Jerimaya 47:4 - Ạḍinya Iigbia

⁴ Amem mọ mẹteeny ophiemi aFilistia, ọgbatan esi aTaya rꞌaSaidon oomo ọloghonaan ạḍighaagh lọ asugha. Mị Ọmoogh-we phọ kapiemi ni bụo aFilistia phọ, oomo ạbuphe ọḍua bọ oogbom aKrit kụ oru.

Jerimaya 47:4 Iomraidhean Croise

Emiighom 10:15

AKenan ạmar Saidon — ọkpana ọdi — ạḅile ạmar Het; bịdi kụ ạburude ạburude awe areelhe phọ romeera ghan bọ siḍien phọ ạbidi.

1 Krọnikuls 1:12

aPatros, Kaslu, rꞌaKrit (esi phọ awe aFilistia ọḍua bọ kụ omite).

Job 9:13

Ọghagh ologhi Ẹnaan phọ ránmia ghan. Ọdi aagulemi bụmulogh-ḍien phọ ọdi, bụphe ọloghonaan bọ ḍịghaagh Rehab, elhom ẹnam ọphiiny phọ, kụ eenan bọ nyọdi.

Ạsuor 37:13

Kụ Ọmoogh-we phọ rạmilogh ghan oye ạsipioghom mọ bịn, ịdi eḍighi bọ ariiḍio ọdi ị́kel mun.

Azaya 10:3

Nyina keḍighi ika mem dị Ẹnaan ịlhiom inyina? Nyina keḍighi ika mem dị ọdi ạsighe muphe eelhe dị ẹkel iruom inyina? Ẹghen kụ ẹdi nyina kekiil bọ ẹki ọwa ọloghonaan ạḍighaagh? Ẹghen kụ ẹdi nyina kẹbooghi bọ ẹelha phọ anyina?

Azaya 14:31

Ịlooghi kụ emoghi ẹlhom ọloghonaan ạḍighaagh, oomo anyina ạramha aFilistia! Ịtol esi ekpereghaan, oomo anyina! Ọotu ophugh ạḍua ni ẹpe ephunom mọ ratu — aḍighi ḍita awe ẹgham dị ọlo eepuph úlho sịphe ạsiadam mọ ạbidi.

Azaya 20:6

Amem mọ ạmuphe phọ ẹteeny, awe phọ ạbuphe orughogh bọ risiḍia phọ aFilistia kọḅem ghan mọ, ‘Ịmiin ịpe memitenaan bọ we phọ yira oḍuom bọ ologhi ọphel ayira ḍịghaagh esi ogbogh ọdaam mọ Asiria! Yira kokpetenaan bọ puraḍio?’”

Azaya 31:8

Asiria kopiemi ni ẹgham, kụ kóḍighinom ịikpo oye. Bụo Asiria kokiil ọḍua erugh ẹgham mọ, kụ ọsighe ugheel ạnmuny ạbidi oḍighi rẹbene.

Jerimaya 46:10

Arodon kụ aḍio Ọkar Ogbogh Ọmoogh-we Oomo Ịikpo phọ: rodon ọdi kaḅulemian; rodon ọdi kạliom bụmulogh-ḍien phọ ọdi. Elhool ẹgham ọdi kẹze bịdi kụ ẹper, kụ ẹpughol ịḅaal ạbidi tụtu ẹgbaanyan. Rodon Ẹnaan Oomo Ịikpo reḍighinom ịyaar aghuḍum bụphe ọdi mạteeny bọ ẹpe ephunom mọ, ọgbal aYufratis.

Izikiel 21:25

“Nạ ọkaraph ọolha-ẹmha Ịzirel dị úlho dọl iigbia, aḍio ạna, aḍio eekuna ọliom ạna, retu ni.

Izikiel 21:29

“‘Uḍien phọ ịpe nyina ẹmiin bọ ọkpe ni, ḅịle ịmiin phọ ịpe nyina ẹmiin bọ ọkpe ni. Nyina ebeeph rꞌịkaraph, kụ aḍio anyina retu ni, aḍio eekuna ọliom anyina. Elhool ẹgham kemeelom ạnyu irum anyina.

Izikiel 25:16

Kụ mị mạghaaph raleenye mọ mị kazuom we aFilistia ạze bịdi ạman. Mị kapiemi tọrobo ịyaar lọ esugha dị ẹmoogh ḍiphooghu sịphe ạḍiyaghaghaany ade phọ aFilistia.

Izikiel 30:8

Mem dị mị ạlogh nịan Ijipt kụ bụo ooḍikuan rꞌọdi mọze, bịdi kolegheri ni mọ mị kụ Ọmoogh-we phọ.

Izikiel 7:12

Amem mọ retu ni. Aḍio phọ mẹebeeph mem dị ogho rꞌaal ạraraar kẹ́man mun ịyaar, ịdi eḍighi bọ ạghelhe phọ Ẹnaan kameelom ni tọrobo oye iniin phọ.

Hosia 9:7

Amem ọliom mẹteeny, mem dị awe kọsighe ịdi ẹkpianaan bịdi. Mem dị ịpe phọ emite, Ịzirel kolegheri ni! Nyina mọ, “Oyil phọ ọphon uwo elologhi. Oye phọ ọphon ẹsiiny bọ aḍighi ọpirighi ni.” Nyina awe phọ ighel ịmi iboom loor esi dị ịkaraph anyina ẹbugh ni.

Ẹmos 9:7

Ọmoogh-we phọ ạḅem mọ, “Weye Ịzirel, awe phọ ạSudan ọkar ri ọman mạar esi ạmi ịdipho anyina. Ịdipho mị ạsighe bọ we phọ aFilistia ạḍuanam ẹpe aKrit ḅịle rꞌawe phọ ạSiria ẹpe Kir, ịduon kẹn kụ ịdi mị ịsighe bọ inyina amitiom ẹpe Ijipt.

Elegh aLuk 21:22

Ịphen phọ, ariiḍio oḅulemian, ịlo omuneniom oomo phọ ịpe ọge bọ sịphe Ạḍinya Iigbia phọ.

Dutoronomi 2:23

Kụ Avim mọ orughogh bọ ẹpe ạramha phọ ọghi osiemi ẹpe Gaza, bụo aKaftorim ọḍua ẹpe ekpu-ogbo phọ aKrit ọghi ophiemi bịdi, orughogh sịphe esoorom mọ.)

Josua 22:30

Mem dị ạFinehas oyil ạrikia phọ rꞌikpolom awe ookpomoghan phọ Ịzirel rꞌạbuo ạrumhu sịphe oomo arughunughun phọ ọnaghan bọ ịpe eghun aRuben, eghun ạGad rꞌọphori phọ opol eghun ạManase ọghaaph bọ, ịḅeeraan ni bịdi igey.