Jerimaya 7:16 - Ạḍinya Iigbia

¹⁶ Ọmoogh-we phọ ạḅem mọ, “Jerimaya, kạ́aḅereghinaan weye phọ ạbuen. Kákol ẹmhu ạbidi amoghi mụghumo ọoḅereghi; ịmi kụ́uḅereghian, loor esi dị mị nyịna kạ́naghanan.

Jerimaya 7:16 Iomraidhean Croise

2 Sạmuel 8:18

aBenaya ọony phọ ạJehoyada kụ uwo ẹmhu ạbuphe okori ghan bọ Devid; kụ ạnmuny phọ aDevid oḍighi bụpinyon rịkia.

Ẹḍua 32:10

Kụ iḍighi, nyịidipho kúkikima ịmi. Bịdi ophin ologhi ạmi kụ mị kapiemi bịdi. Kụ mị aḍume nyịna, ạbughe ọophi ạna aḍighi egbogh eelhe.”

Azaya 1:15

“Mem dị nyina ephoophe rạghaagh anyina esi ịiḅereghi, mị inyina kíphogh. Tọrobo ịlo nyina ẹeḅereghi ghan, mị káler rụru ạnaghan ịdi eḍighi bọ nyina mezu ịḅaal.

Jerimaya 11:14

Jerimaya, kákol mun rụmhu awe phọ ạbuen ụuḅereghian ịmi. Mem lọ bịdi odi esi ịiḅaghami kụ ọlo ụmagh ịmi ọlom ọloghonaan ạḍighaagh mị kạ́naghanan bịdi.”

Jerimaya 15:1

Kụ Ọmoogh-we phọ ụḅeni ịmi mọ, “Ghạlamo aMozis rꞌạSamuel kụ uru ni ọmeera sịen kụ ụuḅereghian ịmi, mị kạ́nma ighirigiir weye phọ ạbuen. Ḅẹni bịdi ọḍua; ḅẹni bịdi mọ ọḍua risigh ạmi.

Jerimaya 15:6

Nyina mighel ịmi; nyina mịgumom ịmi ọman. Kụ iḍighi kụ mị mạgbuton ḍịghaagh ạmi ọogbighiḍi inyina loor esi dị mị útue mun ụ́pamaghan ọghagh ologhi phọ ạmi.

Jerimaya 18:20

Ịkaraph kụ iḍighi ruunmo ogey oye ḍụghum? Bịdi moguph ooni mọ mị umeel usuma. Tụutughian ịpe mị aghol bọ ẹmhu ạbidi kụ aru ạḅaanaan nyịna, pịdi nạ kạsighe ghan bọ ọghagh-ologhi kụ apoghom bịdi.

Jerimaya 4:28

Ade phọ kẹto ni ọto; okuaḍio phọ kabil li. Ọmoogh-we phọ mạḅem kụ kánme ologhi phọ ọdi. Ọdi magbiighi ịpe ọdi kaḍighi bọ kụ káḅula ọman.

Jerimaya 7:17

Nạ rạ́miin ghan ịpe bịdi roḍighi yogh bọ ẹpe ạramha phọ aJuda ḅịle kẹn rꞌaroḅodo phọ aJeruselem ḍụghum?

Maika 3:4

Amem retu ni dị nyina kemoghi emitiom epoghom Ọmoogh-we phọ, kụ ọdi inyina kị́naghanan. Ọdi kạ́naghanan ịiḅereghi anyina loor esi dị nyina mẹpioman.

Dutoronomi 9:14

Ụwile ịmi, mị kapiemi bịdi, agbuurogh ḍien ạbidi ạsighe sịen aḅirini phọ; kụ mị kaḍighi nyịna ọde eboom eelhe dị kẹbugh epu bịdi.’

1 Jọn 5:16

Oye lọ ạmiin ọnyo asiya ọdi lọ aḍighi ịkaraph dị ítu ịlo aḍuugh-aḍuugh ạaḅereghinaan ghan ịdi Ẹnaan kẹngo nyọdi ghuḍum! Ịphen phọ ẹkpulughiom bụphe ịkaraph phọ ạbidi ítu bọ ịlo aḍuugh-aḍuugh. Ịkaraph aḍuugh-aḍuugh edi ghan ni kụ mị ratoma ghan mọ kékol ghan ọdo ịkaraph phọ ịphen ẹeḅereghinaan ọnyo asiya anyina.