Jerimaya 5:12 - Ạḍinya Iigbia

¹² Awe Ọmoogh-we phọ mọpharanaan nyọdi kụ ọḅem mọ, “Ọdi kạ́karaghi áḍighi ịyaar. Yira kọ́moogh ḍịkparamineen amem; yira kọ́moogh ẹgham mụghumo ịgbakuro.”

Jerimaya 5:12 Iomraidhean Croise

2 Krọnikuls 36:16

Kụ bịdi ọgilaam ghan rụukpaany phọ ọdi, ọḅitonaan ikpo ọnhu phọ ọdi kụ ọmilogh riil phọ ọdi tụtu ẹteeny mem dị Ọmoogh-we phọ ạmooghom ophin ologhi we phọ ọdi dị ạbugh iboom kụ okpetenaan ọ́rol.

Ạsuor 10:6

Ọdi rạḅem ghan pạ ologhi phọ ọdi mọ, “Dọl phọ ạmi ạḍien ịmi kụ́aar. Mị rꞌamem kạ́tol esi ịminimiin.”

Ạsuor 14:1

Bụo elologhi rọḅenian ghan siloor mọ Ẹnaan ílho. Bịdi mọopuan siloor kụ roḍighi yogh ghan ugbini ugbini. Oniin ólho dị raḍighi ghan igey.

Asidogh 30:9

Mị ạmoogh ẹlo ẹphughan, iini mị kạḅem mọ mị nyịna ụ́wa mun. Kụ mị ameel ekulom, iini mị kami kụ asiphe umugholoor Ẹnaan ạmi.

Jerimaya 14:22

Rꞌeniin eru areelhe phọ kétue ẹngo ọlophia; okuaḍio phọ rꞌaloor ọdi bịn kátue aḍighi ịdi ọlophia kạloph. Yoor mọsighe oḍuom ologhi ayoor ọkpasi esi ạna, Ọmoogh-we Ẹnaan phọ ayoor, loor esi dị nạ kụ raḍighi ghan bọ rạraar phọ ịphen.

Jerimaya 2:6

Bịdi ịmi ụ́sighe mun ụ́manami ịyaar ghạlamo ịduon mị kụ ạtagharan bọ ni bịdi ḍịghaagh Ijipt ạḅile aḍiemiom bịdi ẹpe ẹdala phọ: ade ophugh, ade dị ẹgharaghar ẹḅile eḍighi ooto rꞌosooromineen, ekpisi dị oye kőrugh ghan ḅịle oye kꞌekulha kạ́ki.

Jerimaya 28:4

Mị kạḅile kẹn aḅulemi Jehoyasin ọony aJehoyakim ọdaam mọ aJuda rꞌoomo ạbueri phọ awe phọ aJuda bụdi odi iiruen ẹpe Bạbilonia. Ii, mị kạpue ni ịikpo ọdaam-eelhe phọ ạBabilon. Mị Ọmoogh-we phọ kụ mạḅem.”

Jerimaya 4:10

Pọ kụ amem dị mị ạḅem mọ, “Ọkar Ogbogh Ọmoogh-we, nạ mạkar bịn kụ aakeleghi weye phọ aJeruselem! Nạ ụḅem mọ ẹepho kẹtol li, kụ elhool ẹgham kụ edi sịphe ooko phọ ạbidi.”

Jerimaya 43:1

Mị rọghaaph rọḅeni bịdi oomo ạraraar phọ Ọmoogh-we Ẹnaan phọ ạbidi urom bọ ịmi ọḅeni ạbidi,

Jerimaya 5:31

ariil Ẹnaan phọ rọgba ghan ọkpe bịn; ariil ạrikia phọ rọdaph ghan ịlo ariil phọ ọto, kụ awe phọ ạmi ụ́ḅem ịyaar. Kụ bịdi koḍighi bọ ika mem dị oomo phọ ịdi kesi bọ eekuna phọ?”

Jerimaya 6:14

Bịdi roḍighi ghan mụdiadi igbogh ạrelem awe phọ ạmi eḍighi riisi dị ịyaar bịn kụ ẹgoor. Bịdi rọḅem ghan mọ, ‘Oomo ạraraar ẹnighe ni,’ mem dị oomo ạraraar ị́nighe.

Izikiel 13:6

Uḍien phọ ạbidi ọkpe ni, ḅịle ịmiin phọ ạbidi kígey. Bịdi ọḅem ghan mọ bụno rọkaaph dom ạmi, kụ ọlo mị bịdi kőrom. Kụ ạri bịdi rọwa ni mọ ikpo ọnhu ạbuno emite ni!

Maika 2:11

“Awe phọ ạbuen rọwa ọdo oyil dị ratelhe yogh rꞌọkpe rꞌiikeleghian kụ ạḅem mọ, ‘Mị ạmiin mọ amiim, muphoneen rꞌạmughologhol, kakil kụ atu esi anyina.’

Maika 3:11

Bụphe ọda bọ ẹmha phọ role ghan oti ọman; ariil ạrikia phọ ọgba ologh phọ omitiom, pọ kọkpe ikpoki bịdi; ariil phọ kụ ọghaaph ịlo bịdi ọmiin, pọ kọboor ikpoki — kụ oomo phọ ạbidi ọḅem mọ Ọmoogh-we phọ odianaan rꞌạbidi. “Ịyaar lọ ị́nighe iyoor kị́teeny,” bịdi ọḅem, “Ọmoogh-we phọ odianaan rꞌayoor.”

Dutoronomi 29:19

Oye lọ ạnaghan iikunya ikpo ọnhu ịyo phọ ịphen kụ ạsephian loor sịphe ologhi phọ ọdi kụ ạḅem mọ, ‘Ịyaar ịmi kíḍighi, ghạlamo ịduon mị ratelhiom bọ ni rꞌoḅom ẹmhu sịphe ologhi phọ ạmi, ạḅaram ịpughol rꞌẹephua ịpughol.’

1 Jọn 5:10

Oye phọ ọpo ameeraam bọ Mọony phọ Ẹnaan ạmoogh ni oḍuom ologhi phọ ọphon sịphe ologhi phọ ọdi. Kụ oye lọ úmeeraam, pọ mạlhogh Ẹnaan ọkpe, ịdi eḍighi bọ ọdi ómeeraam reḍeenaan phọ Ẹnaan ẹngo bọ ịlo Ọony phọ ọdi.

1 Sạmuel 6:9

Ịtol kụ ephogh ịpe bịdi ketelhe bọ: eḍighi ịyaar dị bịdi kenyeene ni ẹpe ẹmha phọ ạBet Semes, pọ eḍeenaan mọ Ẹnaan Ịzirel phọ ni kụ ịsighe bọ ni ịiḅaghami phọ ịphen iruom iyira; kụ ọlo eḍighi ịyaar dị ạsinam mọ ị́ki ẹpe, pọ pụruku yira kolegheri mọ ọdi kụ ọ́ngo bọ ẹzegh phọ; iizuanaan ni bịn.”