Jerimaya 5:3 - Ạḍinya Iigbia

³ Ọkaraghi agey Ọmoogh-we phọ rạwa ghan weye dị ọphamanam omeeraam mọ ọdi. Ọdi ịgur inyina, kụ ọlo nyina ị́naghanan; ọdi iigbighiḍi inyina, kụ nyina ímeera kẹn ni ị́naghan. Nyina ịḅaar ẹmhu kụ ímeera íkiton esi ịkaraph phọ anyina.

Jerimaya 5:3 Iomraidhean Croise

Emiighom 19:34

Kụ rẹḅaal ḍịeri phọ aḍio kụ okumoor ọnyani phọ ạḅeni umarani phọ ọdi mọ, “Mị ụrolan ni rꞌoye phọ ḍughul; rodon yira kọḅile ọngo nyọdi miim, ọbo nạ ạrolan aani nyọdi esi, ọbo tọrobo ọnyo ayira ạmoogh mọony dị ọde phọ ayira kụ amitiom.”

1 Ạbudaam 13:33

Kụ ịphen phọ emiteghu bọ eten, aJeroboam ọ́wile ịkaraph areten eḍighinom ạraraar phọ ọdi. Ạḅile ni ạmaaghi riil ạrikia igbo aḍita awe dị útu bụo kꞌaLivai. Tọrobo ọlo aḍighan nyọdi, ọdi ạsighe aḍighi oyil ạrikia ẹpe arenmeny ạrikia phọ ọdi ạkanagh bọ eelhe phọ.

2 Ạbudaam 1:13

Kụ ọdaam mọ ạḅile arom ọnon uwo ẹmhu ooghdi awe ẹgham mọ ọdi amuneni ịraar amem; kụ ọdi rosi kụ akpuḍian ghisigh Ilaija kụ ạḅeni mọ, “Nạ oye kꞌẸnaan, seseeny, mị rạaḅereghi ni nyịna mọ aghuḍum mọ ạmi rꞌaghuḍum ooghdi abutelhedom mọ ạna ẹman ni ịyaar esi ạna.

2 Krọnikuls 16:9

Ọmoogh-we phọ anaan kụ rapogh oomo aḅirini phọ, ọngo ịnyaam bụphe iloghi phọ emeeraam bọ nyọdi. Nạ maḍighinom elologhi, kụ emiigh nyịidipho kụ ẹghiom ghisigh nạ kabe ghan rạagham.”

2 Krọnikuls 28:22

Mem dị ịiḅaghami ọdi mẹphughan, Ehaz, ọkaraph oye phọ ọpo, ạpioman ni esi Ọmoogh-we phọ ịdi kꞌekulha ímite.

Ạsuor 51:6

Ogeny ologhi rꞌọgba igeny kụ ịdi nạ rạwa; muzeḍiom ologhi phọ ạmi olegheri ịyaar phọ ạna.

Ạsuor 51:8

Ḍighi ịdi mị kạnaghan ẹḍogh iboh rꞌọḅaal ologhi; nạ muwunighi ni ịmi ạḅile uugurion ịmi, kụ ọlo mị kạḅile ni ạmoogh iboh.

Ạsuor 55:20

Ogbaany ạmatuan ạmi azuom rịghiri phọ ọdi; ọdi abi ruguanan phọ ọdi.

Asidogh 21:29

Awe aruukuan ologhoma siloor ạbidi; ạbukaraph awe kọpu bịn mọ bụno igeny awe.

Asidogh 22:12

Ọmoogh-we phọ akel ikpo ọnhu ọgbaam ọkpe, ọmiin mọ igey phọ ẹmeera ni.

Asidogh 23:35

Nạ kạḅem mọ mịgur ịmi, “Ẹkigh mụdi mukuphogh ịmi kụ mị úloghoma. Eeghe kụ mị kátue bọ aḅetenu? Mị rạwa mụnon amiim.”

Asidogh 27:22

Ghạlamo nạ ukuphogh uwelologhi kụ rạwa omugh, nạ kátue akuphogh elologhi ạsighe loor ọdi.

Azaya 26:11

Ạbumulogh-ḍien ạna úlegheri mọ nạ kạliom ni bịdi; Ọmoogh-we, lọgh bịdi esi umugholoor, bịdi ọmiinom; ḅịle bịdi ọmiinom ọliom mọ nạ aakolobian bọ. Ḍeenaan ịdi nạ ạphomoghian we phọ ạna.

Azaya 42:25

Loor ịphen phọ, ọdi aḍighi ịdi yira ologhoma ịdi ophin ologhi ọdi ạman kụ ọmiinom ịminimiin igirigiri ẹgham. Mụdi ạnian, ọghagh ologhi phọ ọdi aamor oomo Ịzirel, kụ ọlo yoor úlegheri ịlo remite. Ịyaar lọ yoor ọtuugha esi ịphen phọ ị́tol.

Azaya 48:4

Mị alegheri mọ nyina kẹḅaar ri ẹmhu, ịtol kikiki mụdi okuron ḅịle kéḍoghaan mụdi enaba.

Azaya 9:13

Awe phọ Ịzirel kőkiton; ghạlamo ịduon Ọmoogh-we oomo ịikpo mạlhiom bọ ni bịdi, bịdi kőḅula esi ọdi.

Jerimaya 15:7

Esi ạtorotoro ẹmha sịen ade phọ mị itebeeny inyina ạngo ookuugh ịdipho ọpherepher. Mị iigulemi inyina, weye ạmi, mị ụze nmụny phọ anyina loor esi dị nyina ị́bile bọ ịkaraph areten phọ anyina.

Jerimaya 17:23

Ạburude ạburude phọ ạbidi ịmi ụ́naghanan. Kpạripe ghụn bịdi ụḅaar ẹmhu; bịdi ịmi ụ́naghanan mụghumo ọtuugha esi ạmi.

Jerimaya 19:15

mọ Ọmoogh-we Egbogh Ẹnaan phọ Ịzirel mạḅem mọ, “Mị kạsighe ni atu sịen ẹmha phọ ẹphen rꞌạtorotoro ẹmha lọ etuman sịen phọ oomo ịminimiin phọ mị ạḅem bọ mọ mị kạsighe atu phọ, loor esi dị nyina ẹḅaar ẹmhu ḅịle kẹn ị́naghanan ịlo mị ạḅem.”

Jerimaya 2:30

Mị ịliom ni inyina, kụ ọlo ạsuo ọ́rol; nyina ímeera mọ mị iilemi inyina. Nyina mẹze riil phọ anyina ịdipho ạnam-dịka dị ịyaar repin ologhi.

Jerimaya 3:3

Ẹpe kụ ịyaar phọ ọlophia phọ ụ́loph mun bọ, oyiririph aghozogh kẹn bịn óru. Nạ ạkar ghụn ạkigh ọnyo akunakuna; umugholoor nyịna rásiph ghan.

Jerimaya 32:19

Nạ kụ oye ịma igbiighi dị raḍighi ghan igbogh ạraraar. Nạ ạmiin tọrobo ịyaar lọ awe oḍighi, kụ nạ rạngo ghan ruunmo lọ ẹkpianaan rꞌeḍighinom ạraraar phọ ạbidi.

Jerimaya 44:10

Kụ kꞌaḍio phọ ạḍiphe kꞌarodon nyina ke̋soromi siloor anyina. Nyina ịmi eghuan kị̋lhogh ḅịle ẹ́daph ẹrolom oomo iilogh phọ mị ạloghoḍi bọ ịngo inyina rꞌạburude ạburude anyina.

Jerimaya 7:26

Kụ ọlo rꞌoniin oye ọ́naghanan. Kpạripe ghụn, nyina ịḅile ghụn bịn kụ ẹḅaar ẹmhu epu bụrude ạburude phọ anyina.

Jerimaya 7:28

Nạ kạḅeni ni bịdi mọ eelhe phọ ạbidi ụ́naghanan ịmi Ẹnaan phọ ạbidi Ọmoogh-we phọ ḅịle kẹn bịdi úpogh ịpe ọliom bọ bịdi ọsighe olegheriom. Omeeraam mamugh. Oye rạ́kaaph ghan mun kaghol.

Jerimaya 8:5

Eeghia kụ iḍighi bọ kụ nyina awe phọ ạmi ẹḍua bọ esi ạmi bịn réḅula mun bọ? Nyina ekuraam ịkaaghineen aruru phọ anyina bịn ímeera mun íḅula esi ạmi.

Izikiel 2:4

Bịdi mọḅaar ẹmhu ḅịle eghuan ịmi rụ́logh ghan. Esi ịduon phọ mị rarom nyịna ọḅeni ạbidi ịdi mị Ọmoogh-we dị ạmoogh oomo ịikpo rạḅeni bịdi.

Izikiel 24:13

Jeruselem, iiḍighi olhe ẹmha ạna mẹepu nyịna. Ghạlamo ịduon mị ạkparagha bọ ịlo ọosa ạna, nạ ụrolanaan ni esi ẹ́ḅaal. Nạ kạ́ḅaal mun tụtu nạ aloghoma ịdi ẹmanam ịikpo ọghagh ologhi phọ ạmi.

Dạniel 9:13

ụngo ghan iyoor oomo ịminimiin phọ ịpe ọge bọ sịphe Ologh phọ aMozis. Kụ ghạlamo kꞌạnyiidipho, Ọmoogh-we Ẹnaan phọ ayoor, yoor kőmiigh oḍighi ịdi kẹḅeeraan nyịna, ọ́wileghi ịkaraph phọ ayoor, mụghumo ọ́daph igey phọ ạna.

Lịvitikos 26:23

“Eru mạar dị esi oomo ạghelhe phọ ạmi ạkuen kụ nyina ínmia, kụ nyina ẹḅaar ẹmhu ọopu ạmi kụ nyina ịgbatanaan ịmi,

Ẹmos 4:10

“Mị urom ni ọdo kịrokiro ịiḅaghami iruom inyina, ịdo phọ ịpe mị ạghiom bọ we Ijipt. Mị ụze ni ugheel ạnmuny anyina esi ẹgham, kụ mị ạsighiogh rụsu phọ. Mị ụuḅaghamiom ni izon anyina rꞌeḍu awe dị momuughu rugbogo phọ ịpe nyina eekpomoghan ghan bọ. Ghạlamo ịduon phọ ni, nyina ímeera ni íḅula esi ạmi.

Ẹmos 4:11

“Mị uphiemi ni opol anyina ịdipho mị aphiemi bọ Sọdom rꞌaGomora. Bụphe osugha bọ ụghigh oreeny dị ạnian elhe kụ esugheeny. Ghạlamo ịduon phọ ni, nyina ímeera ni íḅula esi ạmi,” Ọmoogh-we phọ kụ ạḅem.

Ẹmos 4:6

“Mị kụ ụsighe bọ ni ịgbakuro aruom oomo phọ ạramha phọ anyina, kụ nyina ímeera ni íḅula esi ạmi.

Ẹmos 4:8

Loor aḍidugh esi ẹephua ạmuum, awe ịbadi ạramha ụghi ni ẹmha lọ bịdi kọmiin mụum, kụ ọ́rol ịdi ạkasian ọphughol. Ghạlamo ịduon phọ ni, nyina ímeera ni íḅula esi ạmi.

Ẹmos 4:9

“Mị urom ni ọgbagara ookuugh mọ aru aḍighi ịdi ịizupha anyina kẹkaraghar. Igurubia ilhe ni oomo ịizupha ḅịle rꞌaroghoony, iizo avain, ireeny ạfig rꞌireeny ọliv phọ anyina. Ghạlamo ịduon phọ ni, nyina ímeera ni íḅula esi ạmi.

Zẹfanaya 3:7

Mị ugbi mọ mem mọ ọpo phọ awe phọ ạmi kụlogh ni ịmi eegu kụ omeeraam mem lọ mị aalemi ọpioman ạbidi, ḅịle mọ bịdi kóbula ịtughemi lọ mị ạtughemi. Kụ íbia bịn bịdi mọḅile ọtol ịdipho ọrol bọ kꞌemiighom mọ.

Bụo aRom 2:2

Yira olegheri ni mọ Ẹnaan rẹ́pioman ghan ịiruen lọ ọdi aagboonaan bụphe roḍighi ghan bọ ọdo phọ ịphen phọ.

Bụo aHibru 12:9

Epel ịphen phọ, yira ụḅile ni ọmoogh bụrude sịen ade phọ dị ụliom ghan iyira, kụ yira ụlogh ghan kẹn ni bịdi eghuan. Ẹkpe ghụn ni epu dị yira kosooromi loor phọ ayira ọngo ịikpo Ọde phọ odi bọ kꞌạke, pịdi ọmoogh ghuḍum.