Jerimaya 7:5 - Ạḍinya Iigbia

⁵ “Inme dọl phọ nyina edi bọ ẹwile oḍighi ạraraar phọ nyina reḍighi yogh bọ. Oniin kụ́gbiphoghom nyoniin.

Jerimaya 7:5 Iomraidhean Croise

Azaya 1:19

Eḍighi mạar dị nyina kịnaghanan ni ịmi, nyina kele ni igey ạraraar ade phọ.

Azaya 16:3

Bịdi ọḅeni we phọ aJuda mọ, “Ịḅeni iyoor ịlo koḍighi. Ighoph iyoor ịdipho oreeny dị ạmoogh uba dị ạpho mem ẹghologhol ogbo ootaany, kụ emeera yoor oḍigh uba esi anyina ophooghian. Yoor ughiil ẹgham kụ ụ́moogh marugh. Ạaghi iyoor esi dị oye iyoor kụ́miin.

Jerimaya 22:15

Ketue ni eḍighi nyịna ogey ọdaam ḍụghum eḍighi ịyaar dị nạ ạsighe rạsaga kụ ạloghom otu dị ạnighe apu ruutu ạbunon awe? Ọde phọ ạna ạrol li ạkpo. Ọdi ạrol li dọl aruukuan oomo amem, kụ edughom ịrolonaan ni nyọdi tọrotoro ịyaar lọ ọdi aḍighi.

Jerimaya 22:3

“Mị Ọmoogh-we phọ ạto ịngo inyina rạḅem ghan mọ iḍighi ghan rạraar lọ eḍighi elhiom ẹḅile eseleman. Ịloghonaan ḍịghaagh oye phọ ọpo roogbegheḍiom bọ ephorogh nyọpo raagbegheḍiom bọ nyọdi. Kẹ́kpilighi ghan mụghumo ọgbiphoghom aruuruen mꞌạbunyigo ạnmuny mụghumo arukpukele ạnmariir; ḅịle kẹn kẹ́ze weye dị mạar ụ́piom sịen esi iigbia phọ ẹphen.

Jerimaya 26:13

Ẹkpianaan dị nyina kenme dọl phọ nyina edi bọ ḅịle rꞌạraraar phọ nyina reḍighi bọ, ẹnaghanan ghụn Ọmoogh-we Ẹnaan phọ anyina. Eḍighi ịyaar lọ nyina ekiton, ọdi kanme ni ologhi phọ ọdi esi ịpe ọdi ạḅem bọ mọ ọno kiigulemi inyina phọ.

Izikiel 18:17

Ọdi akel oḍighi ịkaraph kụ rạ́ngo ghan ọmugh ịlo ạsuo. Ọdi raako ghan iilogh ạmi kụ kạḅile ạnaghanan ịtooghi ạmi. Ọdi kámugh loor esi ịkaraph ọde phọ ọdi, kụ ọkaraghi igey ni ọdi kạtol li.

Izikiel 18:5

“Eḍighi mạar dị ọkaraghi ogey oye odi, aseleman kụ ẹzo ẹnighe.

Izikiel 18:8

Ọdi rátene ghan ọmugh ịlo ạsuo. Ọdi akel oḍighi ịkaraph kụ rạngo ghan ogey ọotughian esi ạtorobo ịgbaragbara.

Lịvitikos 25:17

Oniin ọnyo anyina nyoniin kúḍighi ghan ịlo ị́nighe. Kiilaan ghan Ẹnaan phọ ạna, ịdi eḍighi bọ mị kụ Ọmoogh-we Ẹnaan phọ anyina.

Zẹkaraya 7:7

Ịphen kụ ịdi Ọmoogh-we phọ marom ghan ni bụḅel ariil phọ kụ ọghaaph mem mọ ọpo ẹelha rꞌawe omuza bọ ni Jeruselem ḅịle rꞌamem mọ ọpo aḍita awe kụ orughogh bọ ni rạmha phọ ekoom bọ egbogh ẹmha phọ kụ ọḅile orughogh ẹpe esoorom mọ rꞌẹpe ọgbal aroogbolom mọ ẹpe erumuḍio phọ remeel ghan bọ.

Bụo Ịiruen 21:12

Kụ bịdi ọmiin ẹpe phọ, sịphe ogbo ạbuphe orugh bọ ẹpe Jabes Gịliad, inya okuron arisina ạnmanyaan dị oye rꞌạbidi kọ̋rolan ghan esi, kụ bịdi ọpham nmạnyaan phọ ạbuen osiom ẹpe arugbogo phọ ạbidi ẹpe Sailo ẹpe ade phọ aKenan.

Bụo Ịiruen 5:1

Ḍio phọ ạḍiphe aDebora rꞌạBarak ọony phọ Abinoam ụmoor ḍụor dị ẹḅem ghan ịduon mọ,