Jerimaya 6:6 - Ạḍinya Iigbia

⁶ Ẹnaan Oomo Ịikpo Ọmoogh-we phọ mạto ạḅeni bụdaam mọ ạbuen phọ mọ olher ireeny okpol rugu ọbo okpobiom Jeruselem. Ọdi mạḅem mọ, “Mị kạliom ni ẹmha phọ ẹphen loor esi dị ịgbiphoghom mọ ẹphughan.

Jerimaya 6:6 Iomraidhean Croise

Azaya 37:33

“Ịphen kụ ịdi Ọmoogh-we phọ mạghaaph ịlo ogbogh ọdaam mọ Asiria: ‘Ọdi káḍigh ẹphen ẹmha phọ ḅịle kạ́taph rꞌeniin ekpo apoghomiom. Rꞌoniin ọnyo ẹgham dị ạpham ọsuaram kátuman ẹmha phọ kụ kóḅologh ruḅum okoom ẹmha phọ.

Jerimaya 20:8

Tọro amem lọ mị ạghaaph ịyaar, mị rạlooghi ghan mọ, “Igbagbaar-o! Oogulemi-o!” Ọmoogh-we, awe rụmilogh ghan ịmi kọḅile uutuuny ịmi oomo amem loor esi dị mị ragbeelom ghan bọ dom mọ ạna.

Jerimaya 22:17

Kụ ọlo nạ rạwa ghan ịpe okuru phọ ạna bịn; oye dị ụ́piom nạ rakiigh ni, ạḅile kẹn ạsighe ẹekpara ekpeḍien rạkpilighiom weye phọ ạna. Ọmoogh-we phọ kụ mạḅem.

Jerimaya 32:24

“Awe ạBabilon phọ mokoom oomo ẹmha phọ okpobiom ọmoogh, kụ mọnya rozuom. Ẹgham, ạdol ọkoony rꞌẹzegh keḍighi ịdi ẹmha phọ keḍigh rạghaagh ạbidi. Nạ kạmiin ni mọ oomo phọ ịpe nạ ạḅem bọ memite.

Jerimaya 32:31

Kꞌaḍio phọ ẹmha phọ ẹphen emite bọ, awe phọ ruḍighi ghan ịmi rạraar oboom ophin ologhi. Mị mạḅem mọ mị kapiemi ẹmha phọ

Jerimaya 33:4

Mị Ọmoogh-we Ẹnaan phọ Ịzirel kụ ụḅem mọ aruutu phọ aJeruselem ḅịle rꞌịpe ịsiphe ogiga ọolha-ẹmha phọ aJuda kokiton ni ozuemi, loor esi dị ạbuo ẹgham mọ ạBabilon mokoom ẹmha phọ okpobiom kụ kị́nighenaan inyina ọghi omite eenan rꞌạbidi ọbo komuzeḍiom ghan bọ ẹmha phọ iḍim ạbuphe mị kạgurogh bọ alereghi rꞌogbogh ophin ologhi ạmi. Loor ịkaraph ạraraar phọ awe phọ ọdi moḍighi yogh bọ, mị kápoghom mun egey ekpeḍien ẹmha phọ ẹphen.

Jerimaya 39:1

Ụnwanyu phọ ọpo amuneniom bọ ḍioph phọ, lhạ dị eḍighi esugha dị ạZedekaya aḍighi ọdaam-ẹmha phọ aJuda, ạNebukadnezar ogbogh ọdaam mọ ạBabilon arumom oomo awe ẹgham ọdi kụ azuom Jeruselem.

Jerimaya 5:29

“Kụ ọlo mị Ọmoogh-we phọ kạtuan ni rạraar phọ ịphen phọ ạliom bịdi; mị kaḅulemian ni eelhe phọ ẹphen phọ.

Jerimaya 5:9

Ị́kpianaan dị mị kạliom bịdi loor ạraraar phọ ịphen phọ, ạḅile aḍighi aḅulemian eelhe dị ẹrol ịduon ḍụghum?

Izikiel 4:2

Esi ọmeera enye oghoonyom mọ, lọgh riini, ropogh ude, rugbogo, rꞌigbogh ạraḅam akitonom oomo ọdi.

Izikiel 5:5

Ọkar Ogbogh Ọmoogh-we phọ ạḅem, “Pogh Jeruselem. Mị useere nyọdi sịphe ogbo aḅirini phọ kụ ịnon areelhe ekoom nyọdi.

Dạniel 11:15

Kụ ọdaam eelhe phọ ạSiria kakoonyom ni ẹmha dị oghoony ni kụ aziton ạsighe. Awe ẹgham mọ Ijipt, kóbe mun ọkiom risigh; ghạlamo arephelegbe ẹgham mọ kọ́moogh mun ịnyaam.

Zẹfanaya 3:1

AJeruselem maphe, ẹmha ạḍikaraph ạdol rꞌọḅaar ẹmhu rꞌọkpiloghom ghan aweye ạbidi.

Elegh aLuk 19:43

ịdi eḍighi bọ ariiḍio ketu ni dị ạbumulogh-ḍien anyina kọḅiir iikpe ikoom inyina ọlogh ogbo.