Jerimaya 7:10 - Ạḍinya Iigbia

¹⁰ Nyina reḍighi ghan rạraar phọ ịpe mị aghel bọ, kụ nyina egbi nụun oru ọmeera aghisigh ạmi, sịphe Otu Ịiḅereghi phọ ạmi kụ ọḅem mọ, ‘Ịiḅaghami ílho!’

Jerimaya 7:10 Iomraidhean Croise

1 Ạbudaam 9:3

Kụ Ọmoogh-we phọ ạḅeni nyọdi mọ, “Mị mạnaghan ni ịiḅereghi phọ ạna rꞌịlhom mọ ạna ịpe nạ ụlhom bọ ịmi. Mị mạasa Otu phọ ọphon nạ ạlogh bọ aseere dọl iigbia mọ aḍien phọ ạmi ẹrol sịphe phọ kꞌagee-pọ, kụ ariḍien ạmi rꞌologhi phọ ạmi kẹtol ghan sịphe phọ oomo amem.

2 Ạbudaam 21:4

Kụ adoghoḍi renmeny ạrikia sịphe Otu Ịiḅereghi phọ, sịphe Ọmoogh-we phọ ạḅem bọ mọ ịsiphe Jeruselem kụ ẹdi aḍien phọ ọno kẹtol bọ.

2 Krọnikuls 33:4

Ọdi aḍighinaan renmeny iiruen ạrumugh ologhi Otu Ịiḅereghi phọ, esi phọ Ọmoogh-we phọ mạsaḅar bọ mọ ịsiphe kụ ẹdi ẹkpe ooseeny ọno kꞌagee-pọ.

2 Krọnikuls 33:7

Kụ ọdi aseere igbudu sịphe Otu Ịiḅereghi phọ, esi phọ Ẹnaan ẹḅeni bọ Devid rꞌạSolomon ọony ọdi mọ, “Sịen Jeruselem, sịen Otu Ịiḅereghi phọ, kụ esi dị mị mạsaḅar sịphe oomo areelhe phọ aḍioph rꞌịyal arughunughun phọ Ịzirel, esi dị kuuseeny ghan ịmi.

Asidogh 15:8

Ọmoogh-we phọ rạsighe ghan ịiḅereghi abugey awe, kụ akel rịkia lọ ạbukaraph awe ọphinyon ọngo.

Azaya 48:2

Kụ nyina epoophe ni loor ọḅem mọ nyina ọkaraghi awe ẹmha iigbia phọ ni kụ mọ nyina ẹkpasi ologhi esi Ẹnaan phọ Ịzirel, ọpo aḍien phọ eḍighi bọ Ọmoogh-we oomo ịikpo phọ.

Jerimaya 32:34

Bịdi ụkar ghụn kụ ọḅamaghi ịkaaghineen ạraraar isa phọ ạbidi sịphe Otu Ịiḅereghi phọ ọlogh bọ ooseeny ghan ạmi, kụ bịdi mọopu,

Jerimaya 34:15

Esi asiḍughul-otu dị pụruku eten nyina inme iloghi anyina kụ eḍighi ịdi ịḅeeraan ịmi. Oomo phọ anyina emeeraam osereghi ạrebene ạbuo Ịzirel dọl ẹereegh kụ nyina eghiran ịyo risigh ạmi sịphe Otu Ịiḅereghi phọ ruuseeny ghan bọ ịmi.

Jerimaya 44:9

Nyina mewula oomo ịkaraph ạraraar phọ moḍighi bọ ẹpe ạramha phọ aJuda rꞌaroḅodo phọ aJeruselem, dị ạburude ạburude anyina kụ oḍighi yogh, dị ạbudaam-ẹmha phọ aJuda rꞌạnmariir phọ ạbidi kụ oḍighi yogh, rꞌanyina rꞌạnmariir phọ anyina kụ eḍighi yogh ḍụghum?

Jerimaya 7:11

Nyina regbiom ghan mọ Otu Ịiḅereghi phọ ạmi aḍighi esi ịbooghian ạruḅa ḍụghum? Mị mạmiin ịpe nyina reḍighi bọ.

Jerimaya 7:14

Loor esi ịduon phọ, ịpe mị aḍighi bọ Sailo kụ ịdi mị kaḍighi Otu Ịiḅereghi phọ ạmi ọphon nyina ẹkpasi bọ emooph phọ anyina. Sịen phọ mị ạngo bọ bụrude ạburude phọ anyina ḅịle kẹn rꞌanyina, mị kaḍighi ni iniin ịpe mị aḍighi bọ Sailo.

Jerimaya 7:30

“Awe phọ aJuda moḍighi ịkaraph. Bịdi mọsighe ịkaaghineen aruru phọ ạbidi, ịpe mị aghel bọ, ọlogh sịphe Otu Ịiḅereghi phọ ạmi bịn ọopu esi phọ.

Izikiel 20:39

Ọmoogh-we dị ạmoogh oomo ịikpo ạḅem, “Kụ nyịidipho, oomo anyina ạbuo Ịzirel, ịgbaanyami siloor! Ikumu ịkaaghineen ạrumugh phọ anyina ẹghiom risigh! Kụ ọlo mị ịphur inyina rụru mọ mem dị ịphen eten nyina ẹmoogh ọnaghanan ạmi kụ ọwile oofolomi ghan aḍien iigbia phọ ạmi esi ọngooghi ghan inmo ịkaaghineen ạrumugh phọ anyina.

Izikiel 23:29

Kụ loor esi dị bịdi ọlogh bọ nyịna ḍien, bịdi kọsighe ọḍuanam tọrobo ịyaar dị nạ maḍighi ạmoogh, kụ ọwile nyịna rꞌẹdaḅa, ozughuron ịdipho oliom ẹmha. Ẹephua ạna rꞌole ẹmha phọ ạna

Izikiel 23:37

Bịdi molhe ẹmha ọḅile ọko enu — olhe ẹmha rꞌịkaaghineen ạrumugh kụ ọko enu ạnmuny phọ bịdi ụmaranaan bọ ịmi. Bịdi ọpinyonom rịkia nmụny phọ ạmi ọngo ịkaaghineen ạrumugh ạbidi.

Izikiel 23:39

Ọkaraghi aḍio phọ ạḍiphe bịdi ọze bọ nmụny phọ ạmi ọphinyonom rịkia ọngo ịkaaghineen ạrumugh phọ, bịdi uru sịphe Otu Ịiḅereghi phọ ạmi kụ ọopu nyọdi!

Izikiel 33:25

“Ḅẹni bịdi ịpe mị Ọmoogh-we dị ạmoogh oomo ịikpo phọ rạḅem bọ: nyina ạa ephulupul ẹnam rꞌịḅaal dị edimom. Nyina eeseeny ịkaaghineen ạrumugh. Nyina ẹko enu. Eeghe kụ iḍighi bọ kụ nyina ẹetughian bọ mọ ade phọ ạḍio anyina?

Izikiel 33:31

Esi ịduon phọ ịbadi awe ookpomoghan ọnaghan ịlo nạ kạkaaph, kụ ọlo bịdi róḍighi ịlo nạ ạḅeni bịdi oḍighi. Ikpo ọnhu ẹphomoghian edi ịidoronhu ạbidi, kụ ọlo bịdi omeeraam dị bịdi bịn kụ kole ẹper.

Izikiel 5:11

“Kụ iḍighi, kụ esi ịduon mị aḍighi bọ Ẹnaan phọ edi ghan bọ — ẹphen kụ ekpo ọnhu Ọkar Ogbogh Ọmoogh-we phọ — loor esi dị nạ mạapuom Otu Ịiḅereghi ạmi oomo ịkaraph ạraraar isa phọ nạ aḍighi yogh bọ, mị kasoph nyịna aler ịdi ọnma ighirigiir kạ́tol.

Dạniel 9:18

Ụnaghanan iyoor, Ẹnaan; uphogh iyoor kụ ạmiin ịiḅaghami phọ ịteeny bọ iyoor, rꞌịminimiin eelhe phọ romeera bọ ḍien phọ ạna. Yoor rọoḅereghi ghan nyịna loor esi dị nạ oye ọnma ighirigiir; kési egeny eḍighinom ịyaar ayoor.

Hosia 6:9

Ariil ạrikia phọ ọkigh ḍita ạruḅa dị ọḅona eten ogon oye. Ghạlamo reten ọghi osi esi iigbia ẹpe Sẹkem bịn bịdi rọze ni weye. Kụ oomo ạsipioghom mọ bịdi olegheri ghan ni kụ roḍighi!

Ẹmos 4:5

Ịkparami ni ẹngo ghan eḍien ọsephom Ẹnaan, kụ eetuma ghan ịlo ịpheri phọ inmo phọ nyina rẹngo ghan bọ! Ịphen kụ ịdo ạraraar dị rịḅeeraan ghan inyina oḍighi!

Zẹfanaya 1:5

Mị kapiemi tọrobo oye lọ ạsiiny ạnyu otu kụ ạaḅereghi erumuḍio phọ, mꞌụnwanyu phọ rꞌạraanaan phọ. Mị kạḅaram apiemi bụphe moghunya bọ mọ bụno kuuseeny ghan ịmi, kụ ọḅile bọ oghiran ịyo rꞌeru aMilkom.

Malakai 3:15

Sịen yira rọmiin bọ, awe dị ophoophe loor kụ ạbudi ụmoogh ọḅaal ologhi. Ạbukaraph awe roḍum ghan kụ, esi ọḅaram, ọsighe ịkaraph iiḍighi phọ ạbidi rọdeghom ghan ọkparam mọ Ẹnaan bịn kụ ịyaar réḍighi ghan bịdi.’”

Matiu 23:13

“Pọ eeghe ịminimiin dị kịrolonaan inyina, ạbutughemia iilogh phọ rꞌaFarisi phọ, nyina abulegheri ịlo ạbunon, ịlo-anyina-ílegheri. Nyina mekikima weye ịlo koḍigh ọmar phọ kꞌẸnaan. Nyina ímeera mọ awe lọ rọwa oḍigh oḍigh, kụ ạri nyina rꞌaloor anyina réḍigh ni.

Elegh ạJon 13:18

“Ịphen phọ mị rạ́kaaphaan oomo phọ anyina. Mị alegheri ni bụphe mị mạsaḅar bọ. Kụ ọlo ịpe ọge bọ pạ ạḍinya iigbia phọ kemite ni emuneen mọ, ‘Oye phọ ale ni eḍien phọ ạmi ạayom ẹkpa phọ.’

Elegh ạJon 18:28

Esoph ạḍiroor kụ bịdi ọsighe Jịzos sịphe kꞌạKayafas osiemi marugh ọdaam eelhe phọ. Kụ bịdi úḍigh aani ogiga phọ, ọbo bịdi kọpuenaan ghan bọ loor, bịn ọbile ole aani ẹyaal ọphel otene phọ.