Jerimaya 6:10 - Ạḍinya Iigbia

¹⁰ Kụ mị ạphagharanaan mọ, “Ạnhian kụ kụnaghanan ịmi eḍighi ịyaar dị mị ạḅaanaan bịdi ịlo ọphurom aḅeri? Bịdi oḍighi weye oḅom ẹmhu ḅịle kẹn úmeera ụ́naghanan dom mọ ạna; bịdi ụmilogh ghan bịn ịpe nạ ụḅeni bọ ịmi mọ kạaph phọ.

Jerimaya 6:10 Iomraidhean Croise

Ạsuor 1:2

Kpạripe, ọdi ạwa ọḅaal ologhi esi ooko ologh Ọmoogh-we phọ, ḍughul rꞌootaany ọdi rọtuugha ghan ologh phọ ọdi.

Ạsuor 119:16

Mị ạmoogh ḍịḅeeraan esi iilogh phọ ạna; ịtooghi phọ ạna mị kábula.

Ạsuor 119:174

Mị rạwa ghan ọloghonaan ạḍighaagh ạpeleeny phọ ạna, Ọmoogh-we. Esi ologh phọ ạna kụ ẹdi mị ạmoogh ọḅaal ologhi.

Ạsuor 119:24

Oroma phọ ạna rụngo ghan ịmi ọḅaal ologhi; bịdi abutomoghiom ạmi.

Ạsuor 119:35

Ḍighi ịdi mị kạpamanam iilogh phọ ạna loor esi dị ịsiphe kụ ẹdi mị kạmoogh ọḅaal ologhi.

Ạsuor 119:70

Awe phọ ạbuen ụ́moogh ọnaghanan ạḍughum, kụ ọlo mị ạmoogh ḍịḅeeraan esi ologh phọ ạna.

Ạsuor 119:77

Ụnma ịmi ighirigiir kụ mị ạtol eye loor esi dị mị ạmoogh ni ḍịḅeeraan esi ologh phọ ạna.

Ạsuor 40:8

Ẹnaan ạmi, ịḅeeraan ịmi oḍighi ịpe nạ rạwa bọ; iilogh phọ ạna mị aseerian ni ologhi ạmi.”

Ẹḍua 6:12

Kụ aMozis ạḅeni Ọmoogh-we phọ mọ, “Awe phọ Ịzirel ịmi rụ́naghanan ghan, ọdaam eelhe phọ kaḍighi ika kụ ụnaghanan bọ ịmi, mịna aru bọ oye eema phọ?”

Azaya 42:20

We Ịzirel, nyina mẹmiin ni iboom, kụ ẹkigh eeghe esi anyina?” Nyina ẹmoogh ni reḅeri ọnaghanam kụ nyina ẹkaraghi ẹnaghan eeghe?

Azaya 53:1

Kụ awe phọ ọpagharanaan mọ, “Ạnhian kụ mameeraam dom mọ yoor ọpham bọ orumom nyịidipho? Esi ạnhian kụ ẹdi mogananami oḍeenaan Ọmoogh-we phọ sịen?

Jerimaya 4:4

Ịmaar eeko ịyo phọ nyina eghiran bọ rꞌạmi Ọmoogh-we phọ anyina, ẹḅile ẹḅogh siloor anyina ịngo ịmi, nyina aweye aJuda rꞌaJeruselem. Eḍighi ịyaar dị nyina ímeera, ọghagh ologhi phọ ạmi kaamor ịdipho ạnian loor esi ịkaraph phọ nyina meḍighi bọ. Ọghagh ologhi phọ kaamor ri, kụ oye ólho dị katue aḍime.”

Jerimaya 5:21

Nyina awe dị iloghi ílho, ịnaghanan. Nyina ẹmoogh riḍien kụ rẹ́miin ghan eten; ẹḅile ẹmoogh reḅeri kụ rẹ́naghan ghan ịyaar.

Jerimaya 7:13

Nyina meḍighi oomo ịkaraph phọ ịphen, kụ ghạlamo ịduon mị mịḅeni bọ ni inyina ạḅile ạḅeni, nyina ímeera ị́naghanan. Mị ạmagh, nyina ímeera.

Jerimaya 7:26

Kụ ọlo rꞌoniin oye ọ́naghanan. Kpạripe ghụn, nyina ịḅile ghụn bịn kụ ẹḅaar ẹmhu epu bụrude ạburude phọ anyina.

Izikiel 3:7

Kụ ọlo rꞌoniin ọnyo awe phọ Ịzirel dị kạnaghanan nyịna ólho; ịmi kẹn bịdi kụ́naghanan. Oomo phọ ạbidi awe ịgbagharan rꞌọḅaar ẹmhu.

Izikiel 33:3

Mem dị ọdi ạmiin bụmulogh-ḍien dị rọobeeph, ọdi aphula ọkuodu ọphur ạruru tọrobo oye.

Izikiel 33:9

Eḍighi ịyaar dị nạ ạphur rụru ọkaraph oye kụ ọdi ọ́wile oḍighi ghan ịkaraph, ọdi kamughom ni ịkaraph, kụ ghuḍum ạna kọpel li.”

Ẹmos 7:10

Amazaya oyil ạrikia phọ ạBetel arom ni dom iphiligba ạghiom Jeroboam ọdaam mọ Ịzirel mọ: “Ẹmos ramitenom ni nyịna ẹkaraph ezue igbo awe phọ. Ikpo ọnhu phọ ọdi kepiemi ni eelhe phọ.

Matiu 3:7

Kụ mem dị ạJon ạmiin bọ ịbadi aFarisi rꞌaSadusi dị rotu mọ ọdi awur bụno mụum, ọdi ạḅeni ni bịdi mọ, “Nyina ọmar ạsiḅom. Ạnhian kụ iroma bọ inyina mọ nyina kekpetenaan ghẹlhe phọ ratu bọ?

Elegh aLuk 11:45

Oniin ọgbaam iilogh phọ ạḅeni ni nyọdi mọ, “Ọtughemia, ịphen nạ ạḅem bọ nạ ruufolomiom aani ni iyoor.”

Elegh aLuk 20:19

Kụ ạbutughemia iilogh phọ rꞌạbuo ạrumhu ariil ạrikia phọ uugonoghian ni osiph ạJizos egina amem sịphe phọ, ịdi eḍighi bọ bịdi ulegheri ni mọ aḍidogh phọ ẹkpulughiom bụno, kụ bịdi ughiilaan ni we phọ.

Elegh ạJon 7:7

Aḅirini phọ kátue ịlogh inyina ḍien, kụ mị ghụn kụ ẹdi ạlogh ḍien, ịdi eḍighi bọ mị rạḅeni ghan ni mọ iiḍighi phọ ọdi ị́nighe.

Elegh ạJon 9:40

Kụ mem dị buniin aFarisi phọ ọrol aani bọ sịphe phọ ọnaghan bọ ọghaaph phọ ọphon, ụḅeni ni mọ, “Tọ nạ rạḅem ghan mọ yoor ạbuo ikpom ariḍien aani ni!”

Iiḍighi 7:51

“Nyina aweye oḅom ẹmhu rꞌịikpara iloghi dị ḍụghum rẹ́naghan ghan. Nyina rebeeghi ghan rꞌUwaloor Iigbia phọ oomo amem, ịdipho ạburude ạburude phọ anyina.

Iiḍighi 7:60

Kụ ọdi akpuḍian kụ ạlooghi rꞌeboom ẹḍogh mọ, “Ọmoogh-we, ụ́sighe ghan ịkaraph phọ ịphen ụḅam rụmhu ạbidi!” Kụ ọdi rọḅem ịduon phọ, bịn amugh.

Bụo aRom 7:22

Iilogh phọ Ẹnaan ẹḅeeraan ni ịitughian phọ ạmi.

Dutoronomi 29:4

Kꞌarodon Ọmoogh-we phọ inyina ị́ngo ologhi ọnaghan ạḍughum rꞌariḍien ọmiinom ghan eten rꞌạsururu ọnaghanan ghan.

Bụo ạKolosi 1:28

Esi ịduon phọ yoor rọkaaph ghan ịlo aKraist, kọphurom rụru oomo awe. Yoor rọtughemi ghan we oomo areten olegheri ịyaar ọbo yoor ọsighe we dị omeeraam mọ ạbuno mophoph ọmadan kụ mọḅophoghian rꞌaKraist ọghiom Ẹnaan.

2 Timoti 4:3

Amem ketu ni dị awe kọ́naghanan mun igey ịtughemi phọ. Bịdi kọdaph ghan rụuphua ạbidi bịn, kụ ookpomoghi bụtughemia otum bụtughemia dị kọtughemi ghan ịpe retiirogh bọ iloghi phọ ạbidi.

Bụo aHibru 11:7

Omeeraam kụ aḍighi bọ ịyaar phọ aNoa ạnaghanan bọ ni mem mọ Ẹnaan ẹphur bọ nyọdi rụru ịlo ạraraar phọ kemiteghu bọ kụ ọdi kọ̋miin bọ. Ọdi ạnaghanan ni Ẹnaan kụ ạka bọ oboom oghuugh phọ ạphel bọ nyọdi rꞌọto ọdi atene. Ịphen dị aḍighi bọ kụ igananami bọ emeeraam aḅirini phọ. Ẹnaan ịtuan omeeraam mọ ọdi kụ ẹsighe bọ nyọdi mọ oye aruukuan ni.