Jerimaya 48:7 - Ạḍinya Iigbia

⁷ “Mọab, nyina iḍuom ologhi ịnyaam rꞌẹelha anyina kụ nyịidipho kọkpar ri ipu inyina; Eru phọ anyina Kemos kesuma ni ẹtol dọl iiruen, ẹḅaram ịkpana ạnmuny ạraalha rꞌariil ạrikia phọ ọdi.

Jerimaya 48:7 Iomraidhean Croise

2 Sạmuel 5:21

Mem mọ awe aFilistia phọ rosumughu bọ, bịdi ụwile yogh ni ịkaaneen ạrumugh phọ ạbidi, kụ aDevid rꞌawe phọ ọdi ọghi ọsighiogh.

1 Ạbudaam 11:33

Ịyaar phọ eḍighi bọ bịdi mughel ịmi ọḅile rọoḅereghi ghan Astarte ẹya-eru phọ aSaidon rꞌaKemos ẹmugh phọ ạMoab rꞌạMolek ẹmugh phọ Amon, ụ́daph mun reten phọ ạmi kụ rotelhe ghan, ọbile oḍighi ghan ịpe ẹḅeeraan bọ riḍien phọ ạmi rꞌooko ghan ịtooghi phọ ạmi rꞌịiruen phọ ạmi, ịdipho aDevid ọde phọ ọdi.

1 Ạbudaam 11:7

Kụ ạSolomon ạloghonaan Kemos ḅạphanya phọ ạMoab rꞌạMolek ḅạphanya phọ Amon esi dị ephoph ẹghi ạnyu sịphe ẹeḅaraph phọ ẹpe koten bọ kụ omite Jeruselem.

Ạsuor 40:4

Iboh rẹtolonaan ghan oye phọ ọpo aḍuom bọ Ọmoogh-we phọ ologhi, kụ úkiton bọ úsoman ịkaaghineen ạrumugh ḅịle úḍighan bọ rꞌạbuphe rọoḅereghi ghan bọ ruru phọ.

Ạsuor 52:7

“Mịin, phọn oye dị ụ́kpasi oomo eekpereghian aloor esi Ẹnaan, kụ ạkpasi ghụn esi eboom ẹelha ọdi ạḅile ạkparamian loor ọdi sịpioghom.”

Jerimaya 13:25

Ọdi mạḅem mọ ịphen phọ kụ keḍighi ọda anyina. Ịphen kụ ịdi ọdi magbiighi oḍighinom anyina, loor esi dị nyina mewula nyọdi bịn ẹsighe emooph anyina ẹkpasi esi ạrumugh ọkpe.

Jerimaya 43:12

Mị kạsu ni nịan ruutu aruru phọ Ijipt, kụ ọdaam eelhe phọ ạBabilon ạtu ạsu ịkaaghineen ạrumugh phọ ạbidi mụghumo ọpham ọḍuanam. Ịdipho opoghom iyool-ịga rạkpigh ghan bọ ighuugh kạsighe loor arukpe ọdi, ịdipho kụ ẹdi ọdaam mọ ạBabilon kạkpigh ạḅaalami de phọ Ijipt kụ agbi ogheel rꞌọkpar opu.

Jerimaya 48:13

Kụ awe ạMoab kọmoogh mabi esi eru phọ ạbidi Kemos, ịdipho Ịzirel ọmoogh bọ mabi esi ạBetel, eru oḍuom ologhi phọ ạbidi.

Jerimaya 48:46

Ịnma ighirigiir weye ạMoab. Awe dị ooseeny Kemos mophiemi, kụ ạnmuny rꞌạnmanyaan ạbidi mọsighiogh ọḍuanam ọrolomi ạdol ikoli.

Jerimaya 49:3

Weye aHesbon, imoghi eeleghaan mọ mophiemi Eai! Nmạriir aRaba, ịtol dọl okururu. Iinmenan iinmenan ọto kụ emoghi. Ikilighuan ịlo awe dị ọwalala. Eru phọ anyina Mọlek kọsighe ọkimom iiruen arikpisi, ḅịle rꞌariil ạrikia phọ ọdi rꞌịkpana ạnmuny phọ ọdi.

Jerimaya 49:4

Eeghe kụ nyina awe dị ụ́moogh omeeraam roobaga ghan bọ? Ịnyaam anyina redugh. Eeghe kụ nyina eḍuom ologhi ịnyaam anyina kụ ẹḅem mọ oye ólho dị kizuom inyina?

Jerimaya 9:23

Ọmoogh-we phọ ạḅem mọ, “Awe olegheri-ịyaar kúubagaam olegheri-ịyaar phọ ạbidi, awe ịikpo kẹn kúḅoom ịikpo phọ ạbidi, ạraalha kẹn kúḅoom ẹelha phọ ạbidi.

Hosia 10:13

Kpạripe ghụn nyina ịzuph ịkaraph kụ ibugha phọ ẹdaphan. Nyina melhe iimuma ọkpe phọ anyina emitiom. “Loor esi dị nyina iḍuom ologhi rughuugh ẹgham rꞌaḍita ạbuo ẹgham anyina,

Igbiighi 21:29

Ẹtol ika nụun esi anyina, we Mọab! Nyina awe phọ rọoḅereghi ghan bọ eru Kemos kụ mophiemi! Eru phọ memeera mọ ạnmuny phọ ọdi oḍighi ruuruen dị royeela, mọ aSihon ọdaam mọ Ạmorait asiphi nmạnyaan phọ ọdi.

1 Timoti 6:17

Ḅẹni ni ạkpaariom bụphe ọmoogh bọ ẹelha ịsien aḅirini phọ mọ bịdi kúbaga, ḅịle mọ bịdi kụ́sighe oḍuom ologhi ạbidi useere loor ẹelha phọ reten bọ oler phọ, oseere ghụn ni esi Ẹnaan phọ rịngo ghan bọ iyira oomo ạraraar lọ yira kọkelhom.

Ogonanami Phọ 18:7

Ịngo nyọdi ịminimiin rꞌamukum ologhi dị aalenyan eegu rꞌẹediom mọ ọdi abagaam ghan bọ, loor esi dị ọdi ạḅenian ghan loor phọ ọdi mọ, ‘Mị kụ ukueni phọ ạrolom bọ ạgada ọdaam mọ. Mị kékpukele ạnir. Mukum ologhi mị kálegheri.’

Bụo Ịiruen 11:24

Awe phọ ọdi kụ nạ kụ kạsighe ạmoogh ḍụghum? Nạ kạpam ni tọrobo ade aKemos ẹmugh phọ ạna mẹngo bọ nyịna mọ mọogh. Kụ ọlo yoor kọpam ni tọrobo ạḍiphe Ọmoogh-we Ẹnaan phọ ayoor ụngo bọ iyoor.