Jerimaya 5:11 - Ạḍinya Iigbia

¹¹ Awe phọ Ịzirel rꞌaJuda mubi ịmi. Mị Ọmoogh-we phọ kụ ụḅem.”

Jerimaya 5:11 Iomraidhean Croise

Azaya 24:16

Kꞌẹpe ạriikpigh aḅirini phọ ẹkaraghi bọ ẹkel iboom yira kọnaghan sụor oboomiom Ịzirel, eelhe aruukuan phọ. Kụ oḍuom ologhi ịmi úlhoonaan! Mị rape kamuneen! Awe iḅoroghom odianaan ọgbaaghiom ạmi, kụ ịkalaghian ạbidi rꞌamem ídugh.

Azaya 48:8

Mị ulegheri ni mọ nyina ị́kpe oseere ologhi, mọ molhegheriom mọ nyina awe ọḅaar ẹmhu. Ịdipho kụ iḍighi kụ ighine bọ inyina ịphen phọ, kụ rꞌeniin ekpo ọnhu reḅeri anyina íḍigh bọ.

Jerimaya 12:1

“Ọmoogh-we, eḍighi ịyaar dị mị ạgba ḍighiton phọ ạmi rꞌạna, nạ kạmoogh ni akeel. Kụ ghạlamo ịduon phọ ni mị rạwa ni opuru ạna ịlo ạraraar dị egbolomaam iiḅi ịiruen. Eeghe kụ iḍighi kụ edughom edianaan ghan bọ bụkaraph awe? Eeghe kụ iḍighi kụ ạraraar rẹnighenaan ghan bọ reepheeny?

Jerimaya 3:20

Kụ ọlo nạ ạkigh ạnir dị ologhi kótue oḍuom, nạ ọ́ḅogh loor phọ ạna ụngo ịmi. Mị Ọmoogh-we phọ kụ ụḅem.”

Jerimaya 5:10

Mị katom ẹpomoghian mọ aru alereghi ireeny amiim avain awe phọ ạmi kụ kúugulemi ụ́madan. Mị kạḅeni bịdi mọ oḅonyon ịla phọ, loor esi dị ịla phọ ịpe phọ kị́lo ạmi.

Jerimaya 9:2

Mụghumo mị ụmoogh ni esi ọrol ẹpe ẹdala phọ, ekpisi dị mị kạkelan weye phọ ạmi. Oomo phọ ạbidi úmeeraam mun Ẹnaan, oḍighi egu areepheeny.

Hosia 5:7

Bịdi moghel Ọmoogh-we phọ; ạnmuny ạbidi kạ́buo ọdi. Loor ẹmhu ịphen phọ, nyịidipho kọnuun ni opiemi bịdi.

Hosia 6:7

“Kụ bịdi roḍigh eelhe phọ Ạdam, bịn bịdi ọopu ịyo phọ mị rꞌạbidi oghiran bọ.