Jerimaya 47:2 - Ạḍinya Iigbia

² Ọdi ạḅem mọ, “Ipogh! Ạmuum rakil li igey ẹpe ephunom mọ karu ịdipho ọphiiny dị aḍigho reḍigh. Kạminoghom ni de phọ rꞌoomo ạraraar lọ edi sịphe, rạmha rꞌaweye lọ orugh sịphe. Awe kọlom ọloghonaan ạḍighaagh; tọrobo oye lọ odi sịen ade phọ kạtolom rꞌizin.

Jerimaya 47:2 Iomraidhean Croise

Ạsuor 24:1

Ade phọ rꞌoomo ạraraar phọ edi bọ ịlo Ọmoogh-we phọ; aḅirini phọ rꞌoomo awe phọ orugh bọ sịphe phọ ạbuo ọdi,

Ạsuor 50:12

“Eru mạar dị ọkoony rusiph ịmi, mị inyina mípuru ẹlo olhe; aḅirini phọ rꞌoomo ạraraar phọ edi bọ sịen aḅirini phọ ịlo ạmi.

Ạsuor 96:11

Ịmoogh iboh, de rꞌạke. Ịmaphaan, ọphiiny rꞌoomo ịpe edi bọ ụmuum.

Ạsuor 98:7

Mạphaan, nạ ọphiiny rꞌoomo ịlo edi loor ạna; nạ aḅirini phọ rꞌạbuphe orugh bọ pạ.

Azaya 14:31

Ịlooghi kụ emoghi ẹlhom ọloghonaan ạḍighaagh, oomo anyina ạramha aFilistia! Ịtol esi ekpereghaan, oomo anyina! Ọotu ophugh ạḍua ni ẹpe ephunom mọ ratu — aḍighi ḍita awe ẹgham dị ọlo eepuph úlho sịphe ạsiadam mọ ạbidi.

Azaya 15:8

Ẹḍogh emoghi bịn kụ edi rọnaghan ghan oomo ạruuku ade phọ ạMoab. Rọnaghan kẹn ni ẹpe rạmha phọ Eglaim rꞌaBeer Ẹlim.

Azaya 22:1

Ḍịen adom ḍịo esi phọ oghol bọ mọ Eḍiiny Ịmiin phọ. Eeghe kụ remite? Uḍighi ika kụ oomo awe ẹmha phọ ọmoogh bọ ọḍe ạnyu aruutu phọ?

Azaya 28:17

Iiḅi ịiruen kụ keḍighi oḍigh ọtoom ephighiom mọ, kụ ọgba igey aḍighi oḍigh oolemiom ọdi.” Iiḅoghoḍi ibikpo kekilom ẹsighe oomo ọkpe phọ nyina eḍuom bọ ologhi, kụ ạrumuum aḍigho epiemi ẹkpar phọ anyina.

Azaya 59:19

Ẹḍua emitenom erumuḍio kụ esi emeelom mọ, tọrobo oye kakiilaan ni nyọdi rꞌigbogh ịikpo phọ ọdi. Ọdi katu ịdipho ọphiiny dị rakil, ịdipho ọokpara oghim.

Jerimaya 1:14

Kụ ọdi ụḅeni ịmi mọ, “Oogulemi kapul ẹpe ephunom mọ kụ azuughiom oomo awe lọ odi sịen ade phọ ạḍien,

Jerimaya 46:12

Areelhe mẹnaghan ịlo aroofola phọ anyina; tọrobo oye mạnaghan emoghi phọ anyina. Oniin ọnyo ẹgham akpetaan nyoniin, kụ ịyal ạbidi omeleghu.

Jerimaya 46:13

Mem dị ạNebukadnezar ogbogh ọdaam mọ ạBabilon aru ozuom Ijipt, Ọmoogh-we phọ ụḅaanaan ni ịmi. Ọdi ạḅem mọ,

Jerimaya 46:20

Ijipt ạkigh ḍigey ạnam dị ạgay ẹpe ephunom mọ azuom rạtanyi.

Jerimaya 46:24

Moofolomi we phọ Ijipt; awe ephunom mọ mọkpar opu bịdi. Mị Ọmoogh-we phọ kụ mạḅem.”

Jerimaya 48:39

Mọab moḅomoghi ootughuḍi! Imoghi agey! Moofolomi Mọab. Meeph ọmiin, kụ oomo areelhe phọ etuman bọ rotulughi ghan. Mị Ọmoogh-we phọ kụ mạḅem.”

Jerimaya 6:22

Ọmoogh-we phọ ạḅem mọ, “Awe mọḍua eniin eelhe ẹpe ephunom mọ rotu; eelhe dị ẹmoogh ịikpo kụ ẹkel iboom, bịdi rookolobian ẹgham.

Jerimaya 8:16

Ẹpomoghian phọ ayira mosi ghụn ni ẹpe ẹmha phọ ạDan; yira rọnaghan ni ḍiphooghu ạrusu phọ ạbidi. Aruugu rasiph ni oomo phọ ade phọ mem dị ạrusu phọ ạbidi ẹḅeela. Ẹpomoghian phọ ayira moru oogulemi ade phọ ayira rꞌoomo phọ ạraraar phọ edi bọ sịen ade phọ, ẹmha phọ ayira rꞌoomo phọ awe phọ ọdi.”

Dạniel 11:22

Tọrobo oye lọ akikima nyọdi, ghạlamo rꞌogbogh oyil ạrikia phọ Ẹnaan phọ ni, kọgboton ni otene ọgbal kụ okiigh.

Nẹhum 1:8

Ịdipho aḍigbogh aḍigho dị rekil kụ ịdi ọdi aphiemi bụmulogh-ḍien phọ ọdi; ọdi aḍeenaan eten aḍuugh ạbidi bụphe ọḅem bọ mọ eeye egbodo ọdi.

1 Bụo ạKorint 10:26

ịdi eḍighi bọ ạḍinya iigbia phọ ẹḅem mọ, “Ọmoogh-we phọ kụ ạmoogh de phọ rꞌoomo ạraraar phọ.”

1 Bụo ạKorint 10:28

Kụ eḍighi ịyaar dị oye arophaan ọnhu mọ, “Ẹphen eḍien dị ọphighironom ẹkia ọngo ruru,” pọ ịtuan nyọdi ẹsighe ologhi ẹwilenom eḍien phọ.

Jems 5:1

Nyina ạraalha phọ, ịnaghanan ịmi. Imoghi yogh ẹmoogh ọto loor oomo phọ ịminimiin phọ kisoorom bọ inyina.

Ogonanami Phọ 17:1

Kụ oniin sịphe oḍual phọ ạruukpaany phọ ọmoogh bọ oḍual iḍukuru ạsigbagba phọ aru ụḅeni ịmi mọ, “Tue, mị kaḍeenaan nyịna ịdi kọliom oliom ẹmha phọ aalheghan bọ eboom ẹmha phọ etuman bọ ịbadi ạrumuum mọ.

Ogonanami Phọ 17:15

Ọokpaany phọ ạḅile ni ụḅeniom ịmi mọ, “Ạrumuum mọ nạ ạmiin bọ ạnir phọ ạrolom bọ ude phọ, areelhe ni rꞌaḍita awe rꞌạramha rꞌạrunhu.