Jerimaya 5:5 - Ạḍinya Iigbia

⁵ Mị kạki ạteeny bụo ọtooghi phọ kụ ạḅaanaan bịdi. Ọkaraghi agey bịdi olegheri ni ịpe Ẹnaan phọ ạbidi rạwa bọ, ịpe Ọmoogh-we phọ rạwa bọ mọ bịdi oḍighi ghan phọ.” Kụ ọlo oomo phọ ạbidi moghel ịto Ọmoogh-we phọ ḅịle kẹn úmeera ụ́naghanan nyọdi.

Jerimaya 5:5 Iomraidhean Croise

2 Krọnikuls 36:14

Ẹdi etum, abuḍiemiom mọ aJuda, ariil ạrikia phọ rꞌawe phọ ụdaphan ẹkaraph eḍighinom ịyaar areelhe phọ ịpe ekoom bọ bịdi ooseeny ghan ịkaaneen ạrumugh, kụ bịdi ọphue Otu Ịiḅereghi phọ, ọpo Ọmoogh-we phọ rꞌaloor maseere bọ mọ aḍighi esi iigbia.

Ẹḍua 32:25

AMozis ạmiin ni mọ Eeron mamuton we phọ eephoogh, órue mun ọphamaghan we phọ, bịn awe phọ oofola ghisigh ạbuo ạmulogh-ḍien phọ ạbidi.

Azaya 1:23

Abuḍiemiom mọ ạna ạbuo ịgbagharan rꞌạrighiri ạruḅa; oomo amem bịdi rọbonyi ghan ruunmo kolhe ịgara. Bịdi rọ́pel ghan bụnyigo ạnmuny lọ osoor erugh ịiruen, róler ghan rụru mem lọ arukpukele ạnmariir rọgba sịagba.

Jerimaya 2:20

Ọkar Ogbogh Ọmoogh-we phọ ạḅem mọ, “Ịzirel, mebia ni nạ aghel bọ ịtooghi phọ ạmi; Nạ ómeera mun ụnaghanan ịmi ọḅile ụuḅereghi ịmi. Ạnyu ạtorotoro ẹeḅaraph rꞌeeḍian ạtorotoro oreeny, nạ rạaḅereghi ghan rụmugh ẹmaria.

Jerimaya 2:31

“Nyina aweye Ịzirel, iler rụru ẹnaghan ịphen mị rạkaaph bọ. Mịna ạkigh de ophugh esi anyina ḍụghum, ịdipho ade ufiri dị eḍighi ooto rꞌosooromineen? Eeghe kụ iḍighi bọ kụ nyina ẹḅem bọ mọ nyina keḍighi ịlo ịḅeeraan inyina, mọ nyina réḅula mun esi ạmi?

Jerimaya 30:14

Oomo ạruga anyina miwula inyina; bịdi inyina rọ́otughian mun. Mị mizuom inyina ịdipho ạmulogh-ḍien; ạmalhiom anyina ạkpar ri loor esi dị ạsipioghom anyina eḍiza ni kụ ẹkaraph eḍighinom ịyaar anyina ẹbugh.

Jerimaya 6:13

Tọrotoro oye, bugbogh rꞌạbubam, robianan ghan ọmoogh ikpoki ịkaraph areten; ghạlamo ariil Ẹnaan phọ rꞌariil ạrikia phọ bịn roogbegheḍiom ni weye phọ.

Jerimaya 8:7

Ghạlamo ọgbaghaghaany bịn alegheri ni mem dị mẹkpe origheel; arukurughozo rꞌạsimugeem ḅịle kẹn rꞌạsimutia bịn elegheri ni mem lọ mẹkpe ọḍua ekpisi ọghi ẹnon esi. Kụ ọlo awe phọ ạmi úlegheri iilogh phọ mị rapoghom bọ bịdi.

Jerimaya 9:3

Bịdi ookolobian ọgba ọkpe oomo amem; iipheeny kụ iḍia ẹmha phọ kpạripe rꞌigey. Ọmoogh-we phọ ạḅem mọ, “Awe phọ ạmi roḍighi ghan ịkaraph bịn kotum ịkaraph, ḅịle kẹn ịmi elegh ụ́logh ịdipho Ẹnaan phọ ạbidi.”

Izikiel 11:2

Ẹnaan ịḅeni ịmi mọ, “Oye dị kamugh ni, awe phọ ạbuen ọpam ịkaraph igbiighi kụ ọngo ọkaraph oroma sịen ẹmha phọ ẹphen.

Ẹmos 4:1

Ịnaghan ịphen, nyina ạnmariir aSameria, nyina phọ ạbuen ẹbugh bọ mụdi ạsinam ạBasan dị elhe ẹpher, dị kẹtiroghom bụphe ịnyaam ụ́moogh bọ, ẹkpiloghom rukulom mọ kụ ẹkpaariom burulhom anyina ọngo anyina miim!

Ẹmos 6:1

Pọ eeghe ịminimiin dị kịrolonaan inyina phọ edimom bọ dọl ẹereegh ẹpe Zạyon, ḅịle rꞌanyina phọ ẹḅem bọ mọ ịiḅaghami ílho ẹpe Sameria — nyina igbogh awe egbogh eelhe phọ ẹphen Ịzirel, nyina phọ ạbuen phọ awe phọ oḍuom bọ ologhi esi ọloghonaan ạḍighaagh!

Maika 3:11

Bụphe ọda bọ ẹmha phọ role ghan oti ọman; ariil ạrikia phọ ọgba ologh phọ omitiom, pọ kọkpe ikpoki bịdi; ariil phọ kụ ọghaaph ịlo bịdi ọmiin, pọ kọboor ikpoki — kụ oomo phọ ạbidi ọḅem mọ Ọmoogh-we phọ odianaan rꞌạbidi. “Ịyaar lọ ị́nighe iyoor kị́teeny,” bịdi ọḅem, “Ọmoogh-we phọ odianaan rꞌayoor.”

Malakai 2:7

Eḍighi ni oḍighi ariil ạrikia phọ ọtughemi ghan awe ogey olegheri-ịyaar Ẹnaan. Awe ọkpe ghan ọghi ọteeny ạbidi kụ olegheri ogbi phọ ạmi, loor esi dị bịdi kụ abutelhedom Ọmoogh-we Oomo Ịikpo phọ.

Elegh aLuk 18:24

ẠJizos rọmiin ịdi ọdi akiriri bọ kụ ạḅem mọ, “Ẹkpar ri iboom dị awe phọ ạbuphe ọmoogh bọ ẹelha koḍigh ọmar phọ kꞌẸnaan.

Elegh aLuk 19:14

Kụ aweye ẹmha phọ ọdi ụlogh ni nyọdi ḍien kụ orom dom ọghi ọḅem mọ, ‘Yoor úmeera mọ oye phọ ọphon ạda ẹmha phọ ayoor.’