Jerimaya 51:2 - Ạḍinya Iigbia

² Mị katom ni ruuruen ophiemi ạBabilon ịdipho oghim dị rapula ghan ịzeghe kạsighiogh. Mem dị aḍio ophiemi phọ ẹteeny, bịdi kozuom tọrobo ạga kụ ade phọ eḍighi ịdi ịyaar kẹ́tol mun.

Jerimaya 51:2 Iomraidhean Croise

Azaya 41:16

Nyina ketebeeny ghan bịdi ẹkiom ạnyu, kụ ookuugh phọ ạpam bịdi ạḍuanam, kụ oghim mọ ạwalawalami bịdi. Kụ ologhi anyina ạḅaal loor esi dị mị kụ Ẹnaan phọ anyina; nyina kịseph ni ịmi, Ẹnaan Iigbia phọ Ịzirel.

Azaya 43:14

Ọmoogh-we Ẹnaan Iigbia phọ Ịzirel, ọpo rịphel bọ inyina, rạḅem ghan mọ, “Esi ọphel anyina, mị katom ni ḍita awe ẹgham ozuom ạBabilon; Mị kalereghi ni rụnhu-aḍibuo iikpe ẹmha phọ, kụ ịlooghi awe phọ ọdi kekitonu eten emoghi.

Jerimaya 15:7

Esi ạtorotoro ẹmha sịen ade phọ mị itebeeny inyina ạngo ookuugh ịdipho ọpherepher. Mị iigulemi inyina, weye ạmi, mị ụze nmụny phọ anyina loor esi dị nyina ị́bile bọ ịkaraph areten phọ anyina.

Jerimaya 50:29

“Ịḅeni weye ạsikumugh phọ bịdi ozuom Bạbilon. Itom tọrobo ọlo ạmaar ạraph ạkumugh rꞌịkpina. Ikoom ẹmha phọ ḅịle kémeera rꞌoniin akpetenaan. Iḅulemian bịdi oomo ịpe bịdi moḍighi bọ, kụ ẹmiine ẹmha phọ ịdipho ọdi ạmiine bọ bụnon, loor esi dị ọdi aphoophe loor esi ạmi Oye Aruukuan phọ Ịzirel.

Jerimaya 50:32

Eelhe ophoophe aloor phọ ạna kekpetaan ni emeel, kụ rꞌoye ọlhoghonaan ạḍighaagh oḅeton ạna kạ́tol. Mị kạsu rạmha ạna nịan, kụ oomo ạraraar lọ ekoom oogulemi.”

Izikiel 5:12

Amuniin abin esi ịraar awe phọ ạna komuughu ni esi ẹzegh rꞌọkoony sịphe ẹmha phọ; muniin abin esi ịraar phọ koogboom rolhool ẹgham oler ude ọgbal ẹmha phọ; kụ mị kạawalami mụphe asugha bọ ạngo ookuugh phọ kụ aporoghom elhool ẹgham.

Matiu 3:12

Ọdi ạpam ni ọsalam ḍịghaagh ọdi ọlo okori ọsalam ịbiakpa phọ ookpomoghi igey phọ oseere, kụ ọsighe ịzeghe phọ oguom nịan dị kéḍim.”