Jerimaya 7:4 - Ạḍinya Iigbia

⁴ Kémeeraam mun ikpo ọnhu areekeleghian phọ, ‘Ịiḅaghami ílho! Ọphon Otu Ịiḅereghi Ọmoogh-we phọ! Ọphon Otu Ịiḅereghi Ọmoogh-we phọ! Ọphon Otu Ịiḅereghi Ọmoogh-we phọ!’

Jerimaya 7:4 Iomraidhean Croise

1 Ạbudaam 9:7

pọ mị kamutonaan Ịzirel sịphe ade phọ ạḍiphe mị ạngo bọ bịdi rꞌOtu phọ ọphon mị mạsaḅar bọ aseere dọl iigbia ạngo ḍien phọ ạmi; mị kạḅitonaan ni bịdi kụ Ịzirel aḍighi ḍidogh rꞌịgilaam esi oomo awe.

Azaya 48:2

Kụ nyina epoophe ni loor ọḅem mọ nyina ọkaraghi awe ẹmha iigbia phọ ni kụ mọ nyina ẹkpasi ologhi esi Ẹnaan phọ Ịzirel, ọpo aḍien phọ eḍighi bọ Ọmoogh-we oomo ịikpo phọ.

Azaya 59:4

Nyina esoor erugh ịiruen, kụ iphum inyina. Nyina eḍuom ologhi ọgba ọkpe kụ ọmooghom akeel. Nyina emitenom ịkaraph igbiighi ịlo oḍighi ịyaar bụnon awe.

Azaya 66:1

Ọmoogh-we phọ rạḅem ghan mọ, “Ạke phọ kụ ogbogh ạgada ọdaam mọ ạmi, kụ ade phọ kụ ịkasi ọkpasaghiom aruwol ạmi. Ọghen ọdo otu kụ ẹdi nyina kịlhoghonaan bọ ịmi, ẹghen ọdo esi kụ ẹdi mị kạtol ghan?

Jerimaya 28:15

Pọ kụ amem dị mị ạḅeni Hananaya ịduon, kụ ạloghom, “Nạghan, Hananaya! Ọmoogh-we phọ nyịna órom, kụ nạ raḍighi ịdi awe phọ ạbuen komeeraam ọkpe.

Jerimaya 29:23

Ịphen kemitenaan bịdi loor esi dị apum odianaan ni bịdi esi igbogh ịkaraph — bịdi molhe ẹmha kụ ọgbaam ọkpe ḍien Ọmoogh-we phọ. Ịphen phọ ị́ḅophan rigbiighi Ọmoogh-we phọ; ọdi alegheri ni ịpe bịdi moḍighi bọ, kụ ọdi kụ ọgbaanaan ịpe bịdi eḍighi bọ. Ọmoogh-we phọ kụ mạḅem!”

Jerimaya 29:31

orom adom mọ ạḍien ịlo egbolomaam Semaya ọghiomonaan oomo ạbuo ikoli phọ ẹpe Bạbilon mọ, “Mị Ọmoogh-we phọ kạliom ni Semaya rꞌoomo ạnmuny ạnmanyaan ọdi. Mị nyọdi útom kụ ọdi ịḅaanaan inyina ịdipho oyil Ẹnaan, ạḅile kẹn aḍighi ịdi nyina emeeraam ọkpe. Ọdi kạ́moogh nmụny ạnmuny ogbo anyina. Ọdi kạ́tol ạ́miin igey ạraraar phọ mị kaḍighinaan bọ we phọ ạmi, ịdi eḍighi bọ ọdi ạḅeni bịdi mọ ọḅaar ẹmhu esi ạmi. Mị Ọmoogh-we phọ kụ mạḅem.”

Jerimaya 6:14

Bịdi roḍighi ghan mụdiadi igbogh ạrelem awe phọ ạmi eḍighi riisi dị ịyaar bịn kụ ẹgoor. Bịdi rọḅem ghan mọ, ‘Oomo ạraraar ẹnighe ni,’ mem dị oomo ạraraar ị́nighe.

Jerimaya 7:14

Loor esi ịduon phọ, ịpe mị aḍighi bọ Sailo kụ ịdi mị kaḍighi Otu Ịiḅereghi phọ ạmi ọphon nyina ẹkpasi bọ emooph phọ anyina. Sịen phọ mị ạngo bọ bụrude ạburude phọ anyina ḅịle kẹn rꞌanyina, mị kaḍighi ni iniin ịpe mị aḍighi bọ Sailo.

Izikiel 13:19

Nyina iifolomi ịmi esomanan awe phọ ạmi ịlo ọmoogh ẹphurukpu ạruuzua ịbiakpa abali rꞌẹphurukpu ipoḍi ạbred. Nyina ẹze we dị ụ́kpianaan omugh, kụ nyina eseere we ọmoogh aghuḍum bụdi ụ́kpe ọrol. Esi ịduon phọ nyina rẹgba ghan ọkpe kẹḅeni we phọ ạmi, kụ bịdi imeeraam inyina.”

Maika 3:11

Bụphe ọda bọ ẹmha phọ role ghan oti ọman; ariil ạrikia phọ ọgba ologh phọ omitiom, pọ kọkpe ikpoki bịdi; ariil phọ kụ ọghaaph ịlo bịdi ọmiin, pọ kọboor ikpoki — kụ oomo phọ ạbidi ọḅem mọ Ọmoogh-we phọ odianaan rꞌạbidi. “Ịyaar lọ ị́nighe iyoor kị́teeny,” bịdi ọḅem, “Ọmoogh-we phọ odianaan rꞌayoor.”

Zẹfanaya 3:11

Mem mọ ọpo, nyina awe phọ ạmi kẹ́moogh mun umugholoor mọ nyina ẹḅaar ẹmhu esi ạmi. Mị kạgbole tọrobo oye lọ aphoophe loor rꞌeboom ekpom, kụ nyina kẹ́ḅaar mun ẹmhu esi ạmi ạnyu eegbolom iigbia phọ ạmi.

Elegh aLuk 3:8

Ịmoogh rọozo awe lọ mokiton esi ịkaraph phọ ạbidi. Kéḍuom ologhi Ebraham ọde phọ ayira. Boonaan Ebraham kạ́tol, mem dị nyina eḍighi ịkaraph. Mị rịḅeni ni inyina mọ Ẹnaan ketue ni ẹsighe sighiigh phọ ịphen eḍighi nmụny ẹngo Ebraham.