Jerimaya 48:8 - Ạḍinya Iigbia

⁸ Rꞌeniin ẹmha kékpetenaan dị kópiemi; de eḍiiny rꞌade dị eeleeny kọpue ni. Mị Ọmoogh-we phọ kụ mạḅem.

Jerimaya 48:8 Iomraidhean Croise

Jerimaya 15:8

Arukpukele ạnmariir dị odi sịen ade phọ anyina opel ịisaar ọgbal ọphiiny. Mị ụze ni ugheel ạnmuny phọ anyina ạḅile aḍighi ịdi aburunhiin phọ ạbidi ọmiinom. Mị ụgur bịdi ekperenom rꞌeephina ḅịle rꞌaruugu.

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 48:18

Nyina phọ edi bọ Dibon, isoor sịphe esi eghuan phọ anyina kụ ẹrol ude loor ophugh; ọpo rapiemi ghan bọ Mọab odi sịen kụ mạphue ịikpara ariisi phọ ọdi.

Jerimaya 51:56

Bịdi moru ophiemi ạBabilon; mosiphi we ẹgham mọ ọdi, kụ mowunughi sịkumugh ạbidi. Mị kụ Ẹnaan dị rạliom ghan ịkaraph kụ mị kaḍighi ni Bạbilon ịdi ẹkpianaan nyọdi.

Jerimaya 6:26

Ọmoogh-we phọ ạḅeni weye phọ ọdi mọ, “Ịkpologhian ạsuoma ọto kụ eekila esi ọoru. Imoghi igey izin ịdipho oye lọ ogina ọony ọdi amugh loor esi dị ọpo ratu bọ oogulemi anyina kizuom ni inyina ekperenom.

Izikiel 25:9

mị kạngo ọgel awe ozuom ẹgham rạmha phọ ịpe eḅegh bọ rụuku phọ ạMoab, kụ ọḅaram ghạlamo rꞌịma ạramha phọ ịphen — Bẹt Jesimot, Baal Mion, rꞌaKiriataim.

Josua 13:17

Ọḅaram rꞌaHesbon, rꞌoomo ạramha ịpe aruku-ogbo phọ: Dibon, Bamot-Baal, Bẹt Baal Mion,

Josua 13:21

Rꞌoomo ạramha phọ edi bọ ẹpe ạḍiyaghaghaany ade phọ rꞌoomo areelhe phọ aSihon ọdaam mọ Ạmorait ọpo ạda bọ ẹpe Hesbon, ọpo aMozis aghiigh bọ ạḅaram rꞌikpolom awe phọ ạMidian, Evi, Rekem, Zur, Hur rꞌaReba. Bụen kụ ạnmuny aSihon ọdaam mọ dị orughogh sịphe ẹmha phọ.

Josua 13:9

Emiigh Aroer ḍịphe edi bọ oogbom Eḍiiny Anon, rꞌẹmha phọ ẹpe edi bọ sịphe ogbo ọphiiny phọ, rꞌoomo ẹpe ẹyaghagha bọ ẹpe Medeba ẹghi esiemi Dibon.