Jerimaya 48:10 - Ạḍinya Iigbia

¹⁰ (Itonyonaan edianaan oye lọ úḍighi oḍighi Ọmoogh-we phọ rꞌoomo ologhi ọdi! Itonyonaan edianaan oye lọ kạ́gurogh kụ akiigh.)

Jerimaya 48:10 Iomraidhean Croise

1 Ạbudaam 20:42

Kụ oyil phọ ạḅeni ọdaam mọ ịduon mọ, “Ọmoogh-we phọ ạḅem ịduon mọ, ‘Nạ mạwile oye phọ ọpo ọḅogh bọ ọlogh ḍịghaagh ạna kụ ọḅem bọ mọ kokiigh phọ, kụ iḍighi aghuḍum mọ ạna katelhian ghuḍum mọ ọdi; awe ẹgham mọ bụphe ạna kotelhian we ẹgham mọ bụphe ọdi.’”

1 Sạmuel 15:3

Kịa azuom ẹgham we phọ Ạmalek ạphueghi oomo ạraraar lọ bịdi ọmoogh ạmadan. Kásugheeny rꞌeniin ịyaar. Zẹ ni oomo alephiri ạnmuny rꞌạnmariir rꞌịbam ạnmuny rꞌạbulo pụruku ọmar, rꞌạsinam rꞌiyool-ịga, sịkamel rꞌịnam adool phọ ạbidi ạmadan.”

Bụo Ịiruen 5:23

“Kụ ọokpaany kꞌỌmoogh-we phọ ạḅeni mọ, ‘Itulughian ẹrolonaan Meroz, itulughian ẹrolonaan bụphe orugh bọ ẹpe phọ, ịdi eḍighi bọ bịdi ụ́ki esi Ọmoogh-we phọ mọ ọloghonaan nyọdi ḍịghaagh, mọ ọloghonaan nyọdi ḍịghaagh eenom we ịikpo phọ.’

2 Ạbudaam 13:19

Kụ ẹghagh ologhi Ilaisa kụ ọdi ạḅeni ọdaam mọ, “Nạ mụtaph bọ oogh mꞌodiiny amem ọbo pụruku nạ mạkpar apu weye ạSiria; kụ ọlo nyịidipho nạ kạkpar apu bịdi ịraar amem bịn.”

1 Sạmuel 15:9

Kụ ọlo ạSol rꞌawe phọ ọdi ụwile ni Ạgag úkiigh, ḅịle kẹn bịdi ụ́ze igbogh iyool-ịga phọ rꞌạsinam mọ rꞌạnmuny iyool-ịga phọ rꞌạtorotoro ịyaar dị ẹnighe. Bịdi ọphueghi rạraar phọ ịpe ị́moogh bọ ịyaar oḍighinom mọ bịn.

Jerimaya 50:25

Mị maghughuron esi phọ osereghi bọ rạraar ẹgham mọ, kụ rꞌophin ologhi ạmi kụ ẹdi mị amiteghom, loor esi dị mị, Ọkar Ogbogh Ọmoogh-we Oomo Ịikpo phọ, ạmoogh oḍighi oḍighi ẹpe Bạbilonia.

Jerimaya 47:6

Ịlo ẹmagh, ‘Elhool ẹgham Ọmoogh-we phọ! Nạ kạtol obeneghan ghan bịn kꞌapuraḍio? Ḅula loor aḍiphul ạna, Tọl sịphe aphooghian!’

1 Ạbudaam 20:39

Ọdaam mọ raten kụ oyil phọ amoghiom ọdaam mọ kụ ạḅeni mọ, “Otelhedom mọ ạna ạghi ẹpe ogbo ẹgham mọ kụ ọnyo ẹgham ạsighe oniin oye dị ọdi asiph uruom ịmi kụ ạḅem mọ, ‘Pạm oye phọ ọphon, kụ eru mạar dị oye phọ aphe, pọ kọsighe ghuḍum mọ ọdi onmiom ghuḍum mọ ạna. Kụ ịdipho ílho, pọ nạ kạkpe ịraar ọonir ipoḍi asilva.’

1 Ạbudaam 20:40

Kụ otelhedom mọ ạna odi rukumuan ẹphen rꞌẹnon ekpisi bịn oye phọ asuma.” Kụ ọdaam mọ Ịzirel ạḅeni nyọdi mọ, “Ọoruen phọ ạna ịduon; nạ masopha ni ọoruen phọ ạngo loor ạna.”

Jerimaya 11:3

mọ mị Ọmoogh-we Ẹnaan phọ Ịzirel maronyon tọrotoro oye lọ ụ́daphan iilogh ịyo phọ ịphen.

Jerimaya 47:7

Kepooghian bọ ika mem dị mị mạngo oḍighi oḍighi? Mị mạto mọ elhool ẹgham ezuom Askelon rꞌoomo awe phọ odi bọ ọgbal ọphiiny phọ.”

Jerimaya 50:27

Ịze oomo ạbuo ẹgham ạbidi! Ịkanyan bịdi! Awe phọ ạBabilon mophe! Amem mọ mẹteeny dị kọliom bịdi!”

Josua 10:19

Kụ ị́tol sịphe phọ, ephorogh ghan bụmulogh-ḍien phọ anyina ẹze bụphe odi bọ ẹphen ọman phọ. Ímeera ghan bịdi oḍiku sịphe ạramha phọ ạbidi, loor esi dị Ọmoogh-we Ẹnaan phọ anyina mạḅogh bịdi ạlogh ḍịghaagh anyina.”