Jerimaya 6:12 - Ạḍinya Iigbia

¹² Ruutu phọ ạbidi kọngooghi bụnon awe, ịduon kẹn kụ ịdi keḍighi iizo phọ rꞌạnmariir phọ ạbidi. Mị kạliom weye ade phọ ạḍien.

Jerimaya 6:12 Iomraidhean Croise

1 Krọnikuls 21:16

ADevid ạmiin ni ọokpaany phọ dị ạmeera okuaḍio kụ ạpham elhool ẹgham ọdi ḍịghaagh raakolobian ophiemi aJeruselem. Kụ aDevid rꞌabuḍiemiom awe phọ — oomo ạbidi ọkpologhian rụsuoma ọto — ozumeri rụmhu kụ asighisigh ẹḅogh ude.

Azaya 10:4

Kịze inyina mem ẹgham, iini inyuughi inyina ọloghoḍi ikoli. Ghạlamo ịduon ni bịn ọghagh ologhi Ọmoogh-we phọ kákunughian; ạḍighaagh ọdi kẹḅile ni esel ịlo ọlhiom ạbidi.

Azaya 5:25

Ọmoogh-we phọ rạkagham ologhi we phọ ọdi kụ mạgbuton ḍịghaagh ọdi ọlhiom ạbidi. Aruugum mọ kepiigha ni, kụ bụphe momuughu bọ kọbile ni sịphe areten phọ ịdipho atopha. Ghạlamo ịduon ni bịn ọghagh ologhi Ọmoogh-we phọ kákunughian, kụ ọdi kạḅile ni asele ḍịghaagh ịlo ọlhiom.

Azaya 9:12

ẠSiria ạga phọ ọpo erumuḍio phọ remite ghan bọ rꞌaFilistia ạga phọ ọpo erumuḍio phọ remeel ghan bọ mọnya ophiemi Ịzirel. Ghạlamo ịduon ni bịn, ọghagh ologhi Ọmoogh-we phọ kősi eekuna; ạḅile ni ạgbuton ḍịghaagh ọdi ịlo ọlhiom ạbidi.

Azaya 9:17

Kụ esi ịduon Ọmoogh-we phọ kámeera rꞌoniin onyugheel akpetenaan, kụ ọdi káḍeenaan ọnma ighirigiir esi oniin ekpukele ạnir mꞌoniin ọnyigo ọony ịdi eḍighi bọ oomo awe phọ úlegheri Ẹnaan kụ obeeph kụ tọrobo ịyaar dị bịdi ọḅem pọ ịkaraph. Ghạlamo ịduon ni bịn ọghagh ologhi Ọmoogh-we phọ kákunughian kụ ạḅile ni ạgbuton ḍịghaagh ịlo ọlhiom ạbidi.

Azaya 9:21

Awe eghun phọ ạManase rꞌawe eghun phọ Ifraim robian ghan rạagham, kụ ọḅophoghan ozuom Juda. Ghạlamo ịduon phọ bịn, ọghagh ologhi Ọmoogh-we phọ ókunughian; ạḍighaagh ọdi ẹḅile ni esel ịlo ọlhiom ạbidi.

Jerimaya 15:6

Nyina mighel ịmi; nyina mịgumom ịmi ọman. Kụ iḍighi kụ mị mạgbuton ḍịghaagh ạmi ọogbighiḍi inyina loor esi dị mị útue mun ụ́pamaghan ọghagh ologhi phọ ạmi.

Jerimaya 21:5

Mị kạsighe ni oomo ịikpo phọ ạmi, rꞌophin ologhi phọ ạmi, rꞌạghelhe phọ ạmi, ḅịle kẹn rꞌọghagh ologhi phọ ạmi kụ abian ẹgham mọ rꞌạna.

Jerimaya 38:22

“Mị ụmiin dị oomo ạnmariir phọ ọwile bọ sịphe ogiga ọdaam mọ aJuda dị rotelhiom kọghiomaan bụo iiḍighi ọdaam-ẹmha phọ ạBabilon. Nạghan ịdi bịdi ọḅem ghan mem mọ bịdi rọḍua bọ: “‘Ọkar igey ạrighiri ọdaam mọ kụ uukeleghi nyọdi, ịtooghi ạbidi kụ ipu ịlo ọdi. Kụ nyịidipho aruwol ọdi meḅi ologhi ọposo phọ, ạrighiri phọ ọdi mọwile nyọdi.’”

Jerimaya 38:23

Kụ mị ạloghom mọ, “Oomo ạnmariir rꞌạnmuny anyina kọsighiogh ni ọkiomaan weye phọ ạBabilon, kụ nạ rꞌaloor kákpetenaan bịdi. Ọdaam-ẹmha ạBabilon phọ kasiph ni nyịna aḍighi ọnyo-ikoli, kụ ẹmha phọ ẹphen kọsu ni oguulemi.”

Jerimaya 7:20

Kụ iḍighi kụ mị Ọkar Ogbogh Ọmoogh-we phọ kaakuom ni ogbogh ọghagh ologhi phọ ạmi Otu Ịiḅereghi phọ ọphon. Mị kaakuom ni weye phọ rꞌịnam mọ iniin phọ, ghạlamo kẹn ireeny phọ rꞌịizupha phọ. Ọghagh ologhi phọ ạmi kạkigh ịdipho ạnian dị oye kátue aḍime.

Jerimaya 8:10

Kụ iḍighi kụ mị kạsighe iizo phọ ạbidi ạngo bumoom awe, ạḅile ạsighe nmạriir phọ ạbidi ạngo bụnon awe. Tọrotoro oye, mꞌogbogh mꞌọbam, rabianan ghan ọmoogh ikpoki ịkaraph areten. Ghạlamo ariil phọ ḅịle rꞌariil ạrikia phọ kẹn bịn roogbegheḍiom ni weye.

Ịkunuma 2:8

Ọmoogh-we phọ ạnya ni mọ iikpe phọ ạZayon kemeel li. Ọdi ạtooghi ạsighe ọmiin mọ ẹkar eegulaan. Aruutu ẹedaneen phọ rꞌiikpe phọ nyịidipho mẹgbesegbese egina amem.

Ịkunuma 3:3

Kụ ukuph ịmi ạḅile akuph dị ọnma ighirigiir ụ́tol.

Ịkunuma 5:11

Mobiighi nmạriir ayoor ọkar ịsiphe Eegum ạZayon; tọrobo ẹbam ẹmha aJuda nmạnyaan phọ ayoor mọkpaariom mọ omeera bụno ọmina yogh.

Ịkunuma 5:2

Aruphua ayoor edi rạghaagh aruuruen; bụo ịnon areelhe kụ morughogh ruutu phọ ayoor.

Ịkunuma 5:3

Ạbumulogh-ḍien mọze bụrude ayoor, kụ nyịidipho aburunhiin ayoor moḍighi rukpukele ạnmariir.

Izikiel 35:3

Ḅẹni we phọ ịphen mọ Ọmoogh-we dị ạmoogh oomo ịikpo rạḅem bọ: “Mị ạmulogh-ḍien anyina, rạaḅaraph phọ Idom! Mị kaḍighi eelhe anyina esi dị mephe.

Izikiel 7:24

Mị kạsighe ọkaraghi ịkaraph areelhe atu sịen pịdi bịdi kụ ọmoogh simarugh phọ anyina. Arephelegbe awe anyina kodugh ni esi oḍuom ologhi mem dị mị ạngo ọgel ịpheri phọ areelhe phọ oru ọopu ariisi phọ ịpe nyina reeseeny ghan bọ.

Maika 2:4

Mem dị retu, awe kọsighe ọghaaph anyina kụ oḍighinom ịyaar dị reḍeenaan igbogh ịiḅaghami, kụ bịdi kọmoor ḍụor phọ ạḍien dị keḍeenaan ologhi dị eeph esi ịdi nyina mẹmiin: “Yoor mophe ọmuneen! Ọmoogh-we phọ mạsighe de ayoor kụ ạngo bụphe usiphi bọ iyoor ọḍuanam.”

Zẹfanaya 1:13

Ẹelha ạbidi kobum ni ọsighiogh kụ ruutu ạbidi kolereghi ni. Bịdi kọ́tol iloghi aruutu phọ bịdi rodoghoḍi bọ ḅịle kọ́pughol miim mọ ạḍua bọ sịphe ireeny avain phọ bịdi rọzuphogh bọ.”

Zẹfanaya 1:4

“Mị kạliom ni we phọ aJeruselem rꞌoomo aJuda. Mị kapiemi ni tọrobo ẹesuna lọ rọoḅereghi ghan bọ eru aBaal sịphe, kụ rꞌoniin oye kạ́atughian mun riil aghuḍuul phọ rokumu ghan bọ nyọdi.