Jerimaya 6:4 - Ạḍinya Iigbia

⁴ Bịdi kọḅem ghan mọ, “Iikolobian ozuom ẹgham Jeruselem! Iikolobian! Yira kozuom bịdi mem ootaany!” Kụ bịdi kọḅem mọ, “Amem meten, aḍio phọ remuneen, oogho oye mạdoony.

Jerimaya 6:4 Iomraidhean Croise

Job 7:2

ạkigh ẹbene dị ramoghi ghan esi uba oḍigh aani; ạkigh oye oḍighi dị rakori ghan ruunmo ọdi.

Ạḍuor Ạsuor 2:17

tụtu ookuugh ạḍiroor amiigh oghugh kụ ufiri phọ aḍigh ighu. Tigheel, osegbe ạmasini ạmi, mụdi ezoogh, mụdi elephiri ezoogh ẹpe ạraaḅaraph phọ aBeter.

Jerimaya 15:8

Arukpukele ạnmariir dị odi sịen ade phọ anyina opel ịisaar ọgbal ọphiiny. Mị ụze ni ugheel ạnmuny phọ anyina ạḅile aḍighi ịdi aburunhiin phọ ạbidi ọmiinom. Mị ụgur bịdi ekperenom rꞌeephina ḅịle rꞌaruugu.

Jerimaya 15:9

Onhiin phọ ọpo oḍual ạnmuny phọ ọdi omuughu bọ amuzaan ni ḍuugh, bịn rapooghu úseere-ạsighe. Ootaany ạnir phọ maten ufiri; momuton nyọdi eephoogh ḅịle kẹn ọngo ịiḅaghami ekpom mọ ọdi. Mị kạngo ni ọgel kụ ẹpomoghian phọ anyina ạze oomo ạbuphe osugha bọ ropooghu. Mị, Ọmoogh-we phọ, kụ mạḅem.”

Jerimaya 5:10

Mị katom ẹpomoghian mọ aru alereghi ireeny amiim avain awe phọ ạmi kụ kúugulemi ụ́madan. Mị kạḅeni bịdi mọ oḅonyon ịla phọ, loor esi dị ịla phọ ịpe phọ kị́lo ạmi.

Jerimaya 6:23

Bịdi mọsighiogh ni sịkumugh rꞌarolhool ẹgham ạbidi; bịdi oḍighi ni ịgbagara awe dị ụ́moogh ọnma ighirigiir. Mem dị bịdi oḍiku ạsu kụ rotu, oghur phọ ạkigh oologh otu-ḅualhe. Bịdi mookolobian ozuom ẹgham Jeruselem.”

Jerimaya 8:20

Awe phọ omoghi agey, “Osoor phọ maten, ibugha phọ emuneen, kụ yira kọ̋moogh pẹleeny.”

Joel 3:9

“Igbeelom ọghaaph phọ ọphon eleenye reelhe phọ: ‘Ịnya ẹgham; Ịmagh rephelegbe-ẹgham mọ anyina; Iikpomoghi oomo awe ẹgham anyina kụ erelhe ẹghi!

Obadaya 1:1

Ịphen kụ ịmiin Obadaya — ịpe Ọmoogh-we Oomo Ịikpo phọ ạḅem bọ ịlo eelhe phọ Idom. Ọmoogh-we phọ marom otelhedom ọdi ạkiom reelhe phọ, kụ yoor mọnaghan ni dom mọ ọdi: “Iikolobian ọghi ee ẹgham rꞌIdom!”

Maika 3:5

Ariil dị oguanaan ọngo ẹepho weye lọ ọkpe bịdi ikpoki mookeleghi aweye ạmi kụ ọngo oḅio-kakaph mọ ẹgham retu bụdi bịdi ịyaar ụ́kpe. Riil phọ ạbuen Ọmoogh-we phọ ạḅeni mọ,

Zẹfanaya 2:4

Rꞌoye kásugha sịphe ẹmha aGaza. Awe Askelon kosumughu ni. Koporogh ni we Ạsdod ọsighiogh oolemi-odi aḍio, kụ oporogh we Ẹkron ọsighe sịphe ẹmha phọ ạbidi.