Jerimaya 6:1 - Ạḍinya Iigbia

¹ Weye ạBenjamin, ikiil esumughu! Isumughu ẹḍua Jeruselem! Ipula ọkuodu phọ ẹpe Tekoa kụ ẹkpooni nịan eḍeenaan phọ ẹpe Bẹt Hakherem. Ilhom ịiḅaghami rꞌoogulemi mẹḍua ẹpe ephunom mọ retu.

Jerimaya 6:1 Iomraidhean Croise

2 Sạmuel 14:2

Kụ iḍighi kụ ọdi arom ọghi ọmagh ạnir dị ạsu iboom ologhi dị ạrol ghan ẹpe Tekoa. Mem dị ạnir phọ aru bọ asi, ọdi ạḅeni nyọdi mọ, “Kue bịn aḍighi mụdiadi nạ odi esi ọto: kpọloghian rụsuoma ọto, ḅịle kẹn kạ́zaranaan sịlaal ẹmhu ạna. Kue bịn aḍighi ịlo ạnir lọ odi esi ọto dị mebia ni iboom.

2 Krọnikuls 11:6

Bẹtilihem, Ẹtam, Tekoa,

Nehemaya 3:14

AMalkaija ọony aRekab, ọdaam eelhe ạBet Hakherem, kụ ạḅile ạlogh Ọnhu-aḍibuo Atopha phọ. Ọdi ạlogh ni rọko otu phọ rꞌạrunhu — aḍibuo phọ ḅịle rꞌarukuron ịlo ọkasiom ghan ọnhu-aḍibuo phọ.

Nehemaya 3:5

Awe aTekoa kụ ụlogh ẹkpigh phọ etum bọ pạ. Kụ ọlo ikpolom awe ẹmha phọ úmeera uḍighi iiḍighi dị abuḍiemiom mọ ọngo bịdi oḍighi.

Jerimaya 10:22

Iler aḅeri! Ịinaghan meru! Iboom ịlooghi edi ni eniin eelhe ẹpe ephunom mọ; awe ẹgham mọ ạbidi kọsighe ni rạmha phọ aJuda otene de ophugh, ekpisi dị ạsino bịn kụ erugh.”

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 4:29

Mem dị ọnaghan ḍịgum awe ẹgham dị oḍiku ạsu rꞌạbudi ọpham sịkumugh, tọrotoro oye kakiil li asuma. Abuniin kokiil osuma ẹekpua, ạbunon ọsiiny ạnyu igbo asighiigh. Oye kạ́tol mun rạmha phọ, kụ oye kátugh mun kẹn ni sịphe phọ.

Jerimaya 6:22

Ọmoogh-we phọ ạḅem mọ, “Awe mọḍua eniin eelhe ẹpe ephunom mọ rotu; eelhe dị ẹmoogh ịikpo kụ ẹkel iboom, bịdi rookolobian ẹgham.

Ẹmos 1:1

Ịphen phọ ikpo ọnhu Ẹmos, okoriom iyool-ịga ọlo ẹmha dị oghol mọ aTekoa. Ịyal ạsia kụ iten kụ ẹteeny lhạ phọ ade phọ eḅughuronu bọ, mem dị Uzaya kụ aḍighi ọdaam aJuda kụ aJeroboam ọony aJoas kụ aḍighi ọdaam Ịzirel, Ẹnaan agananami ni oomo ạraraar phọ ịphen ịlo Ịzirel.

Ẹmos 3:6

Ọkuodu ẹgham kạḅa ni ẹmha dị awe phọ kọ́moogh oghiilaan ḍụghum? Ịiḅaghami kemite ni ẹmha dị Ọmoogh-we phọ kútom ḍụghum?

Zẹkaraya 6:6

Oghuugh-ude phọ ọpo iḍiil ạrusu phọ kụ eḍur ghan bọ anyeene ẹpe ephunom mọ rạki Bạbilonia; ịphalaḅaal ạrusu phọ inyeene ẹpe erumuḍio phọ remeel ghan bọ, kụ ịpe epoghogho bọ inyeene eelhe ẹpe esoorom mọ.

Josua 15:63

Kụ awe phọ aJuda útue uporogh bụo aJebusait bụphe orugh bọ ẹpe Jeruselem ụ́sighiogh; kụ ạbuo aJebusait rꞌawe phọ aJuda urughan ẹpe Jeruselem kꞌarodon.

Bụo Ịiruen 1:21

Kụ ọlo awe phọ ạBenjamin úporogh Jebusait phọ orugh bọ ẹpe Jeruselem. Awe ạBenjamin rꞌạbidi otughan ni ẹpe Jeruselem kꞌarodon.