Jerimaya 5:1 - Ạḍinya Iigbia

¹ Weye aJeruselem, ikiil oomo phọ areten phọ anyina! Ipogh ekitonom! Ẹmiin rꞌaloor anyina! Ịwa oomo phọ asiḍighi phọ! Nyina ketue ni ẹmiin oniin oye lọ raḍighi ghan ịlo ẹnighe kụ ạḅile ạphamanam omeeraam Ẹnaan phọ ḍụghum? Eḍighi ịyaar dị nyina ẹmiin, pọ Ọmoogh-we phọ kạbilenaan ni Jeruselem.

Jerimaya 5:1 Iomraidhean Croise

1 Ạbudaam 19:10

Kụ ọdi ạphagharanaan mọ, “Mị mạsighe ologhi phọ ạmi ạḅam loor ạna Ọmoogh-we Ẹnaan Oomo Ịikpo phọ kụ reemor ologhi phọ ạmi ịdipho ạnian. Awe phọ Ịzirel moghel ịyo phọ ạna, olereghi renmeny ạrikia phọ ạna, ọsighe elhool ẹgham ọziom oomo ariil phọ ạna ọmadan. Mị bịn, ogina phọ ạmi, kụ usugha, kụ bịdi rụwa ghan ịmi oghiigh aani.”

2 Krọnikuls 16:9

Ọmoogh-we phọ anaan kụ rapogh oomo aḅirini phọ, ọngo ịnyaam bụphe iloghi phọ emeeraam bọ nyọdi. Nạ maḍighinom elologhi, kụ emiigh nyịidipho kụ ẹghiom ghisigh nạ kabe ghan rạagham.”

Ạsuor 12:1

Ọmoogh-we, tue ụlhoghonaan iyoor ḍịghaagh. Rꞌoniin oye ạghusan ósugha mun. Kótue mun ọmiin we aruukuan.

Ạsuor 14:2

Ọmoogh-we phọ ạtol ẹpe kꞌạke kụ rapogh ghan we sịen ade phọ, ọmiin mụghumo bụlo ọnaghan ḍụghum odi ni dị rọwa olhegheri Ẹnaan.

Ạsuor 14:3

Oomo phọ ạbidi mophe eten, ọopuan siloor. Rꞌoniin ọnyo ạbidi lọ raḍighi ghan ịlo ẹnighe, rꞌoniin ólho.

Ạsuor 94:16

Ạnhian kụ ụmeeraam ịmi mem mọ mị eenan bọ rꞌawe ẹkaraph eḍighinom ịyaar? Ạnhian kụ uḍighan ịmi mem mọ mị eenan bọ rꞌawe ạsipioghom mọ?

Asidogh 20:6

Ịbadibadi awe rọḅem ghan mọ ạbuno awe dị ọkpe ọkpasi oḍuom ologhi kụ wạ ophogh mọ kọmiin ni rꞌoniin.

Asidogh 23:23

Igey, olegheri ịyaar, ịtuugha rꞌiiḅi ịitughian — ịphen kụ ịnighe ogho, ẹpughan aal.

Asidogh 8:3

Ịsiphe eḍighom ẹmha phọ, ọgbal ạrunhu-aḍibuo, kụ ẹdi ọdi rạmagh.

Ạḍuor Ạsuor 3:2

Mị ụghi ni ayeela ghan sịphe egbogh ẹmha phọ, arelhe yogh oomo ịbam areten rꞌịdi ekpisi íkputon. Mị ụwa ni nyọpo mị ạphomoghian bọ, mị ụwa ni, kụ mị útue ụ́miin.

Azaya 59:4

Nyina esoor erugh ịiruen, kụ iphum inyina. Nyina eḍuom ologhi ọgba ọkpe kụ ọmooghom akeel. Nyina emitenom ịkaraph igbiighi ịlo oḍighi ịyaar bụnon awe.

Jerimaya 2:29

Ịiḅaghami phọ anyina eeghe? Eeghe kụ iḍighi kụ nyina miruphiom bọ ịmi ẹgham mọ?

Jerimaya 44:15

Pọ kụ amem dị oomo phọ awe phọ olegheri bọ mọ ạnmariir phọ ạbuno uḍighi ghan rạraar aghuḍum ọngo ruru, rꞌoomo phọ ạnmariir phọ ọmeregha bọ sịphe, ọḅaram weye phọ Ịzirel phọ orugh bọ ẹpe esoorom ạga Ijipt — ọkar aḍigbogh aḍita — ụḅeni ịmi mọ,

Jerimaya 8:6

Mị ulher ri rụru agey, kụ ọlo nyina ị́kaaph igey. Rꞌoniin ọnyo anyina ókiriri loor esi ịkaraph phọ anyina; rꞌoniin ọnyo anyina ópuru mọ ‘Iḍighen kụ ẹdi mị ạpioman bọ?’ Tọrotoro oye rạki ghan eten phọ ẹpe ọdi bịn, ịdipho ạsu dị rọkimom ẹgham.

Jerimaya 9:2

Mụghumo mị ụmoogh ni esi ọrol ẹpe ẹdala phọ, ekpisi dị mị kạkelan weye phọ ạmi. Oomo phọ ạbidi úmeeraam mun Ẹnaan, oḍighi egu areepheeny.

Jerimaya 9:7

Loor esi ịduon phọ Ẹnaan Oomo Ịikpo Ọmoogh-we phọ ạḅem mọ, “Mị kạasa weye phọ ạmi ịdipho okuron kụ mị ạdegh bịdi apogh. Awe phọ ạmi moḍighi ịkaraph — eeghe kụ ẹdi mị kạḅile bọ aḍighinom bịdi?

Izikiel 22:30

Mị ụwa oye ọlo kạḅiir iikpe, ọlo kạmeera sịphe ariisi phọ ịpe iikpe phọ memeel bọ kụ abianaan de phọ mem dị ọghagh ologhi rạnya ịlo ophiemi ọdi, kụ mị ụ́miin rꞌoniin.

Izikiel 9:9

Kụ Ẹnaan ẹphagharanaan mọ, “Awe phọ Ịzirel rꞌaJuda ọmoogh apum ilhom ịkaraph. Bịdi mọko enu tọrobo ekpisi sịen ade phọ kụ momuzeḍiom Jeruselem rꞌạsipioghom. Bịdi ọḅem mọ mị Ọmoogh-we phọ mạwile eelhe phọ ạbidi ḅịle mọ mị bụno rạ́miin.

Dạniel 12:4

Ọdi ụḅeni ni ịmi mọ, “Kụ nyịidipho, Dạniel, kpereghi ḍịnya phọ, kụ ạloghom elegh tụtu kꞌeekuna aḅirini phọ. Ịdipho ịbadi awe kokirighaan ni ọkparagha ọnaghanan ịpe remite bọ.”

Joel 2:9

Bịdi ọkimom rꞌịnyaam ẹpe ẹmha phọ; bịdi ọḅeenyogh iikpe, bịdi ọsinyighu ruutu kụ ọḍua rughuugh ookuugh kụ oḍiku ịdipho ạruḅa.

Ẹmos 8:12

Awe kọḍua ni ẹpe ephunom mọ kụ ọki ẹpe esoorom mọ, kụ ọḅile ọḍua ẹpe emitenom mọ kụ ọki osi ẹpe emeelom erumuḍio phọ. Bịdi kọwa ni dom dị ẹḍua esi Ọmoogh-we phọ, kụ bịdi kọ́miin.

Zẹkaraya 2:4

Kụ ọḅel phọ ạḅeni ọphori phọ mọ, “Kiil ạghi ạteeny onyugheel ọony phọ ọpo ạpham bọ oḍigh phọ ọpo rạtooghiom ghan bọ ạḅeni mọ aḍita awe rꞌịnam dị kẹtol Jeruselem kẹbugh ni ẹpughan ọḅiir iikpe oghoonyom.

Elegh aLuk 14:21

“Ẹbene phọ aḅula ạghi ạghaaph oomo phọ ịphen ạḅeni ọde-otu phọ ọdi. Ịghagh ni ologhi uwotu phọ, kụ ọdi ạḅeni ẹbene phọ ọdi mọ, ‘Nụun ạghi roḅodo rꞌạruuku asimarugh ẹmha phọ aagbologh rukulom, rꞌạrukugha, rꞌạbuo ikpom ariḍien, rꞌạbuo ạraagha.’