Jerimaya 7:11 - Ạḍinya Iigbia

¹¹ Nyina regbiom ghan mọ Otu Ịiḅereghi phọ ạmi aḍighi esi ịbooghian ạruḅa ḍụghum? Mị mạmiin ịpe nyina reḍighi bọ.

Jerimaya 7:11 Iomraidhean Croise

2 Krọnikuls 6:33

nạghanan ịiḅereghi ọdi. Kꞌạke, ẹpe nạ odi ghan bọ, nạghanan nyọdi kụ aḍighi ịlo ọdi ạlom nyịna, ẹrol dị oomo areelhe aḅirini phọ olegheri nyịna, ọḅile ọnaghanan nyịna ịdipho awe phọ ạna Ịzirel roḍighi ghan bọ. Pọ kụ amem dị bịdi kolegheri mọ Otu Ịiḅereghi phọ ọphon mị mạlhogh bọ kụ esi dị kooseeny ghan nyịna.

Azaya 1:12

Ạnhian kụ ịḅeni bọ inyina oruom ạmi oomo ịphen mem dị nyina eru ooseeny ạmi? Ạnian kụ ịḅeni bọ inyina ophumogh ạrada aruwol okitonom ologhi Otu Ịiḅereghi phọ ạmi ịdipho phọ?

Azaya 56:7

“Mị kịsighe ni inyina ạki Zạyon, ẹeḅaraph iigbia phọ ạmi, ịngo inyina ọḅaal ologhi sịphe Otu Ịiḅereghi phọ ạmi, kụ ạsighe rịkia lọ nyina ẹphinyon ghan ạnyu enmeny phọ ạmi. Otu phọ ạmi kokol mọ Otu Ịiḅereghi oomo areelhe.”

Jerimaya 2:34

Ịḅaal arukulom rꞌịḅaal awe dị mạar ụ́piom ẹbiph ni rụsuoma phọ anyina, kị́ḅaal ạruḅa. “Kụ ghạlamo esi oomo phọ ịphen phọ ni,

Jerimaya 23:24

Oye kátue ạbooghian esi dị mị kátue ạmiin nyọdi. Nyina ílegheri mọ mị odi ni tọrotoro esi ẹpe kꞌạke rꞌịsien ade phọ ḍụghum?

Jerimaya 29:23

Ịphen kemitenaan bịdi loor esi dị apum odianaan ni bịdi esi igbogh ịkaraph — bịdi molhe ẹmha kụ ọgbaam ọkpe ḍien Ọmoogh-we phọ. Ịphen phọ ị́ḅophan rigbiighi Ọmoogh-we phọ; ọdi alegheri ni ịpe bịdi moḍighi bọ, kụ ọdi kụ ọgbaanaan ịpe bịdi eḍighi bọ. Ọmoogh-we phọ kụ mạḅem!”

Jerimaya 7:10

Nyina reḍighi ghan rạraar phọ ịpe mị aghel bọ, kụ nyina egbi nụun oru ọmeera aghisigh ạmi, sịphe Otu Ịiḅereghi phọ ạmi kụ ọḅem mọ, ‘Ịiḅaghami ílho!’

Izikiel 35:13

Mị mạnaghan ni ẹkaraph ẹghaaphom oobagaam mọ nyina ẹghaaph bọ ọgilaam ạmi.”

Dạniel 9:18

Ụnaghanan iyoor, Ẹnaan; uphogh iyoor kụ ạmiin ịiḅaghami phọ ịteeny bọ iyoor, rꞌịminimiin eelhe phọ romeera bọ ḍien phọ ạna. Yoor rọoḅereghi ghan nyịna loor esi dị nạ oye ọnma ighirigiir; kési egeny eḍighinom ịyaar ayoor.

Matiu 21:13

Kụ ạḅeni bịdi mọ, “Ọge ni pạ Ạḍinya Iigbia phọ otu ạmi kokol mọ Otu Ịiḅereghi, kụ nyina mẹḅile ekiton eḍighi otu ạruḅa.”

Elegh ạMak 11:17

Kụ ạtughemi mọ, “Ọge ni sịphe Ạḍinya Iigbia phọ mọ Ẹnaan ẹḅem mọ, ‘Otu ạmi kokol mọ Otu Ịiḅereghi oomo areelhe,’ kụ nyina mẹḅile ekiton eḍighi otu ạruḅa.”

Elegh ạJon 2:16

Kụ ọdi ạḅeni we phọ ạbuphe robologhi bọ rụkurughozo phọ mọ, “Ịsighe ịnun anyina ẹḍuanam sịen! Kẹ́sighe otu Ọde phọ ạmi eḍighi otu aḍighi!”

Bụo aHibru 4:13

Ịyaar dị kọbooghinaan Ẹnaan ílho ghan. Ozu ni ạwaay oomo ạraraar phọ ọlhem bọ, mọ ọdi ạmiin ghan. Kụ ọdi kụ ẹdi oomo phọ ayira kọkaaph bọ ịlo yira moḍighi oḍighi phọ ọḅeni.