Jerimaya 5:7 - Ạḍinya Iigbia

⁷ Ọmoogh-we phọ apuru mọ, “Eeghe kụ iḍighi kụ mị kạbilenaan bọ ịkaraph awe phọ ạmi? Bịdi mụwile ịmi ọki ọoḅereghi rụmugh dị ị́moogh ịyaar oḍighinom. Mị ụngo ni weye phọ ạmi eḍien dị ẹpher bịdi, kụ bịdi ọḅile ghụn olhe ghan ẹmha ọsighe mem mọ ạbidi ọtolan ghan rꞌạbuo oliom ẹmha.

Jerimaya 5:7 Iomraidhean Croise

2 Krọnikuls 13:9

Nyina iphorogh ni emitiom riil ạrikia Ọmoogh-we phọ, bụo ẹemara kꞌEeron, ḅịle rꞌạbuo aLivai phọ. Kụ riisi phọ ạbidi nyina ẹmaaghi riil ạrikia, ịdipho awe ịnon areelhe oḍighi bọ. Tọrobo oye lọ ạpham ḍilephiri onyugheel ạnam mꞌoḍual idughuna, koselemi nyọdi oḍighi oyil ạrikia ighiil ạrumugh phọ anyina.

Job 31:12

Kẹkighimaam nịan ooni ạnian phọ rele ghan bọ tọrotoro ịyaar lọ mị ạmoogh.

Ạsuor 50:18

Nạ aḍighi ọyaghiri ạtorobo ọḅa dị nạ ạmiin; abulhiom ẹmha rꞌạna kụ relian ghan.

Jerimaya 12:16

Eḍighi ịyaar dị bịdi omeera mọ awe phọ ạmi ọtughemi bụno ịlo ooseeny ạmi rꞌoomo ologhi phọ kụ kokunya ghan mọ ‘Esi dị Ọmoogh-we phọ odi bọ ni’ — ọdo ịpe bịdi mọtughemi ghan bọ ni weye phọ ạmi oghunya rꞌaḍien aBaal — pọ bịdi kẹn koḍighi aani ni pạkiri awe phọ ạmi ḅịle kẹn edughom kẹtolonaan ni bịdi.

Jerimaya 13:27

Ọdi mạmiin ni dị nyina reḍighi rạraar phọ ịpe ọdi aghel bọ. Ọdi mạmiin ni dị nyina ẹdaph rụmugh awe aruru phọ ẹpe ạraaḅaraph phọ rꞌẹpe iizo phọ, ịdipho oye lọ rapuru yogh ghan ạnir amatuman ọdi, rꞌịdipho olephiri ạsu lọ rạwa ọdaar ọya phọ. Weye aJeruselem, nyina mephe! Ạpur amem kụ nyina eseleman?

Jerimaya 16:11

Kụ agbi nụun ọḅeni ạbidi ịpe Ọmoogh-we phọ mạḅem bọ mọ, ‘Ạburude ạburude phọ anyina ụwile ịmi kụ ọoḅereghi ghan ọḅile okumu ịnon ạrumugh. Bịdi ụḅitonaan ịmi ḅịle kẹn ụ́naghanan ịtughemi phọ ạmi.

Jerimaya 16:20

Oye katue ni ạlem rụmugh ọdi ḍụghum? Eeye, eḍighi ịyaar lọ ọdi ạlem, pọ kẹ́karaghi éḍighi egey ẹmugh.”

Jerimaya 2:11

Ẹnon eelhe ke̋nme ghan rụmugh ạbidi, ghạlamo ịdipho bịdi íḍighi bọ ni igey ạrumugh. Kụ ọlo awe phọ ạmi mọsighe ịnon ạrumugh uunmenenom ịmi, Ẹnaan phọ ẹpe ẹngo bọ bịdi rughuenian phọ, ọḅile rokumu rụmugh dị ịyaar kétue eḍighinaan bịdi.

Jerimaya 2:31

“Nyina aweye Ịzirel, iler rụru ẹnaghan ịphen mị rạkaaph bọ. Mịna ạkigh de ophugh esi anyina ḍụghum, ịdipho ade ufiri dị eḍighi ooto rꞌosooromineen? Eeghe kụ iḍighi bọ kụ nyina ẹḅem bọ mọ nyina keḍighi ịlo ịḅeeraan inyina, mọ nyina réḅula mun esi ạmi?

Jerimaya 23:10

Awe dị Ọmoogh-we phọ ụ́pamanam omuza sịen ade phọ; bịdi odi ghan dọl ịkaraph, ọḅile ọsighe ịikpo phọ ạbidi roḍighinom ịlo ẹḅeeraan. Loor ịdi Ọmoogh-we phọ maronyon, ade phọ edimom ọto ḅịle kẹn ạroogho phọ mạnuughi.

Jerimaya 3:19

Ọmoogh-we phọ ạḅem mọ, “Ịzirel, mị ụwa ghan ọsighe ạna oḍighi ọony ạmi ḅịle rꞌọngo ạna ịma ade, de dị ẹkaraghi ẹnighe sịen oomo aḅirini phọ. Mị ụwa ghan mọ nạ ụmagh ịmi mọ ọde, ḅịle amem kị́tol mun dị nạ kạḍua ḍịghaagh ạmi.

Jerimaya 3:8

AJuda ạmiin kẹn ni mọ mị maseere Ịzirel aporogh nyọdi loor esi dị ọdi mạḍua ḍịghaagh ạmi bịn aḍighi ọnyo oliom ẹmha. Kụ ọlo aJuda, umarani phọ Ịzirel ologhi róḍuom ghan bọ, ọ́moogh oghiilaan. Ọdi phọ kẹn aḍighi kẹn ọnyo oliom ẹmha,

Jerimaya 7:9

Nyina remiighi ghan, kẹze weye, kele ẹmha, keghunya kụ egbi ọgba ọkpe, kẹphinyon rịkia ẹngo Baal, kẹḅile ẹeḅereghi rụmugh dị nyina ke̋lhegheri ghan.

Jerimaya 9:1

Mụghumo aghuḍia ạmuum kụ odi ẹmhu ạmi, ḅịle kẹn ariḍien phọ ạmi eḍighi ḍikol izin, pịdi mị atue amoghi ḍughul rꞌootaany loor esi awe phọ ạmi mọze bọ.

Jerimaya 9:2

Mụghumo mị ụmoogh ni esi ọrol ẹpe ẹdala phọ, ekpisi dị mị kạkelan weye phọ ạmi. Oomo phọ ạbidi úmeeraam mun Ẹnaan, oḍighi egu areepheeny.

Ịkunuma 3:42

“Yira moḍighi ịkaraph kụ ọḅaar ẹmhu, kụ ọlo nạ, Ọmoogh-we, iyoor kụ̋sar ụwilenaan.

Izikiel 22:11

Buniin role ghan ẹmha, kụ buniin oolekian nmạriir ạnmuny ạbidi mꞌabumarani ạbidi ịlo ọrolan esi.

Hosia 11:8

“Ika kụ ẹdi mị kịḅitonaan inyina, we Ịzirel? Ika kụ ẹdi mị kighel inyina? Mị kạkar ri iphiemi inyina ịdipho mị aphiemi bọ Adma ḍụghum, ḅịle, ịmiine inyina ịdipho mị ạmiine bọ Zeboyim? Ologhi ạmi kámeera mị aḍighi! Ẹphomoghian ạmi esi anyina ẹemor ẹpughan.

Hosia 13:6

Kụ mem dị nyina eḍigh bọ ḍigey ade phọ ịgbaanyan bọ inyina, bịn nyina ephoophe loor iwula ịmi.

Hosia 4:2

Bịdi roguanaan ghan ruguan dị réḍighi ghan ekol; bịdi rọgba ghan ọkpe, ọko enu, rꞌimi, ọḅile olhe ẹmha. Ạsipioghom eepaany kụ rꞌọze aweye.

Hosia 7:4

Bịdi oḍighi we iḅoroghom ẹmhu rꞌegbaghara. Ạmulogh-ḍien ạbidi rada ghan ịdipho ạnian dị edi ologhi ọvin dị ọpophoghiom mọ úgir tụtu ẹteeny mem dị kodoghoḍi rọḅol phọ.

Lịvitikos 20:10

Oye kụ aliom ẹmha ạnir ọnon oye; kẹn aliom ẹmha amatuman ọdi, pọ ịḅar ạnir phọ rꞌolephiri phọ eghiigh.

Ẹmos 8:14

Bụphe ọsighe bọ ịkaaghineen ạrumugh aSameria kụ oghunyian, kụ ọḅem bọ mọ, ‘Esi aḍien ẹmugh ạDan,’ mụghumo, ‘Esi aḍien ẹmugh aBeersheba’ — awe phọ ạbuphe phọ komeleghu ni kụ kóḅerenu mun.”

Zẹfanaya 1:5

Mị kapiemi tọrobo oye lọ ạsiiny ạnyu otu kụ ạaḅereghi erumuḍio phọ, mꞌụnwanyu phọ rꞌạraanaan phọ. Mị kạḅaram apiemi bụphe moghunya bọ mọ bụno kuuseeny ghan ịmi, kụ ọḅile bọ oghiran ịyo rꞌeru aMilkom.

Malakai 3:5

Ọmoogh-we Oomo Ịikpo phọ rạḅem ghan mọ, “Mị kamite ni sịphe ogbo phọ anyina oogbo ịiruen; ḅịle kẹn mị kạgba ni amitiom mem mem mọ bụphe ọta bọ rọogho phọ, rꞌabulhiom ẹmha phọ, rꞌạbuphe rọgba ghan bọ ịlo bịdi ụ́miin, rꞌạbuphe roogbegheḍiom ghan bọ weye lọ bịdi ophir oḍighinom oḍighi mem lọ mẹteeny ọkpe ịpe omerenyan bọ, rꞌạbuphe rọgbiphoghom ghan bọ rukpukele ạnmariir rꞌạbunyigo ạnmuny rꞌaruuruen loor esi dị oye ọ́moogh bịdi, ḅịle rꞌoomo ạbuphe ịmi ụ́logh bọ eegu.

1 Bụo ạKorint 6:9

Nyina ílegheri mọ abuḍighinom ịkaraph kọ́moogh aani bin ọmar phọ kꞌẸnaan? Kébia loor anyina. Ạbuo ipesi, rꞌạbuo ịiḅereghi ịkaaghineen ạrumugh, rꞌabulhiom ẹmha, rꞌạbuminian rịiniom,

1 Bụo ạKorint 8:4

Ọḅile nụun ophogh malhe ịsaraghi phọ! Yira olegheri ni mọ ạnmuny aghuḍuul phọ ị́moogh ḍiphooghu. Yira olegheri ni mọ edi bọ eniin phọ Ẹnaan bịn.

Bụo aGaletia 4:8

Mem dị meten nyina Ẹnaan ílegheri ghan. Nyina iḍighi rẹbene aruru, dị nyina egbiom ghan ologhi mọ ạrumugh.

Dutoronomi 32:15

“AJesurun mạnuum ạpataghan, aruwol ekpulughan, tụ nạ maphoph ạmoogh ịnyaam, tụ nạ mạnuum, ẹnuum eekpereghiom nyịna. Ọdi maghel Ẹnaan phọ ẹpe ẹlhem bọ nyọdi, ạḅitonaan ḍighiigh phọ ạḍiphe ẹphel bọ nyọdi.

Dutoronomi 32:21

Bịdi mọsighe rụmugh phọ ạbidi oḍighinom ịdi repin ologhi ạmi. Bịdi mọsighe oomo oopho ạraraar phọ ạbidi ụngoom ịmi ọghagh ologhi; kụ mị kạsighe we dị ụ́man oghola mọ eelhe aḍighi ịdi kẹkagh iloghi ạbidi; mị kaḍighi ni dị eelhe ạbuo arolologhi kepin ghan iloghi ạbidi.

Bụo aHibru 13:4

Apinien ạkpe ni dị oomo awe kọlogh ghan eghuan. Olhom mọ rꞌạnir phọ oniin ameelom nyoniin! Ẹmina aḍughul phọ bịdi kụ́pue, ịdi eḍighi bọ Ẹnaan keegbo ni ịiruen ẹngo bụwaam ạnmariir rꞌabulhiom ẹmha.

Jems 4:4

Nyina ẹkigh ạnir ilom dị rale ghan ẹmha. Nyina ílegheri mọ ọyooyo aḅirini phọ, pọ ạmulogh-ḍien Ẹnaan. Tọrobo ọlo rạwa oḍighi ọyaghiri aḅirini phọ, pọ maḍighi mụlogh-ḍien Ẹnaan.

Josua 23:7

ọbo nyina keeḍikuan ghan bọ rꞌareelhe phọ ịphen esugha bọ sịen ogbo phọ anyina eeghologhan siḍien ạrumugh phọ ạbidi. Íkunya ghan rụmugh phọ ạbidi, eeseeny bịdi. Ísooromi ghan siloor anyina ẹngo bịdi.