạbudaam ẹmha phọ aJuda kőlhegheri ghan. Bịdi momuzeḍiom esi phọ ịsien ịḅaal awe dị ụ́piom,

Jerimaya 32:29

kụ ọsu nịan. Bịdi kọsu ni ẹmha phọ ọḅile ọḅaram ruutu lọ awe mọrol ghan oḍighi ịlo kẹkagh ologhi ạmi esi ọsuughi ịnsens ọngo aBaal ẹpe ạnyu aruutu phọ ọḅile omoroghi miim ọngo ịnon aruru.

Jerimaya 44:3

loor esi dị awe phọ ạbidi mọpioghom kụ uḍighi ịmi ịlo ophin ologhi. Bịdi uḍighi ghan rạraar aghuḍum ọngo ịkaanaan ạrumugh kụ okumu ghan ruru dị bịdi rꞌanyina rꞌạburude ạburude ạbidi kꞌekulha kőoseeny ghan.

Jerimaya 44:8

Eeghe kụ nyina rịngo ghan bọ ịmi ophin ologhi reten ooseeny ịkaaghineen ạrumugh rꞌọḅile oḍighi ạrikia ọngo aruru sịen Ijipt, esi phọ nyina meru bọ ọrol phọ? Nyina reḍighi ghan ịphen phọ ophiemi asiloor anyina bịn ḍụghum, ẹrol dị tọrobo eelhe sịen ade phọ iphogh inyina ẹḅitonaan kụ ẹsighe ḍien anyina eḍighi ịlo itonyonaan bịn ḍụghum?

Jerimaya 44:9

Nyina mewula oomo ịkaraph ạraraar phọ moḍighi bọ ẹpe ạramha phọ aJuda rꞌaroḅodo phọ aJeruselem, dị ạburude ạburude anyina kụ oḍighi yogh, dị ạbudaam-ẹmha phọ aJuda rꞌạnmariir phọ ạbidi kụ oḍighi yogh, rꞌanyina rꞌạnmariir phọ anyina kụ eḍighi yogh ḍụghum?

Jerimaya 48:35

Mị kámeera mun mọ aweye ạMoab ọḅile ghan ọphinyon rịkia oguom nịan riisi ooseeny phọ ạbidi, ḅịle rꞌọphinyon rịkia ọngo ruru phọ ạbidi. Mị Ọmoogh-we phọ kụ mạḅem.

Jerimaya 5:2

Ghạlamo ịduon nyina ẹḅem bọ ni mọ nyina rẹeḅereghi ghan ni Ọmoogh-we phọ, nyina rẹḅem aani ghan ni bịn.

Jerimaya 5:7

Ọmoogh-we phọ apuru mọ, “Eeghe kụ iḍighi kụ mị kạbilenaan bọ ịkaraph awe phọ ạmi? Bịdi mụwile ịmi ọki ọoḅereghi rụmugh dị ị́moogh ịyaar oḍighinom. Mị ụngo ni weye phọ ạmi eḍien dị ẹpher bịdi, kụ bịdi ọḅile ghụn olhe ghan ẹmha ọsighe mem mọ ạbidi ọtolan ghan rꞌạbuo oliom ẹmha.

Jerimaya 7:6

Kẹ́tuan mọ oye phọ aḍighi ooruen, mꞌọnyigo ọony, mꞌekpukele ạnir bịn ephogh iniin eḍighi ghan bịdi. Kẹ́ze mun weye dị ịyaar ụ́piom sịen ade phọ aḍien. Kẹ́eḅereghi mun ịnon ạrumugh, ịphen phọ kiphiemi ni inyina.

Izikiel 18:18

Ọde ọdi, ḍịeri phọ ạḍighaagh phọ, aagbegheḍiom ni ạḅile ami, kụ oomo amem aḍighi ịkaraph esi ạtorobo oye. Kụ iḍighi kụ ọdi amugh ni loor esi ịkaraph phọ ọdi rꞌaloor maḍighi bọ.

Izikiel 20:30

Nyịidipho ḅẹni bụo Ịzirel phọ ịphen mị Ọmoogh-we dị ạmoogh oomo ịikpo phọ rạkaaph bọ: Iḍighi ika kụ nyina keḍighi bọ iniin ịkaraph phọ ạburude phọ anyina oḍighi bọ kụ esi oghiil ọdaph ịkaaghineen ạrumugh phọ ạbidi?

Izikiel 23:39

Ọkaraghi aḍio phọ ạḍiphe bịdi ọze bọ nmụny phọ ạmi ọphinyonom rịkia ọngo ịkaaghineen ạrumugh phọ, bịdi uru sịphe Otu Ịiḅereghi phọ ạmi kụ ọopu nyọdi!

Izikiel 5:11

“Kụ iḍighi, kụ esi ịduon mị aḍighi bọ Ẹnaan phọ edi ghan bọ — ẹphen kụ ekpo ọnhu Ọkar Ogbogh Ọmoogh-we phọ — loor esi dị nạ mạapuom Otu Ịiḅereghi ạmi oomo ịkaraph ạraraar isa phọ nạ aḍighi yogh bọ, mị kasoph nyịna aler ịdi ọnma ighirigiir kạ́tol.

Hosia 2:13

Mị kạliom ni nyọdi ịdi eḍighi bọ ọdi úwula ịmi kụ rạsuanaan ghan Baal ịnsens ịlo ooseenyom ọdi; mị kạliom ni nyọdi esi amem mọ ọdi adoghoḍian bọ rạla ạraghaagh ọbo ọdi ạḅeeraan rụga phọ ọdi. Ọmoogh-we phọ kụ ạḅem.

Hosia 6:9

Ariil ạrikia phọ ọkigh ḍita ạruḅa dị ọḅona eten ogon oye. Ghạlamo reten ọghi osi esi iigbia ẹpe Sẹkem bịn bịdi rọze ni weye. Kụ oomo ạsipioghom mọ bịdi olegheri ghan ni kụ roḍighi!

Ẹmos 4:5

Ịkparami ni ẹngo ghan eḍien ọsephom Ẹnaan, kụ eetuma ghan ịlo ịpheri phọ inmo phọ nyina rẹngo ghan bọ! Ịphen kụ ịdo ạraraar dị rịḅeeraan ghan inyina oḍighi!

Zẹfanaya 1:5

Mị kapiemi tọrobo oye lọ ạsiiny ạnyu otu kụ ạaḅereghi erumuḍio phọ, mꞌụnwanyu phọ rꞌạraanaan phọ. Mị kạḅaram apiemi bụphe moghunya bọ mọ bụno kuuseeny ghan ịmi, kụ ọḅile bọ oghiran ịyo rꞌeru aMilkom.

Malakai 3:5

Ọmoogh-we Oomo Ịikpo phọ rạḅem ghan mọ, “Mị kamite ni sịphe ogbo phọ anyina oogbo ịiruen; ḅịle kẹn mị kạgba ni amitiom mem mem mọ bụphe ọta bọ rọogho phọ, rꞌabulhiom ẹmha phọ, rꞌạbuphe rọgba ghan bọ ịlo bịdi ụ́miin, rꞌạbuphe roogbegheḍiom ghan bọ weye lọ bịdi ophir oḍighinom oḍighi mem lọ mẹteeny ọkpe ịpe omerenyan bọ, rꞌạbuphe rọgbiphoghom ghan bọ rukpukele ạnmariir rꞌạbunyigo ạnmuny rꞌaruuruen loor esi dị oye ọ́moogh bịdi, ḅịle rꞌoomo ạbuphe ịmi ụ́logh bọ eegu.

Bụo aRom 2:2

Yira olegheri ni mọ Ẹnaan rẹ́pioman ghan ịiruen lọ ọdi aagboonaan bụphe roḍighi ghan bọ ọdo phọ ịphen phọ.

Dutoronomi 32:17

Bịdi ọphinyon yogh ghan rịkia ọngo rụmugh dị kạ́rumugh, rụmugh dị bịdi úlegheri, imoom ạrumugh dị pụruku emite, rụmugh dị ạburude ạbidi kőmeeraam ghan kꞌekulha.

Ogonanami Phọ 21:8

Kụ bụo eepuph phọ rꞌemeeraam mọ, rꞌạbuminian rịiniom mọ, rꞌạrookom enu phọ, rꞌạbuo ipesi phọ, bụlo rọgbe ghạma rꞌạbulo rọoḅereghi ruru rꞌạbugbaam ọkpe — ọodu phọ ọpo ạnian rꞌạsolfa phọ reemor bọ kụ esi dị oseenaan bịdi. Ḍịen kụ aḍuugh phọ emuneniom bọ ịyal phọ.”

Ogonanami Phọ 22:15

Kụ ạbuminian rịiniom rꞌạruḅaghama rꞌạbuo ipesi rꞌạrookom enu rꞌạbuo ịiḅereghi aruru rꞌạbugbaam ọkpe rꞌạbuo iigbegheḍiom úlho aani sịphe ẹmha phọ.

Bụo Ịiruen 5:8

Bịdi ọsaḅar imoom ạrumugh, kụ ẹgham ẹrol sịphe eḍighom ẹmha phọ ạbidi. Kụ ịsuaram rꞌịsoph kụ ịdi ọmiin ogbo inyadi ọonir awe phọ Ịzirel ḍụghum?