Jerimaya 7:6 - Ạḍinya Iigbia

⁶ Kẹ́tuan mọ oye phọ aḍighi ooruen, mꞌọnyigo ọony, mꞌekpukele ạnir bịn ephogh iniin eḍighi ghan bịdi. Kẹ́ze mun weye dị ịyaar ụ́piom sịen ade phọ aḍien. Kẹ́eḅereghi mun ịnon ạrumugh, ịphen phọ kiphiemi ni inyina.

Jerimaya 7:6 Iomraidhean Croise

2 Ạbudaam 21:6

Aḍighi kẹn ịdi ọony ọdi arelhe ologhi ạnian aten, aako yogh ghan siḍio, aḍighi yogh ghan ịiḍaany, aḍighan rꞌịkaraph aruwaloor rꞌạruuḅaghama. Ạsipioghom mọ ọdi ịphughan ni risigh Ọmoogh-we phọ, kụ ẹghagh ologhi ọdi.

2 Ạbudaam 24:4

rꞌaloor ẹmhu awe phọ ạbuphe mạar ụ́piom bọ kụ dị ạze bọ; ịḅaal awe dị mạar ụ́piom kụ ịdi dị azuughi amuzeḍi ẹpe Jeruselem, kụ Ọmoogh-we phọ nyọdi kạ́bilenaan.

Ạsuor 106:38

Bịdi ọze nmụny phọ ạbuphe úlegheri aani bọ kụ ọphuenom de phọ.

Asidogh 23:10

Kádighiron ịyaar lọ eḍeenaan ọku bịn ạsighe de dị eḍighi ẹlo ạbunyigo ạnmuny.

Azaya 59:7

Nyina regbiighi ghan oomo amem oḍighi ịkaraph, kụ ẹkpar ri dị nyina kẹkparam ekori oḍighi phọ. Nyina reegulemi ghan kephiemi mem ọze awe lọ úlegherian ni. Nyina remitiom ghan oogulemi tọrobo ekpisi lọ nyina ẹghi,

Jerimaya 13:10

Ạbukaraph awe phọ ạbuen phọ úmeera ụ́naghanan ịmi. Bịdi odimom ni ọḅaar ẹmhu phọ ạbidi ḅịle kẹn rọoḅereghi, ọḅile okumu ịnon ạrumugh. Kụ iḍighi kụ bịdi kọtol ịduon asinika phọ ịphen phọ ị́moogh mun bọ ịyaar oḍighinom mọ.

Jerimaya 19:4

Mị kaḍighi ni ịphen phọ loor esi dị awe phọ mụḅitonaan ịmi ọḅile ọopu esi phọ ọtol sịen kụ rọpinyon ghan rịkia kọngo ịnon ạrumugh — rụmugh dị bịdi rꞌạburude ạburude ạbidi rꞌạbudaam ẹmha phọ aJuda kőlhegheri ghan. Bịdi momuzeḍiom esi phọ ịsien ịḅaal awe dị ụ́piom,

Jerimaya 2:30

Mị ịliom ni inyina, kụ ọlo ạsuo ọ́rol; nyina ímeera mọ mị iilemi inyina. Nyina mẹze riil phọ anyina ịdipho ạnam-dịka dị ịyaar repin ologhi.

Jerimaya 2:34

Ịḅaal arukulom rꞌịḅaal awe dị mạar ụ́piom ẹbiph ni rụsuoma phọ anyina, kị́ḅaal ạruḅa. “Kụ ghạlamo esi oomo phọ ịphen phọ ni,

Jerimaya 26:15

Kụ ọlo ilegheri ekuphom owol mọ: eḍighi ịyaar dị nyina ighiigh ịmi, pọ erugh miphum inyina rꞌawe ẹmha phọ ẹphen esi oghiigh oye dị mạar ụ́piom, loor esi dị Ọmoogh-we phọ ni kụ urom ịmi ọghaaph ọphurom anyina rụru.”

Jerimaya 26:23

Kụ bịdi osiph nyọdi oruomonaan Jehoyakim ọdaam mọ, kụ ọdi ạto mọ oghiigh Yuraya ọsighe ḍizu phọ otebeeny sịphe ẹkaraph eḍum ẹmha phọ.)

Jerimaya 35:15

Mị miruom ghan ni inyina oomo abutelhedom mọ ạmi, riil phọ kụ bịdi mịḅeni inyina ọwile yogh ẹkaraph eḍighinom ạraraar kụ eḍighi ghan ịlo ẹnighe. Bịdi ịḅeni ghan inyina mọ kéeseeny ịnon ạrumugh ẹrol dị nyina ẹtol ẹkiom ghisigh de phọ mị ịngo bọ inyina rꞌạburude ạburude anyina, kụ ọlo nyina ímeera ọnaghanan ạmi ḅịle rꞌoler ạruru ọnaghanan mem lọ mị rạkaaph.

Jerimaya 5:28

kụ ọḅile ole ẹpher, ọbughogh. Eekuna ílho ịkaraph iiḍighi phọ ạbidi. Bịdi rọ́ngo ghan bụnyigo ạnmuny riliom mọ ạbidi mọ kẹn iiḅi ịiruen weye lọ rọkpilighi.

Jerimaya 7:5

“Inme dọl phọ nyina edi bọ ẹwile oḍighi ạraraar phọ nyina reḍighi yogh bọ. Oniin kụ́gbiphoghom nyoniin.

Jerimaya 7:9

Nyina remiighi ghan, kẹze weye, kele ẹmha, keghunya kụ egbi ọgba ọkpe, kẹphinyon rịkia ẹngo Baal, kẹḅile ẹeḅereghi rụmugh dị nyina ke̋lhegheri ghan.

Ịkunuma 4:13

Kụ imite ni loor esi dị ariil ẹmha phọ ụpioghom kụ ariil ạrikia oḍighi ịdi aḍuugh ẹteeny we dị ịyaar ụ́piom.

Izikiel 18:6

Ọdi ráaseeny ghan ịkaaghineen ạrumugh phọ ạbuo Ịzirel mꞌolhe ạrikia phọ ọngo bọ rạphan, riisi dị ogbi. Ọdi rátorori ghan ạnir ọnon oye ọghi esi ịkaraph mꞌọrolan esi rꞌạnir mem dị odi ẹrol.

Izikiel 22:7

Rꞌoniin sịphe ẹmha phọ óghueni ọde rꞌonhiin ọdi. Nyina eegbegheḍiom ruuruen kụ ẹmiine rukpukele ạnmariir rꞌạbunyigo ạnmuny.

Lịvitikos 19:33

“Íḍighi ghan ooruen lọ arugh sịphe ẹmha phọ anyina ịkaraph.

Lịvitikos 25:17

Oniin ọnyo anyina nyoniin kúḍighi ghan ịlo ị́nighe. Kiilaan ghan Ẹnaan phọ ạna, ịdi eḍighi bọ mị kụ Ọmoogh-we Ẹnaan phọ anyina.

Malakai 3:5

Ọmoogh-we Oomo Ịikpo phọ rạḅem ghan mọ, “Mị kamite ni sịphe ogbo phọ anyina oogbo ịiruen; ḅịle kẹn mị kạgba ni amitiom mem mem mọ bụphe ọta bọ rọogho phọ, rꞌabulhiom ẹmha phọ, rꞌạbuphe rọgba ghan bọ ịlo bịdi ụ́miin, rꞌạbuphe roogbegheḍiom ghan bọ weye lọ bịdi ophir oḍighinom oḍighi mem lọ mẹteeny ọkpe ịpe omerenyan bọ, rꞌạbuphe rọgbiphoghom ghan bọ rukpukele ạnmariir rꞌạbunyigo ạnmuny rꞌaruuruen loor esi dị oye ọ́moogh bịdi, ḅịle rꞌoomo ạbuphe ịmi ụ́logh bọ eegu.

Matiu 27:25

Kụ oomo awe phọ ọphagharanaan mọ, “Ịḅaal ọdi ẹrol rụmhu ayoor rꞌạnmuny ayoor!”

Matiu 27:4

kụ ạḅem mọ, “Mị mạpioman ịduon mị aal bọ oye dị mạar ụ́piom aghiigh.” Kụ bịdi ọḅem mọ, “Ịpe ẹman eeghe esi ayoor? Aḍighiton ạna.”

Dutoronomi 11:28

itulughian, eru mạar dị nyina iilogh phọ Ọmoogh-we phọ Ẹnaan phọ anyina ị́naghanan kụ nyina ẹwile reten phọ ịphen mị ạlogh bọ rịḅeni inyina rodon, kụ ẹdaph ịnon ạrumugh dị nyina ílegheri.

Dutoronomi 24:17

“Kẹ́tu ghan mọ ọdi ooruen bịn enme ịiruen; ḅịle mọ ọnyigo bịn enme ịiruen akeel phọ ọdi. Kẹ́sighe ghan rukpe ekpukele ạnir ẹphagh.

Dutoronomi 27:19

“‘Itulughian ẹrolonaan oye lọ anme akeel ịiruen ooruen, mꞌịlo ọnyigo ọony, mꞌịlo ekpukele ạnir.’ “Kụ oomo awe phọ omeeraam ghan kụ ọḅem ghan mọ, ‘Ẹrol li ịdipho.’

Dutoronomi 8:19

Eru mạar dị nyina ewula Ọmoogh-we Ẹnaan phọ anyina bịn ẹdaph eeseeny ịnon ạrumugh, ẹeḅereghi bịdi, mị rạpur sịruru anyina rodon phọ ạḍien, bịn nyina eguul.

Jems 1:27

Oye lọ aakonom ghan bụnyigo ạnmuny, aphogh ghan rukpukele ạnmariir esi ịminimiin phọ ạbidi, kụ úmeera mọ ịitughian aḅirini phọ ẹphue nyịno, kụ ọdi Ẹnaan Ọde phọ ạsighe mọ omeeraam mọ ọdi ọ́phuph, ḅịle kẹn ịyaar ị́biph.