Jerimaya 49:3 - Ạḍinya Iigbia

³ Weye aHesbon, imoghi eeleghaan mọ mophiemi Eai! Nmạriir aRaba, ịtol dọl okururu. Iinmenan iinmenan ọto kụ emoghi. Ikilighuan ịlo awe dị ọwalala. Eru phọ anyina Mọlek kọsighe ọkimom iiruen arikpisi, ḅịle rꞌariil ạrikia phọ ọdi rꞌịkpana ạnmuny phọ ọdi.

Jerimaya 49:3 Iomraidhean Croise

2 Sạmuel 11:1

Rẹḅile rẹteeny osoor, ọdo amem ạlha phọ dị ạraalha rọki ghan ẹgham, aDevid arom ni Joab oomo awe phọ Ịzirel rꞌabuḍiemiom mọ ạbidi eeghi ẹgham; bịdi ụmoogh ni ọkpar opu esi awe Amon phọ kụ ọḅile okpobiom ẹmha dị oghol mọ aRaba. Kụ ọlo aDevid rꞌaloor ạrol ẹpe Jeruselem.

1 Ạbudaam 11:33

Ịyaar phọ eḍighi bọ bịdi mughel ịmi ọḅile rọoḅereghi ghan Astarte ẹya-eru phọ aSaidon rꞌaKemos ẹmugh phọ ạMoab rꞌạMolek ẹmugh phọ Amon, ụ́daph mun reten phọ ạmi kụ rotelhe ghan, ọbile oḍighi ghan ịpe ẹḅeeraan bọ riḍien phọ ạmi rꞌooko ghan ịtooghi phọ ạmi rꞌịiruen phọ ạmi, ịdipho aDevid ọde phọ ọdi.

1 Ạbudaam 11:5

ẠSolomon ạdaph Astarte, ẹya-eru phọ aSaidon rꞌạMolek ḅạphanya phọ Amon.

2 Ạbudaam 23:13

AJosaya ọdaam mọ ạḅile kẹn ạphue roogbolom mọ ịpe koten bọ kụ ọteeny Jeruselem edi bọ ḍịghaagh esoorom sịphe Eegum Ọlivs, ẹpe Sọlomon Ọdaam mọ Ịzirel ạloghonaan bọ Astarte ẹya-eru phọ awe aSaidon ḅịle rꞌaKemos ḅạphanya awe ạMoab ḅịle rꞌạMolek ḅạphanya awe Amon.

Azaya 13:6

Imoghi emoghi eephina! Aḍio Ọmoogh-we phọ mẹkpulan, aḍio phọ ḍịphe Ẹnaan Oomo Ịikpo phọ ketuom bọ muphe phọ.

Azaya 14:31

Ịlooghi kụ emoghi ẹlhom ọloghonaan ạḍighaagh, oomo anyina ạramha aFilistia! Ịtol esi ekpereghaan, oomo anyina! Ọotu ophugh ạḍua ni ẹpe ephunom mọ ratu — aḍighi ḍita awe ẹgham dị ọlo eepuph úlho sịphe ạsiadam mọ ạbidi.

Azaya 15:2

Awe phọ aDibon ọkiighi otu ịiḅereghi ạbidi ọrol ịpa ẹphan phọ omoghi, kụ ạMoab omoghinaan rạmha aNebo rꞌaMedeba; oomo ạrumhu mẹḅaalogh rꞌịleem okula yogh rꞌamukum ologhi.

Azaya 16:7

Awe phọ ạMoab komoghi ni loor ẹmhu ịiḅaghami phọ esoorom bọ bịdi. Oomo phọ ạbidi komoghi mem dị bịdi ọotughian eeḅi eḍien phọ bịdi olhe ghan bọ sịphe ẹmha phọ aKir Heres. Koporogh ni bịdi osiemi esi dị oḍuom ologhi úlho.

Azaya 23:1

Ḍịen adom ḍịo aTaya. Imoghi ẹlhooghi, nyina ạbuzoghiom mọ edi bọ otu-ḅualhe phọ! Ephunom esiḍia aTaya ẹmha anyina mophiemi; ruutu rꞌariisi osul ạrunwunyaru phọ mọphueghi. Ịdipho ạrunwunyaru phọ anyina kẹḍua bọ Sạipros retigheel, bịn nyina kẹnaghan ni ọghaaph phọ.

Azaya 23:6

Imoghi ẹkananaam, nyina awe phọ aFinisia. Ịkpar osuma ogheel aSpen.

Jerimaya 4:8

Kụ iḍighi kụ ịkpologhian rụsuoma ọto. Ẹḅile emoghi ẹlooghi, loor esi dị ogbogh ọghagh ologhi Ọmoogh-we phọ kọ̋ḍua esi aJuda.

Jerimaya 46:25

Ọmoogh-we Egbogh Ẹnaan phọ Ịzirel ạḅem mọ, “Mị kạliom ni Ạmon eru phọ aTebes, ạḅaram Ijipt rꞌaruru ạbidi rꞌạraalha ạbidi. Mị kạsighe ni ọdaam-ẹmha phọ Ijipt rꞌoomo ạbulo ọkpasi oḍuom ologhi ạbidi esi ọdi,

Jerimaya 48:2

Ẹnighe phọ ạMoab mephe. Ẹpomoghian phọ mọsighe Hesbon kụ roopuruan ophiemi eelhe phọ ạMoab. Ẹmha phọ aMadmen kokpomori ọnhu; Awe ẹgham kotu ni ozuom.

Jerimaya 48:20

‘ẠMoab mameel,’ bịdi kọpagharanaan, ‘moghinaan! Eḍighi roofola. Ịgba eleenye ọgbal Ọphiiny Anon mọ mophiemi Mọab!’

Jerimaya 48:37

Oomo ạbidi moghula rụmhu ạbidi okula ịleem ạbidi. Bịdi modoghoḍian rẹlem rạghaagh ạbidi, kụ tọrobo oye mạkpologhian ạsuoma ọto.

Jerimaya 48:7

“Mọab, nyina iḍuom ologhi ịnyaam rꞌẹelha anyina kụ nyịidipho kọkpar ri ipu inyina; Eru phọ anyina Kemos kesuma ni ẹtol dọl iiruen, ẹḅaram ịkpana ạnmuny ạraalha rꞌariil ạrikia phọ ọdi.

Jerimaya 49:1

Ịphen kụ ịdi Ọmoogh-we phọ ạḅem bọ ịlo egbolomaam Amon: “Odi ẹghen awe phọ Ịzirel? Rꞌoniin oye ólho dị kabe ạpamam de phọ ḍụghum? Uḍighi ika kụ bịdi ọwilenaan bọ we dị rooseeny ghan Mọlek mọ ọsighe de eghun phọ ạGad orugh phọ?

Jerimaya 51:8

ẠBabilon mameel ekperenom kụ mophiemi! Imoghinaan! Ịwa rọogho eḍighi riisi phọ ọdi oḍighima bọ ịyaar phọ, kụ iini sịen kekeleghu ni.

Jerimaya 6:26

Ọmoogh-we phọ ạḅeni weye phọ ọdi mọ, “Ịkpologhian ạsuoma ọto kụ eekila esi ọoru. Imoghi igey izin ịdipho oye lọ ogina ọony ọdi amugh loor esi dị ọpo ratu bọ oogulemi anyina kizuom ni inyina ekperenom.

Ẹmos 1:15

Ọdaam mọ ạbidi rꞌạbuo ịtooghi phọ ọdi kokeel ẹnon ẹmha dọl iiruen.”

Zẹfanaya 1:5

Mị kapiemi tọrobo oye lọ ạsiiny ạnyu otu kụ ạaḅereghi erumuḍio phọ, mꞌụnwanyu phọ rꞌạraanaan phọ. Mị kạḅaram apiemi bụphe moghunya bọ mọ bụno kuuseeny ghan ịmi, kụ ọḅile bọ oghiran ịyo rꞌeru aMilkom.

Jems 5:1

Nyina ạraalha phọ, ịnaghanan ịmi. Imoghi yogh ẹmoogh ọto loor oomo phọ ịminimiin phọ kisoorom bọ inyina.

Josua 7:2

AJosua arom we mọ ọḍua Jeriko ọghi Eai, ẹmha dị edi ạga emitenom ạBetel dị etuman Bẹt Aven, oḅiligha ophogh ịpe ade phọ ẹrol bọ. Kụ awe phọ ọghi oḅiligha.

Josua 8:1

Ọmoogh-we phọ ạḅeni Josua mọ, “Aruugu nyịna kúsiph mun. Ologhi ạna kụ́konono mun. Nạ rꞌoomo awe ẹgham mọ, iḅetenu ẹghi Eai. Mị kaḍighi ni ịdi nyina kẹkpar epu ọdaam mọ Eai. Mị rịngo inyina we phọ ọdi rꞌẹmha phọ ọdi rꞌade phọ ọdi.

Josua 8:28

Kụ aJosua ạsu nịan Eai, kụ ạraraar phọ ịpe bịdi ịphueghi bọ ekpolan egu. Ẹsighe kꞌaḍio phọ ạḍiphe ẹteeny kꞌarodon, edi ghan ịdipho.