Jerimaya 7:7 - Ạḍinya Iigbia

⁷ Eḍighi ịyaar lọ nyina enmia, pọ mị kameera ni nyina erugh sịen ade phọ mị ạngo bọ bụrude ạburude phọ anyina mọ ọmoogh kꞌagee-pọ phọ.

Jerimaya 7:7 Iomraidhean Croise

2 Krọnikuls 33:8

Kụ eḍighi ịyaar dị awe phọ Ịzirel kọnaghanan oomo ịtooghi phọ ạmi kụ ooko oomo Ologh phọ otelhedom ạmi Mozis ạngo bọ bịdi, bịn mị kámeera mọ ophorogh bịdi ọsighe sịphe ade phọ mị ạngo bọ bụrude ạburude ạbidi.”

Ẹḍua 22:22

Kẹ́miine ekpukele ạnir ḅịle rꞌọnyigo ọony.

Azaya 1:19

Eḍighi mạar dị nyina kịnaghanan ni ịmi, nyina kele ni igey ạraraar ade phọ.

Jerimaya 25:5

Bịdi ịḅeni ni inyina mọ ịbile ịkaraph areten phọ anyina, ẹwile oḍighi yogh ịkaraph, pịdi nyina etugh ẹkiom risigh sịen ade phọ Ọmoogh-we phọ ịngo bọ inyina rꞌạburude ạburude phọ anyina mọ ịmoogh phọ.

Jerimaya 26:13

Ẹkpianaan dị nyina kenme dọl phọ nyina edi bọ ḅịle rꞌạraraar phọ nyina reḍighi bọ, ẹnaghanan ghụn Ọmoogh-we Ẹnaan phọ anyina. Eḍighi ịyaar lọ nyina ekiton, ọdi kanme ni ologhi phọ ọdi esi ịpe ọdi ạḅem bọ mọ ọno kiigulemi inyina phọ.

Jerimaya 3:18

Ịzirel kọḅophoghan rꞌaJuda, kụ ọḅoph ọnhu ọḍua ẹpe iiruen ạramha phọ bịdi ọrol ghan bọ ẹpe ephunom mọ kụ otigheel ẹpe ade phọ mị ạngo bọ bụrude ạburude phọ anyina mọ ọmoogh kꞌagee-pọ.”

Jerimaya 35:15

Mị miruom ghan ni inyina oomo abutelhedom mọ ạmi, riil phọ kụ bịdi mịḅeni inyina ọwile yogh ẹkaraph eḍighinom ạraraar kụ eḍighi ghan ịlo ẹnighe. Bịdi ịḅeni ghan inyina mọ kéeseeny ịnon ạrumugh ẹrol dị nyina ẹtol ẹkiom ghisigh de phọ mị ịngo bọ inyina rꞌạburude ạburude anyina, kụ ọlo nyina ímeera ọnaghanan ạmi ḅịle rꞌoler ạruru ọnaghanan mem lọ mị rạkaaph.

Jerimaya 4:1

Ọmoogh-we phọ ạḅem mọ, “Weye Ịzirel, eḍighi ịyaar dị nyina rẹwa ni okiton, pọ ikiton eru esi ạmi. Eḍighi ịyaar dị nyina emeeraam kụ eroḅologhi ịkaaghineen aruru phọ mị rạ́wa ghan bọ ọmiin phọ bịn kụ ẹrolan rꞌạmi,

Zẹfanaya 3:7

Mị ugbi mọ mem mọ ọpo phọ awe phọ ạmi kụlogh ni ịmi eegu kụ omeeraam mem lọ mị aalemi ọpioman ạbidi, ḅịle mọ bịdi kóbula ịtughemi lọ mị ạtughemi. Kụ íbia bịn bịdi mọḅile ọtol ịdipho ọrol bọ kꞌemiighom mọ.

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”