Jerimaya 44:3 - Ạḍinya Iigbia

³ loor esi dị awe phọ ạbidi mọpioghom kụ uḍighi ịmi ịlo ophin ologhi. Bịdi uḍighi ghan rạraar aghuḍum ọngo ịkaanaan ạrumugh kụ okumu ghan ruru dị bịdi rꞌanyina rꞌạburude ạburude ạbidi kꞌekulha kőoseeny ghan.

Jerimaya 44:3 Iomraidhean Croise

Nehemaya 9:33

Ịpe nạ ụliom bọ iyoor eḍighi ni ịne; nạ kőbi, ghạlamo ịduon yoor moḍighi bọ ni ịkaraph.

Azaya 3:8

Agey ni, moruule Jeruselem! AJuda rameel! Tọrobo ịyaar dị bịdi ọḅem kụ oḍighi ị́ḅophan Ọmoogh-we phọ; bịdi omite obalelhe otonyon Ẹnaan rꞌaloor.

Jerimaya 11:17

“Mị Ẹnaan Oomo Ịikpo Ọmoogh-we phọ kụ ụzuph Ịzirel rꞌaJuda; kụ nyịidipho mị rạpaar ghan ophiemi ạbidi. Bịdi kụ ụwa ni ịphen phọ loor esi dị bịdi moḍighi ịkaraph; bịdi moḍighi ịdi repin ologhi ạmi esi ọphinyon ạrikia ọngo aBaal.”

Jerimaya 16:10

“Mem lọ nạ ạḅeni bịdi oomo phọ ịphen phọ, bịdi kopuru ni nyịna ịpe eḍighi bọ kụ mị magbiighi bọ ọliom ạbidi ịdi ẹgbagara ịduon. Bịdi kopuru ni ọdo phọ ịpe phọ ọpioman bọ rꞌọdo ịkaraph lọ bịdi moḍighi esi Ọmoogh-we Ẹnaan phọ ạbidi.

Jerimaya 22:9

Kụ bịdi ogbi ọphagharanaan mọ ụtuan dị nyina mẹḅitonaan ịyo phọ nyina eghiran bọ rꞌạmi Ẹnaan phọ anyina bịn ẹḅile rẹeḅereghi ghan kẹḅile ekumu ịnon ạrumugh.”

Jerimaya 29:19

Ịphen kemitenaan bịdi loor esi dị bịdi ụ́naghanan ghan dom mọ mị arom ghan bọ butelhedom ạmi, ariil phọ. Bịdi úmeera ụ́naghan.

Jerimaya 32:30

Kꞌẹḅel emiighom mọ awe phọ Ịzirel rꞌawe phọ aJuda moḍighi ghan ni ịdi ị́nighe dị kiḍighi ịmi ịlo ophin ologhi.

Jerimaya 44:23

Ịminimiin phọ ịphen mịteeny inyina loor esi dị nyina iḍighi yogh rạraar aghuḍum ẹngo ruru kụ ẹpioman esi Ọmoogh-we phọ ịdipho nyina ị́naghanan bọ oomo ịto phọ ọdi.”

Jerimaya 44:8

Eeghe kụ nyina rịngo ghan bọ ịmi ophin ologhi reten ooseeny ịkaaghineen ạrumugh rꞌọḅile oḍighi ạrikia ọngo aruru sịen Ijipt, esi phọ nyina meru bọ ọrol phọ? Nyina reḍighi ghan ịphen phọ ophiemi asiloor anyina bịn ḍụghum, ẹrol dị tọrobo eelhe sịen ade phọ iphogh inyina ẹḅitonaan kụ ẹsighe ḍien anyina eḍighi ịlo itonyonaan bịn ḍụghum?

Jerimaya 5:19

Mem lọ bịdi opuru ịpe eḍighi bọ kụ mị aḍighi bọ oomo ạraraar phọ ịphen phọ, Jerimaya, ḅẹni bịdi mọ ịdipho bịdi ụwile bọ ịmi kụ okumu iiruen ạrumugh sịen ẹmha phọ ạbidi, ịdipho kẹn kụ ịdi bịdi kokumu ruuruen ẹpe eelhe dị ítu nyẹen ạbidi.”

Jerimaya 5:29

“Kụ ọlo mị Ọmoogh-we phọ kạtuan ni rạraar phọ ịphen phọ ạliom bịdi; mị kaḅulemian ni eelhe phọ ẹphen phọ.

Jerimaya 7:19

Kụ ạmina phọ ni kụ ẹdi bịdi rọdegh ghan bọ ḍụghum? Eeye, bịdi roḍighinaan ni siloor ạbidi kọḅile osiphe umugholoor siloor ạbidi.

Ịkunuma 1:8

Eghuan ọdi mephe; ọdi odi ẹdaḅa kụ asoor dọl aroofola. Ọdi rạkuph kụ ạbooghi risigh ọdi loor esi umugholoor. AJeruselem kụ ạphuenaan loor rꞌịminighan ạsipioghom.

Ịkunuma 4:13

Kụ imite ni loor esi dị ariil ẹmha phọ ụpioghom kụ ariil ạrikia oḍighi ịdi aḍuugh ẹteeny we dị ịyaar ụ́piom.

Izikiel 9:9

Kụ Ẹnaan ẹphagharanaan mọ, “Awe phọ Ịzirel rꞌaJuda ọmoogh apum ilhom ịkaraph. Bịdi mọko enu tọrobo ekpisi sịen ade phọ kụ momuzeḍiom Jeruselem rꞌạsipioghom. Bịdi ọḅem mọ mị Ọmoogh-we phọ mạwile eelhe phọ ạbidi ḅịle mọ mị bụno rạ́miin.

Dạniel 9:5

“Yoor moḍighi ni ịkaraph, yoor ạbukaraph awe, yoor mọpioghom. Yoor moghel ịpe nạ ạto bọ ụngo iyoor mọ oḍighi ghan, kụ ọḅitonaan igey phọ ịpe nạ uḍeenaan bọ iyoor.

Dutoronomi 13:6

“Eru mạar dị umor ạna mꞌọony onhiin ạna, mꞌọony ạna mꞌọnyani ạna, mꞌoophineen ạnir ạna mꞌọyaghiri ạna dị rꞌạna ẹḅoph ologhi, kụ aru raakeleghi mọ tue ọghi ọoḅereghi ịnon ạrumugh ịpe nạ rꞌạburude phọ anyina úlegheri bọ,

Dutoronomi 29:25

Kụ awe ọḅem ghan mọ, ‘Bịdi ụphue ịyo phọ Ọmoogh-we Ẹnaan ạburude phọ ạbidi rꞌạbidi oghiran bọ, mem mọ dị ạsighe bọ bịdi amitiom ạḍuanam ẹpe eelhe phọ Ijipt,

Dutoronomi 29:26

kụ ọghi ọoḅereghi ghan, ooseeny ghan ịnon ạrumugh, rụmugh dị bịdi úlegheri, ọdi kụ bịdi ọ́ngo.

Dutoronomi 32:17

Bịdi ọphinyon yogh ghan rịkia ọngo rụmugh dị kạ́rumugh, rụmugh dị bịdi úlegheri, imoom ạrumugh dị pụruku emite, rụmugh dị ạburude ạbidi kőmeeraam ghan kꞌekulha.

Bụo aHibru 3:16

Ạbuanhian kụ ụnaghan bọ ẹḍogh phọ Ẹnaan kụ oruphiom bọ nyọdi? Oomo awe phọ ạbuphe ọrol bọ Ijipt kụ aMozis ạphel bọ amitiom.