Jerimaya 48:1 - Ạḍinya Iigbia

¹ Ịphen kụ ịpe Ẹnaan Oomo Ịikpo Ọmoogh-we phọ ạḅem bọ ịlo ạMoab: “Ighirigiir ẹrolonaan weye aNebo — ẹmha ạbidi mophiemi! Mọkpar opu Kiriataim, esi ịikpo phọ ọdi mowunughi, kụ we phọ ọdi mọngo roofola.

Jerimaya 48:1 Iomraidhean Croise

Emiighom 14:5

Omuneniom aḍioph rꞌinya ạsia, kụ aKedorlomer aḅetenu rꞌạbudaam mọ bụphe rꞌọdi oḍighan bọ ọḅoph ọnhu kụ ọka bụo Refaim mọ ẹpe Asterot Kanaim, bụo aZuzim ẹpe Hạm, bụo Emim ẹpe ẹdala phọ aKiriataim,

Emiighom 19:37

Okumoor ọnyani phọ ạmar mọony kụ aghol ḍien ọony phọ mọ ạMoab. Ọdi kụ azin ạnmuny ạnmuny awe phọ ạbuen rokol ghan bọ mọ ạMoabait phọ.

2 Krọnikuls 20:10

“Nyịidipho awe phọ Amon, ạMoab rꞌIdom moru uzuom iyoor ẹgham. Mem mọ ạburude ạburude ayoor omite bọ ẹpe Ijipt, nạ ómeera bịdi oḍigh rere phọ ịpe, kụ ạburude ạburude phọ ayoor ọghi okitonom kụ úpiemi.

Azaya 25:10

Ọmoogh-we phọ kaako ni Eegum ạZayon, kụ ọlo kọozeghi ni we phọ ạMoab ịdipho rọozeghi ghan bọ ịikpo ịbiakpa meḍighi atopha esi ạraraar dị ọde ude ọngo ẹnuum de phọ.

Azaya 25:12

Ọdi kapiemi ni riisi ẹkpar phọ ạMoab rꞌiiphopha iikpe phọ ạbidi, kụ ọkororo omeleghu osuma ọoru.

Azaya 27:3

“Mị ụkaraghi ni akori ghan ozo phọ ạmi kụ aaḍuom ghan mụum ịizupha phọ ịbadi amem. Mị aphogh ghan ḍughul rꞌootaany ọbo oye kạpue ịyaar.

Jerimaya 27:3

Kụ Ọmoogh-we phọ ụḅeni ịmi mọ mị ụngo dom ikpolom aruuruen dị oru Jeruselem ọmiin ạZedekaya ọdaam ẹmha phọ mọ bịdi ọghiomonaan bụdaam mọ Idom, Mọab, Amon, Taya rꞌaSaidon.

Igbiighi 24:17

Mị apogh ạkiom ghisigh Kụ mị ạmiin eelhe phọ Ịzirel. Ẹenaan kekon ni kꞌạJekob; ịkpara ọdaam kemite ni Ịzirel Dị kẹgurogh bụo ạrumhu phọ ạMoab, Kụ ekuphogh oomo awe phọ ạSet.

Igbiighi 32:3

“Rạmha phọ ịpe Ọmoogh-we phọ aphiemi bọ esomanan aḍita awe phọ Ịzirel — Atarot, Dibon, Jazer, Nimra, Hesbon, Eliale, Sibma, Nebo rꞌaBion — ade phọ ẹnighe ḍịo ịnam-otu, kụ abutelhedom mọ anyina ọmoogh ịnam-otu dị eḍiza.

Josua 13:19

Kiriataim, Sibma, Zeret Sahar ẹpe eegbolom eḍiiny phọ;