Jerimaya 7:13 - Ạḍinya Iigbia

¹³ Nyina meḍighi oomo ịkaraph phọ ịphen, kụ ghạlamo ịduon mị mịḅeni bọ ni inyina ạḅile ạḅeni, nyina ímeera ị́naghanan. Mị ạmagh, nyina ímeera.

Jerimaya 7:13 Iomraidhean Croise

Asidogh 1:24

Mị rịmagh ghan inyina, riyapha ghan inyina mọ itu, kụ nyina ị́naghan. Nyina ịmi ị́naghanan.

Azaya 50:2

“Eeghe kụ awe phọ ạmi ụ́naghanan bọ mem mọ mị ạghi bọ ọphel ạbidi? Eeghe kụ úmegheron bọ mem mọ mị ạmagh bọ? Mị adugh ni iboom ọphel ạbidi ḍụghum? Mị atue ni ạkaragharami mụum ọphiiny rꞌịto ạmi, ạḅile akiton rịphiiny atene de ịisaar pịdi ina phọ ẹrol bọ sịphe phọ emuughu loor ẹkuom ạmuum.

Azaya 65:12

Kiseenaan inyina ọda omugh aḍuugh egbo, loor esi dị nyina ímeera mem dị mị ịmagh inyina ḅịle íler rụru mem dị mị ạghaaph. Nyina iphin ọḅaar ẹmhu esi ạmi kụ ẹpioghom.

Azaya 66:4

Kụ iḍighi kụ mị katuomaan bịdi imananaan — ọkar ịyaar phọ bịdi rokiilaan ghan bọ — loor esi dị, mem lọ mị ạmagh, oye ómeera; ḅịle kẹn mem lọ mị ạghaaph, oye ọ́naghanan. Bịdi uphin ọḅaar ẹmhu esi ạmi rꞌoḍighi ịkaraph.”

Jerimaya 11:7

Mem mọ mị ạsighe bọ bụrude ạburude phọ ạbidi amitiom ẹpe Ijipt, mị ụphur ri bịdi rụru mọ bịdi ụnaghanan ịmi, kụ mị rạpur ghan ni rụru awe phọ tụtu kꞌarodon.

Jerimaya 11:8

Kụ ọlo bịdi ụ́naghanan ḅịle ụ́daph. Kpạripe ghụn, tọrotoro oye abeeph ạḅile ạḅaar ẹmhu bịn kụ odimom ghan. Mị mạto ni ạngo bịdi mọ ọmaar ọpham ịyo phọ, kụ ọlo bịdi úmeera. Kụ iḍighi kụ mị ạlhiom bọ bịdi ạdaphan ịdipho ịyo phọ ẹḅem bọ.”

Jerimaya 13:10

Ạbukaraph awe phọ ạbuen phọ úmeera ụ́naghanan ịmi. Bịdi odimom ni ọḅaar ẹmhu phọ ạbidi ḅịle kẹn rọoḅereghi, ọḅile okumu ịnon ạrumugh. Kụ iḍighi kụ bịdi kọtol ịduon asinika phọ ịphen phọ ị́moogh mun bọ ịyaar oḍighinom mọ.

Jerimaya 13:11

Ịdipho anika rạmaar ghan bọ kaḅol esin oye kụ ịdi mị ạwa mọ oomo awe phọ Ịzirel rꞌaJuda uḅol ịmi. Mị uḍighi ịphen phọ ọbo bịdi oḍighi weye ạmi ọḅile ọsighe ḍịseph rꞌarughuenian ọngo ḍien phọ ạmi; kụ ọlo bịdi ịmi ụ́naghanan.”

Jerimaya 25:3

“Esi 23 ạsia, emiigh lhạ dị emuneniom ḍioph rꞌịraar dị aJosaya ọony Ạmon mạda bọ Juda kụ ẹteeny rodon, Ọmoogh-we phọ rụḅaanaan ghan ni ịmi kụ mị kọ̋wile ghan ọḅeni anyina ịlo ọdi ạḅem. Kụ ọlo nyina ímeera ị́naghan.

Jerimaya 26:5

ḅịle kẹn rꞌoler ạruru ịpe abutelhedom mọ ạmi, ariil phọ rọkaaph bọ, bụphe mị ratom ghan bọ kiruom inyina. Nyina rꞌamem kẹ̋naghanan ghan ịpe bịdi rọkaaph bọ.

Jerimaya 29:19

Ịphen kemitenaan bịdi loor esi dị bịdi ụ́naghanan ghan dom mọ mị arom ghan bọ butelhedom ạmi, ariil phọ. Bịdi úmeera ụ́naghan.

Jerimaya 32:33

Bịdi ụgumom ịmi ọman; kụ ghạlamo ịduon mị ạphamanam bọ ni ọtughemi ạbidi, bịdi úmeera ni ụ́naghanan ḅịle ụ́tuugha.

Jerimaya 35:14

Ạnmuny ạnmuny ạJonadab mọdaphan ịto phọ ọdi mọ miim kụ́pughol ghan, kụ kꞌaḍio phọ kꞌarodon rꞌoniin ọnyo ạbidi kạ́pughol miim. Kụ ọlo mị odi ghan ni rịḅeni inyina kụ nyina ịmi kị̋naghanan.

Jerimaya 35:15

Mị miruom ghan ni inyina oomo abutelhedom mọ ạmi, riil phọ kụ bịdi mịḅeni inyina ọwile yogh ẹkaraph eḍighinom ạraraar kụ eḍighi ghan ịlo ẹnighe. Bịdi ịḅeni ghan inyina mọ kéeseeny ịnon ạrumugh ẹrol dị nyina ẹtol ẹkiom ghisigh de phọ mị ịngo bọ inyina rꞌạburude ạburude anyina, kụ ọlo nyina ímeera ọnaghanan ạmi ḅịle rꞌoler ạruru ọnaghanan mem lọ mị rạkaaph.

Jerimaya 35:17

Kụ nyịidipho mị Ọmoogh-we Egbogh Ẹnaan phọ Ịzirel kiruomaan inyina awe phọ aJuda rꞌaJeruselem oomo oogulemi phọ mị aguanaan bọ. Mị kaḍighi ni ịphen phọ loor esi dị nyina rẹ́naghanan ghan mem lọ mị ạḅem, kụ ẹḅile rémegheron ghan mem lọ mị ịmagh inyina.”

Jerimaya 44:23

Ịminimiin phọ ịphen mịteeny inyina loor esi dị nyina iḍighi yogh rạraar aghuḍum ẹngo ruru kụ ẹpioman esi Ọmoogh-we phọ ịdipho nyina ị́naghanan bọ oomo ịto phọ ọdi.”

Jerimaya 44:4

Mị arom ghan butelhedom ạmi, riil phọ, bụphe ịḅeni bọ inyina mọ kéḍighi ịyaar dị eeph ịduon ẹḅile ikia ịmi.

Jerimaya 5:21

Nyina awe dị iloghi ílho, ịnaghanan. Nyina ẹmoogh riḍien kụ rẹ́miin ghan eten; ẹḅile ẹmoogh reḅeri kụ rẹ́naghan ghan ịyaar.

Jerimaya 6:10

Kụ mị ạphagharanaan mọ, “Ạnhian kụ kụnaghanan ịmi eḍighi ịyaar dị mị ạḅaanaan bịdi ịlo ọphurom aḅeri? Bịdi oḍighi weye oḅom ẹmhu ḅịle kẹn úmeera ụ́naghanan dom mọ ạna; bịdi ụmilogh ghan bịn ịpe nạ ụḅeni bọ ịmi mọ kạaph phọ.

Jerimaya 7:25

Emiigh kꞌaḍio phọ ạburude ạburude phọ anyina ọḍua bọ ẹpe Ijipt omite tụtu ẹteeny rodon phọ ạḍien, mị ratom ghan ni butelhedom mọ ạmi, riil phọ, kiruomonaan inyina.

Hosia 11:2

Kụ mị ạkuami rạmagh, ọdi akiil ghan ghụn rụkelan bịn ịmi. Awe phọ ạmi ọpinyon rịkia rọngo ghan Baal; bịdi rọsuughinaan ghan ịnsens ịkaaghineen ạrumugh.

Hosia 11:7

Bịdi ọlogh ẹmhu ọḍua esi ạmi kụ úmeera uḅula. Bịdi komoghi omitiom loor ạdol ạrebene phọ bịdi kọtol bọ, kụ rꞌoye kạ́tagharan bịdi.

Hosia 9:17

Ẹnaan phọ mị rakumu bọ kạḅitonaan ni we ọdi, loor esi dị bịdi kọ̋naghanan nyọdi. Bịdi koḍighi we dị koyeela ghan sịphe oomo areelhe phọ.

Zẹkaraya 7:13

Loor esi dị bịdi úmeera bọ úler rụru mem mọ mị ạghaaph bọ, mị ụ́pagharanaan mun mem mọ bịdi ọoḅereghi bọ.

Matiu 23:37

“Weye aJeruselem, weye aJeruselem, nyina mẹze riil phọ Ẹnaan, kụ etoḅol ikpo bụphe orom bọ kụ oru bọ ịteeny inyina. Ika ọdo amem kụ ẹdi mị mạwa bọ oghuraam anyina, ịdipho ạkenegh ramuphonom ghan bọ nmụny ọdi pạ araphaaph phọ ọdi, kụ nyina ímeera bọ.