Jerimaya 5:6 - Ạḍinya Iigbia

⁶ Ẹphen kụ ịyaar phọ ạnam-dịka kẹḍua bọ ni ẹpe ẹekpua phọ etu ẹze bịdi; ilhom ịnam kẹḍua ni ẹpe ẹdala phọ etu ẹpanyi bịdi kụ ariitiir eḅinighu ghan ekitonom rạmha phọ ạbidi. Eḍighi ịyaar dị awe phọ ạbuphe omite erugh, ịnam mọ kẹpanyi ni bịdi loor esi dị ịkaraph phọ ạbidi eḍiza ni mọ ẹphughan ḅịle amem etum mem bịdi mọḍua esi Ẹnaan.

Jerimaya 5:6 Iomraidhean Croise

2 Krọnikuls 36:14

Ẹdi etum, abuḍiemiom mọ aJuda, ariil ạrikia phọ rꞌawe phọ ụdaphan ẹkaraph eḍighinom ịyaar areelhe phọ ịpe ekoom bọ bịdi ooseeny ghan ịkaaneen ạrumugh, kụ bịdi ọphue Otu Ịiḅereghi phọ, ọpo Ọmoogh-we phọ rꞌaloor maseere bọ mọ aḍighi esi iigbia.

Ẹzra 10:10

Ẹzra oyil ạrikia phọ ạmeera ni kụ ạḅaanaan bịdi. Ọdi ạḅem: “Nyina ị́moogh omeeraam kụ mẹsighe apum ẹngo Ịzirel esi ophinogh aruuruen ạnmariir.

Ẹzra 9:6

Mị ạḅem: “Sey Ẹnaan, umugholoor ạmi ạpughan ophoophe ẹmhu ạmi sịphe esomanan ạna. Ịkaraph ayoor meekpomoghan eḍighi egu epel rụmhu ayoor; mephoph esi ẹpe ạsike phọ.

Job 10:16

Eḍighi ịyaar lọ ạraraar ịnighenaan ịmi, nạ uusophoghian ịmi ịdipho ạnam-dịka. Loor ọteenyom ạmi oḍighi ịkaraph nạ ạkar kụ raḍighi ghan ịiḍaany.

Ạsuor 104:20

Nạ ạlhem ḍughul, kụ amem ufiri phọ kụ ẹdi oomo ịnam eḍum mọ remiteghu ghan.

Ạsuor 80:13

Arophoropo lọ retelhe ịlo ạteeny kẹezeghi ni, kụ ilhom ịnam eleeghi.

Azaya 1:23

Abuḍiemiom mọ ạna ạbuo ịgbagharan rꞌạrighiri ạruḅa; oomo amem bịdi rọbonyi ghan ruunmo kolhe ịgara. Bịdi rọ́pel ghan bụnyigo ạnmuny lọ osoor erugh ịiruen, róler ghan rụru mem lọ arukpukele ạnmariir rọgba sịagba.

Azaya 59:12

“Ọmoogh-we, ạsipioghom ayoor esi ạna ẹbugh ni. Ịkaraph ayoor kụ rịkpalham iyoor. Yoor ọkar ri ologhoma oomo phọ ịne.

Jerimaya 14:7

Awe phọ ạmi romoghi ghan kuphoghom ịmi, ‘Ghạlamo ịduon ịkaraph phọ ayoor eeleghaan bọ, ụlhoghonaan iyoor ḍịghaagh, Ọmoogh-we, ịdipho nạ maguanaan bọ ni Yoor mọḅitonaan ni nyịna ịbadi amem; yoor moḍighi ịkaraph esi ạna.

Jerimaya 2:15

Bịdi rogbophoghu ghan kophoghom nyọdi ịdipho ạnam-dịka; bịdi motene de phọ ọdi de ophugh, ḅịle ạramha phọ meegulaan, oomo awe phọ mosumughu.

Jerimaya 2:17

Ịzirel, nạ kụ ụwa ni ịphen phọ! Nạ ụwile ịmi ạḍua, Ẹnaan phọ ạna Ọmoogh-we phọ, mem dị mị aḍiemiom ni nyịna rạkiom.

Jerimaya 2:19

Ịkaraph phọ ạna kẹliom ni nyịna, kụ ọwile ạmi phọ nạ ạwile bọ kesoph ni ọoruen ephume nyịna. Nạ kalegheri ni eghiḍim dị ẹdi rꞌịdi eeph ọwile ạmi Ọkar Ogbogh Ọmoogh-we phọ, ḅịle rꞌịduon nạ ịmi ụ́naghanan mun bọ. Mị Ọkar Egbogh Ẹnaan Oomo Ịikpo Ọmoogh-we phọ kụ ụḅem.”

Jerimaya 2:31

“Nyina aweye Ịzirel, iler rụru ẹnaghan ịphen mị rạkaaph bọ. Mịna ạkigh de ophugh esi anyina ḍụghum, ịdipho ade ufiri dị eḍighi ooto rꞌosooromineen? Eeghe kụ iḍighi bọ kụ nyina ẹḅem bọ mọ nyina keḍighi ịlo ịḅeeraan inyina, mọ nyina réḅula mun esi ạmi?

Jerimaya 25:38

Ọmoogh-we phọ mạḅitonaan weye phọ ọdi ịdipho ạnam-dịka lọ mẹḅitonaan epogh ọdi. Ạraraar aruugu ẹgham mọ ḅịle kẹn rꞌoboom ọghagh ologhi Ọmoogh-we phọ mekiton ẹmha phọ etene de ophugh.

Jerimaya 30:14

Oomo ạruga anyina miwula inyina; bịdi inyina rọ́otughian mun. Mị mizuom inyina ịdipho ạmulogh-ḍien; ạmalhiom anyina ạkpar ri loor esi dị ạsipioghom anyina eḍiza ni kụ ẹkaraph eḍighinom ịyaar anyina ẹbugh.

Jerimaya 30:15

Kẹ́looghi mun mọ riḍighi inyina ịdi ị́nighe; arookonom inyina ílhoonaan. Mị ịliom inyina ịduon loor esi dị ạsipioghom anyina eḍiza ni kụ ẹkaraph eḍighinom ịyaar anyina ẹbugh.

Jerimaya 4:7

Ịdipho ạnam-dịka rạḍua ghan bọ esi ịbooghian ọdi kamite, kụ ẹdi oye dị kaagulemi reelhe phọ maḅetenu. Ọdi ratu ni oogulemi aJuda; Igbogh ạramha phọ aJuda keegulaan ni, kụ oye kátugh mun sịphe phọ.

Jerimaya 49:19

Ịdipho ạnam-dịka dị ẹḍua emite rụukpua phọ ịpe edi bọ ọgbal ạJodan kụ rẹki de ạroogho, kụ ẹdi mị katu aḍighi ịdi awe Idom kokiil ekperenom ọḍua sịphe eelhe phọ ạbidi. Kụ oḍiemiom mọ ọpo mị ạsaḅar bọ kạda ni eelhe phọ. Ạnhian kụ ẹdi kụtomaam ịmi nụun? Ạnhian kụ kạmeera ghisigh ạmi? Ọghen ọdaam ẹmha kụ katue apogh egbodo ạmi?

Jerimaya 8:5

Eeghia kụ iḍighi bọ kụ nyina awe phọ ạmi ẹḍua bọ esi ạmi bịn réḅula mun bọ? Nyina ekuraam ịkaaghineen aruru phọ anyina bịn ímeera mun íḅula esi ạmi.

Jerimaya 8:7

Ghạlamo ọgbaghaghaany bịn alegheri ni mem dị mẹkpe origheel; arukurughozo rꞌạsimugeem ḅịle kẹn rꞌạsimutia bịn elegheri ni mem lọ mẹkpe ọḍua ekpisi ọghi ẹnon esi. Kụ ọlo awe phọ ạmi úlegheri iilogh phọ mị rapoghom bọ bịdi.

Ịkunuma 1:5

Mẹnighenom bụmulogh-ḍien ọdi; bịdi ọpam nyọdi ḍịghaagh. Ọmoogh-we phọ mạmiine nyọdi loor esi oomo ịkaraph phọ ọdi; mosiphi nmụny ọdi ọḍuanam.

Izikiel 16:25

Nạ ạghogh ẹnighe phọ ạna atenom esi ọogha. Nạ ạngo loor ạna tọrobo oye ọpo aru bọ, kụ nạ ụkaraghi uḍighi oliom ẹmha tọrobo aḍio.

Izikiel 22:27

Awe iiḍighi ịtooghi phọ ọkigh ilephiri asuogh dị rẹpanyi kẹsighe ịnḅilem mọ bịdi mẹze bọ. Bịdi ọko enu esi ịlo ọmoogh ẹelha.

Izikiel 23:19

Ọdi aḍighi oliom ẹmha dị eekuna ílho, aḍighi ghan ọkaraghi ịdipho ọdi aḍighi ghan bọ mem mọ ọdi aḍighi bọ ọnyani kụ arugh sịphe Ijipt.

Dạniel 7:4

Ẹḅel phọ ịghigh ạnam-dịka, kụ ọlo ẹmoogh raphaaph ịdipho ịlo uga. Mị odi ni rapogh bịn ụphanyi ni raphaaph phọ ọsighiogh. Uphoophe ẹnam mọ ọmeremi mụdi oye, kụ ọngo nyọdi ologhi oye.

Dạniel 7:6

Mị ạtol li rapogh, bịn ẹnon ẹnam emite egaan. Ịghigh ootiir kụ ọlo sịphe ọman phọ ẹmoogh inya araphaaph dị ẹghigh ịlo ẹnun, kụ ẹmoogh kẹn inya ạrumhu. Arisigh phọ ọdi aḍeenaan igbogh ịtooghi.

Hosia 5:14

Mị kazuom ni we phọ Ịzirel rꞌaJuda ịdipho ạnam-dịka. Mị rꞌaloor kạpanyi bịdi ịpherepe kụ ạbile bịdi sịphe. Mem dị mị ạghogh bịdi ạsighe, rꞌoye kátue ạpel bịdi.

Hạbakuk 1:8

“Ịnam-ạsu phọ ạbidi ekiil epu riitiir, kụ ọmoogh eḍighinom dị eeph epu ịnam dị rẹsighe ghan ịga. Abukiilom ịnam-ạsu ạbidi ụḍua rikpisi dị ẹkel kụ oru; ạrusu phọ ạbidi eguph ude phọ. Bịdi eru kụ esoor ude phọ ịdipho aruga dị resoor ọsighe ẹnam ạa.

Zẹfanaya 3:3

Awe iiḍighi ọdi ọkigh ạnam-dịka dị remeephaghuan, abuugboom ịiruen phọ ọdi ọkigh ilhom ịnam dị ọkoony rasiph, esiphom dị kótue osugheeny rꞌọḅarara tụtu ẹteeny ḍịroor.

Igbiighi 32:14

Kụ nyịidipho nyina meḅetenu kẹn rẹdaph ịpe ạburude phọ anyina oḍighi bọ, bịn ẹmaraghi lephiri ạnmuny ạsipioghom bịn rọbughiom ghan ọghagh ologhi Ọmoogh-we phọ esi Ịzirel.

Ogonanami Phọ 13:2

Elhom ẹnam mọ mị ạmiin bọ ịwa ọghigh ootiir. Aruwol phọ ịghigh ịlo eephe-ạno, ọnhu phọ ạghigh ọlo ạnam-dịka. Ẹnam oḍual ạrumhu phọ ịngo ni elhom ẹnam mọ ịikpo phọ rꞌạgada ọdaam ẹmha phọ rꞌigbogh ịtooghi phọ ọdi.