Jerimaya 5:4 - Ạḍinya Iigbia

⁴ Kụ mị ạatughian mọ, “Bụen phọ arukulom mọ ḅịle rꞌạbuphe ịyaar úlegheri bọ. Bịdi roḅo ghan ịlo arolologhi; bịdi úlegheri ịpe Ẹnaan phọ ạbidi rạwa bọ, ịpe Ọmoogh-we phọ rạwa bọ mọ bịdi oḍighi ghan phọ.

Jerimaya 5:4 Iomraidhean Croise

Azaya 27:11

Ịla ireeny phọ mẹgharaghar kụ eḅonyonu, kụ ạnmariir ọso eḍighi ịpe ạnian. Loor esi dị awe phọ ịyaar kőlhegheri bọ, Ẹnaan Ọlemia phọ ạbidi kạ́nma bịdi ighirigiir ḅịle kạ́seenyaan bịdi.

Azaya 29:12

Eḍighi mạar dị nyina ẹngo oye lọ ụ́maar ạal kụ ẹḅeni mọ ọdi ạal ịḅeni inyina, ọdi kạpagharanaan mọ ọno ólhegheri ịlo ạal.

Jerimaya 10:8

Oomo phọ ạbidi arolologhi. Ịyaar dị ọsighe oreeny kụ ọkaam kẹtughemi bịdi eeghia?

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 7:8

“Ịmiin, nyina ẹsighe emooph anyina ẹkpasi esi ikpo ọnhu areekeleghian.

Jerimaya 8:7

Ghạlamo ọgbaghaghaany bịn alegheri ni mem dị mẹkpe origheel; arukurughozo rꞌạsimugeem ḅịle kẹn rꞌạsimutia bịn elegheri ni mem lọ mẹkpe ọḍua ekpisi ọghi ẹnon esi. Kụ ọlo awe phọ ạmi úlegheri iilogh phọ mị rapoghom bọ bịdi.

Jerimaya 9:3

Bịdi ookolobian ọgba ọkpe oomo amem; iipheeny kụ iḍia ẹmha phọ kpạripe rꞌigey. Ọmoogh-we phọ ạḅem mọ, “Awe phọ ạmi roḍighi ghan ịkaraph bịn kotum ịkaraph, ḅịle kẹn ịmi elegh ụ́logh ịdipho Ẹnaan phọ ạbidi.”

Hosia 4:6

Awe phọ ạmi kọmiin ekureriom loor esi dị bịdi ịmi ụ́logh elegh. Nyina ariil ạrikia phọ ímeera íphogh ịmi, kụ moghel ịtughemi phọ ạmi, kụ ịdipho kụ ịdi mị mighel inyina kụ kạ́sighe mun nmụny anyina mọ ariil ạrikia ạmi.

Matiu 11:5

Awe ikpom ariḍien mọmiin aani eten, ạrukugha moḅerenu aani rotelhe yogh, awe ẹzegh ọku ufe moḍumogh aani, ạbuḅaaghaph ḅạaghaph rọnaghan aani ḍụghum, moḅerion bụphe momuughu bọ ọngo ghuḍum, mọghaaph ooḅi ọghaaph Ẹnaan ọḅeni aani rukulom.