Jerimaya 6:8 - Ạḍinya Iigbia

⁸ Nyina aweye aJeruselem, ịiḅaghami phọ ịphen phọ ẹphur aḅeri anyina, ịduon kụ ílho pọ mị kịḅitonaan inyina; mị kakiton ẹmha phọ anyina atene de ophugh, esi dị oye kátugh mun.”

Jerimaya 6:8 Iomraidhean Croise

Ạsuor 2:10

Ịmaar ẹnaghanan, nyina ạbudaam-ẹmha phọ. Iler rụru oroma phọ ọphon, nyina ạbuo ịtooghi ịsien aḅirini phọ:

Ạsuor 50:17

Nyina ekel dị mị kiilemi inyina, ikpo ọnhu ọghaaph phọ ạmi nyina mẹgumom ọman.

Ạsuor 94:12

Ọmoogh-we, ọpo eeghe ọḅaal ologhi dị odianaan oye dị nạ kụ aromoghiom, ọpo nạ ạtughemi bọ ologh phọ ạna.

Asidogh 19:20

Nạ ạnaghan oroma kụ ameeraam ọtuugha, eniin aḍio olegheri-ịyaar kạteeny ni nyịna.

Asidogh 4:13

Oomo amem tụutughian ghan ịlo nạ mạtuugha. Olegheri-ịyaar kụ aghuḍum mọ ạna — mạar ạpham.

Jerimaya 17:23

Ạburude ạburude phọ ạbidi ịmi ụ́naghanan. Kpạripe ghụn bịdi ụḅaar ẹmhu; bịdi ịmi ụ́naghanan mụghumo ọtuugha esi ạmi.

Jerimaya 2:15

Bịdi rogbophoghu ghan kophoghom nyọdi ịdipho ạnam-dịka; bịdi motene de phọ ọdi de ophugh, ḅịle ạramha phọ meegulaan, oomo awe phọ mosumughu.

Jerimaya 31:19

Yoor ụwile ni nyịna, kụ ẹnum amem bịn yoor rọwa origheel. Mem dị nạ mụlhiom iyoor, yoor uzumeri rụmhu esi ọto. Aroofola rꞌumugholoor usiph ni iyoor, loor esi dị yoor ụpioghom mem ugheel.’

Jerimaya 32:33

Bịdi ụgumom ịmi ọman; kụ ghạlamo ịduon mị ạphamanam bọ ni ọtughemi ạbidi, bịdi úmeera ni ụ́naghanan ḅịle ụ́tuugha.

Jerimaya 4:14

Jeruselem, tootola ịkaraph sịphe ologhi phọ ạna, pịdi nạ ạmoogh pẹleeny. Ạpur amem kụ nạ ạbile ọotughian ghan ịkaraph ịitughian?

Jerimaya 7:20

Kụ iḍighi kụ mị Ọkar Ogbogh Ọmoogh-we phọ kaakuom ni ogbogh ọghagh ologhi phọ ạmi Otu Ịiḅereghi phọ ọphon. Mị kaakuom ni weye phọ rꞌịnam mọ iniin phọ, ghạlamo kẹn ireeny phọ rꞌịizupha phọ. Ọghagh ologhi phọ ạmi kạkigh ịdipho ạnian dị oye kátue aḍime.

Jerimaya 7:28

Nạ kạḅeni ni bịdi mọ eelhe phọ ạbidi ụ́naghanan ịmi Ẹnaan phọ ạbidi Ọmoogh-we phọ ḅịle kẹn bịdi úpogh ịpe ọliom bọ bịdi ọsighe olegheriom. Omeeraam mamugh. Oye rạ́kaaph ghan mun kaghol.

Jerimaya 7:34

Ade phọ keten ọkpagha. Sịphe ạramha phọ aJuda rꞌaroḅodo phọ aJeruselem mị kakunughi ḍịolho iboh rꞌạsuor ọḅaal ologhi amem apinien.

Jerimaya 9:11

Ọmoogh-we phọ ạḅem mọ, “Mị katene Jeruselem egu ạrana; keḍighi marugh ịkaraph asuogh; igbogh ạramha phọ aJuda keḍighi ẹdala, esi dị oye kátugh mun.”

Izikiel 23:18

Ọdi ạyegheron loor ọdi kụ ameera tọrobo oye alegheri mọ ọdi oliom ẹmha. Mị ạghagham rꞌọdi ịdipho mị mạrolom bọ umarani phọ ọdi.

Hosia 9:12

Kụ ghạlamo bịdi uukonom ni nmụny, mị kạsighe ni bịdi ạḍuanam kụ rꞌoniin kạ́tol dị kámugh. Mem dị mị ạḅitonaan we phọ ạbuen, imananaany kụ kemitenaan bịdi.”

Lịvitikos 26:34

Kụ amem mọ ạmuphe kụ ẹdi ologhi ade phọ kạḅaal ghan riiḍio ophooghian phọ ọpo nyina ímeera bọ mọ ẹmoogh. Ade phọ meguul bọ kẹkpo ni oomo ạsia phọ ịpe nyina edi bọ ẹpe areelhe ạbumulogh-ḍien phọ anyina.

Zẹfanaya 3:7

Mị ugbi mọ mem mọ ọpo phọ awe phọ ạmi kụlogh ni ịmi eegu kụ omeeraam mem lọ mị aalemi ọpioman ạbidi, ḅịle mọ bịdi kóbula ịtughemi lọ mị ạtughemi. Kụ íbia bịn bịdi mọḅile ọtol ịdipho ọrol bọ kꞌemiighom mọ.

Dutoronomi 32:29

Bịdi ọwile ọmiin ịpe eḍighi bọ kụ bịdi omeel bọ; bịdi ụ́naghan ịpe emite bọ.