Jerimaya 5:10 - Ạḍinya Iigbia

¹⁰ Mị katom ẹpomoghian mọ aru alereghi ireeny amiim avain awe phọ ạmi kụ kúugulemi ụ́madan. Mị kạḅeni bịdi mọ oḅonyon ịla phọ, loor esi dị ịla phọ ịpe phọ kị́lo ạmi.

Jerimaya 5:10 Iomraidhean Croise

2 Krọnikuls 12:4

Ọdi ee ạmoogh rạmha phọ okpekima bọ ẹpe Juda, kụ ạghi risigh tụtu asi Jeruselem.

2 Krọnikuls 36:17

Ịduon kụ iḍighi kụ Ọmoogh-we phọ ạsighe ọdaam eelhe phọ ạBabilon mọ eeghiom bịdi. Ọdi ạze ni ugheel ạnmuny phọ, ghạlamo rꞌịsiphe Otu Ịiḅereghi phọ. Ọdi ọ́mooghaan ọnma ighirigiir oye, mꞌonyugheel mꞌokumoor oye, mꞌolephiri mꞌạnir, mꞌómoom mꞌamoon. Ẹnaan ịḅogh ni oomo ạbidi ẹngo nyọdi.

Jerimaya 2:21

Mị ụzuph nyịna ịdipho ooḅi oreeny avain, ikpo phọ ọsighe bọ ọzuph ịkar kẹn ni ẹnighe. Kụ ọlo mịin ịdi nạ manmia! Nạ ạkigh ọḅoria oreeny avain dị ụ́moogh ịyaar oḍighinom.

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 30:11

Mị katu ni esi anyina ịtagharan inyina. Mị kapiemi ni oomo areelhe phọ ẹpe mị ịiwalalami bọ inyina, kụ ọlo mị inyina kíphiemi. Mị kạ́bile ọliom anyina kụ mem dị mị ịliom inyina, mị kạtuugh ni eḍighinom. Mị Ọmoogh-we phọ kụ mạḅem.”

Jerimaya 39:8

Mem mọ ạmuen phọ awe ẹgham mọ ạBabilon mọsuughi nịan otu ọdaam mọ rꞌaruutu awe phọ osiemi ude ọḅile olereghi iikpe phọ aJeruselem.

Jerimaya 4:27

(Ọmoogh-we phọ mạḅem mọ oomo phọ ade phọ keḍighi ẹdala, kụ ọlo mọ ọno káagulemi ạmadan.)

Jerimaya 46:28

Mị katu ni ịteeny inyina kụ ịphel inyina. Mị kapiemi ni oomo areelhe phọ ẹpe mị mịiwalami bọ inyina kụ ọlo mị inyina kíphiemi. Mị kạ́bile ọliom anyina; kụ ọlo mem dị mị ịlhiom inyina, mị kapogh ni esi akpo ukpe. Mị Ọmoogh-we phọ, kụ mạḅem.”

Jerimaya 5:11

Awe phọ Ịzirel rꞌaJuda mubi ịmi. Mị Ọmoogh-we phọ kụ ụḅem.”

Jerimaya 5:18

Ọmoogh-we phọ ạḅem mọ, “Ghạlamo ariiḍio phọ ịpe phọ ni mị káagulemi ạmadan weye phọ ạmi.

Jerimaya 5:9

Ị́kpianaan dị mị kạliom bịdi loor ạraraar phọ ịphen phọ, ạḅile aḍighi aḅulemian eelhe dị ẹrol ịduon ḍụghum?

Izikiel 12:16

Mị kameera ni ẹphurukpu ạbidi okpetenaan ẹgham mọ, ịgbakuro phọ rꞌạreezegh phọ, ọbo eḍighi ịdi sịphe ogbo areelhe phọ bịdi ologhoma ịpe eḍighinom ạraraar phọ ạbidi meeph bọ kụ olegheri mọ mị kụ Ọmoogh-we phọ.”

Izikiel 14:17

“Ịdipho oḍighom ịyaar kụ mị aruom ẹgham sịphe eelhe phọ ẹpe kụ arom rẹenema ịlo ogbuurogh ọsighe awe rꞌịnam igina phọ,

Hosia 1:9

Ọmoogh-we phọ ạḅeni ni Hosia mọ, “Kol ḍien ọdi mọ ‘Káwe Ạmi’ loor esi dị awe phọ Ịzirel káwe ạmi kụ mị kẸ́naan ạbidi.”

Ẹmos 9:8

Mị Ọmoogh-we Oomo Ịikpo phọ ạtol li kụ rapogh eelhe ịkaraph phọ ẹphen Ịzirel, kụ mị kapiemi ni bịdi sịen ade phọ. Kụ ọlo mị kápiemi oomo ạnmuny ạnmuny phọ ạJekob.

Matiu 22:7

Kụ mem dị ọdaam mọ ạnaghan bọ ịphen phọ, ịghagh ni ologhi ọdi, kụ arom we ẹgham ọdi mọ ọghi ọze rọokom-enu phọ ạbuphe, ọsu ẹmha phọ ạbidi nịan ophiemi.