Jerimaya 48:12 - Ạḍinya Iigbia

¹² “Kụ nyịidipho, amem retu ni dị mị kazu Mọab atoph ịdipho amiim. Bịdi kooku ruuku amiim mọ ọdi kụ oḅomoghi ootughuḍi.

Jerimaya 48:12 Iomraidhean Croise

Ạsuor 2:9

Nạ kạpam ni ịkpara okuron kụ abunughiom bịdi; nạ kaḅomoghi ni bịdi ịpherepe ịdipho ọnyoki.’”

Azaya 16:2

Bịdi ụrol iigbom Ọphiiny Anon kụ okori ọḅile ghan oghir ooghiraan ịdipho ịnun dị ophorogh omitiom otu ạbidi.

Azaya 30:14

Nyina keetughuḍian ịdipho oko dị ameel aḅomoghian ịdi rꞌọpherepe lọ ạmanam ọghophom ạnian kạ́tol, ọkorom kẹn ạmuum ẹepe.”

Jerimaya 14:3

Ạbudaam mọ rotom ghan butelhedom ạbidi mọ ọghi ọwa mụum; bịdi rọki ghan ẹpe ariini ạmuum mọ, kụ ọlo rọ́miin ghan mụum; bịdi rotigheel ghan rꞌizoki dị ịyaar ologhi ílho. Kụ bịdi ọbooghi yogh risigh ạbidi, loor ịdi úlegheri mun ịlo oḍighi.

Jerimaya 19:10

Kụ Ọmoogh-we phọ agbi ọḅeni ạmi mọ ḅom izoki phọ sịphe risigh awe phọ rꞌạmi ọghi bọ

Jerimaya 25:34

Imoghi yogh, nyina abukoriom awe phọ ạmi, nyina phọ repogh bọ weye phọ ạmi, imoghi yogh emitiom! Ikururu ẹḅile eekila ophugh. Amem mọ kịze bọ inyina mẹteeny, kụ kịkanyan inyina ịdipho idughuna.

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 48:11

Ọmoogh-we phọ ạḅem mọ, “ẠMoab mạrol ghan ni ịma ạdol kụ kọ̋sighe ghan ọghimom iiruen arikpisi. ẠMoab ạghigh miim dị ụ́meleghi kụ ụ́sighe eeku ótene eeku. Ḍidugh phọ kọ̋phueri kụ edi ghan bịn kꞌagee-pọ.

Jerimaya 48:13

Kụ awe ạMoab kọmoogh mabi esi eru phọ ạbidi Kemos, ịdipho Ịzirel ọmoogh bọ mabi esi ạBetel, eru oḍuom ologhi phọ ạbidi.

Jerimaya 48:15

Mọab rꞌạramha phọ ọdi mophiemi; ọkar ịma ugheel ạnmuny phọ mobenogh ọze. Mị kụ ọdaam mọ, Ẹnaan Oomo Ịikpo Ọmoogh-we phọ, kụ mị mạḅem.

Jerimaya 48:38

Ạnyu oomo aruutu ạMoab rꞌịsiphe oomo arurugh ogbo ẹmha phọ, ẹnon ịyaar ílho emuton emoghi, loor esi dị mị maḅom Mọab ịdipho izoki dị rꞌoye ụ́wa mun.

Jerimaya 48:8

Rꞌeniin ẹmha kékpetenaan dị kópiemi; de eḍiiny rꞌade dị eeleeny kọpue ni. Mị Ọmoogh-we phọ kụ mạḅem.

Nẹhum 2:2

(Ọmoogh-we phọ rạwa oḅulemi eghuan phọ Ịzirel, ịdipho ẹrol bọ kụ ạmulogh-ḍien phọ aphiemi bọ.)